SOFFOONIYAASI 2:7 - Qullaawa Maxaafa

⁷ Qafadotewiinni gatinohu Yihudu manni baatto'ne ragi're saada hosiisi'rannowa assi'ranno; Asiqeloonaho nootera minnansara galanno. Kaaliiqi Maganinsano towatannonsa; qafadaminonsare baala daware riqiwannonsa.

SOFFOONIYAASI 2:7 ပူးပေါင်းရင်းမြစ်များ

KALAQAMA 50:24

Yooseefi roduuwisira, «Ani reyammoraatina, Maganu kayinni addintanni kaa'la'nera daanno; tenne baattonnino fushshe Abirihaamira, Yisihaaqiranna Yaiqoobira aansara xaarino baattono iillishanno'ne» yiinsa.

FAARSO 80:14

Olantote Magano ballo, xaate higinke; gordoho heedhe kawa higge lainke. Tenne woyinete haqqichono towati.

FAARSO 85:1

Kaaliiqa! Gobbakkira dancha coye malootto; Yaiqoobi sircho galagalchite duroonsootto.

FULO 4:31

Mannuno konne coye ammani; Kaaliiqi daye towatinonsatanna assinoonninsa beebba afinota macciishshite guluphite guwissusi.

ISAYAASI 11:11

Hatte yannara, Mootichu galagale angasi diriirse gatino manna Asoorinni, Gibitsetenni, Itiyophiyunni, Elaaminni, Baabilooninni, Hamaatinni, Baaru qaccuwanninna giddichuwa baalatenni gamba assanno.

ISAYAASI 11:14

Lamunku xaadde galchimaanni Filisxeeme qassanno; soojjaatoonni noo gosaha jajjansa gudhitanno; Edoominna Moaabi gosa qeeltanno; Amooni gosano insa angara higganno.

ISAYAASI 11:16

Akaakkansa Gibitsetenni fultu waro assinte gede, baotenni gattinoti Israeelete taraare Asoorinni fultanno doogo qixxeessanno.

ISAYAASI 14:1

Kaaliiqi mannasi Israeele mararannonsa; galagalche mannasi asse doodhanno. Galagalte gobbansara heedhanno gede assannonsa. Wole gobba mannino daye insa ledo sumuu yee hee'ranno.

ISAYAASI 32:14

Mootete mini nafa ona ikkanno; dannawu katamino mulla darga ikkanno. Minnanna agarranni shae diigantanno; harre gongo'mitannowanna saada hossannowa ikkitanno.

ERMIYAASI 23:3

Gatinoha manna'ya billaallisoommowiinni aninni gamba asse gobbansa qoleemmonsa; insano lowo ooso ilanteennansa kiiro lexxitanno.

ERMIYAASI 29:10

Kaaliiqi, «Baabilooni heedhinannihu 70 diri goofanno waro, alba higeemmo'ne. Oommo'ne hexxo garinnino galagalche qae'ne qoleemmo'ne.

ERMIYAASI 29:14

Anino leelleemmo'ne; qafadantinoonniwiinnino qoleemmo'ne; billaallisoommo'ne gobba baalatenni gamba asse haa're fushshe gobba'ne abbeemmo'ne. Konne coye coyi'roommohu ani Kaaliiqaati» yii.

ERMIYAASI 3:18

Hakka waro Yihudunna Israeelete manni mitteenni aliyye widoonni noo gobbara qafadaminowiinni daanno; akaakkansara hegerera iqqa asse oommonsa gobba galagale higanno» yeemmo gede kulino.

ERMIYAASI 30:3

Kune, qafadame nooha Israeelennihanna Yihudunniha manna'ya qole abbeemmo barri daanno. Akaakkansara iqqa asse oommo baatto galagalche qoleemmonsa; insano iqqansa assidhe heedhanno. Konne coye coyi'roommohu ani Kaaliiqaati» yii.

ERMIYAASI 31:7

Kaaliiqi qole, «Daga baala roortino Israeele daafira, ilillissinanni faarse; Israeelete taraare ikkinoha mannasi gatisino.

ERMIYAASI 32:44

Mannu baatto hidhanno; sheemaate malaatinse mannu albaanni cunfanni. Biiniyaami gobbara Yerusaalamete gaangaawira noo qachi baalaho, shiimmaadda Yihudu katammara, gaaraame gobba katammara, gaarrate lekkaalloonninna Yihudaho wodiidoonni noo gobba baalate hatto assinanni. Mannano gobbansa qoleemmo. Konne coye coyi'roommohu ani Kaaliiqaati» yiie.

ERMIYAASI 33:12

Olantote Mootichi Kaaliiqi, «Tini mannunna saada heedhannokkita ona ikkitino baatto mitto barra allaalaasine saadansa allaa'litanno darga ikkitanno.

ERMIYAASI 33:7

Yihudunna Israeelete manna qafadotewiinni qoleemmo; albi gede asseno uurriseemmonsa.

ERMIYAASI 47:5

Gaazu manni manchite umo meexxanno; Asiqeloona mannino beeshshi're sammi yaanno. Gattino Filisxeemooti, bisonsa huduuxxitanni manchittannohu mamooti geeshshaati?

HIZIQEELI 39:25

Mootichu Kaaliiqi, «Xa kayinni Yaiqoobi sircho ikkitinore Israeelete manna marareemmonsa; galagaleno duroonseemmonsa. Qullaawu su'mi'yano xonamannokki gede assi'reemmo.

HOOSEI 6:11

«Ki'ne Yihudu manna! Wixidhinoonniha mixxitinanni yanna dagganni no.

ABIDIYU 1:19

Yihudaho wodiidoonni noo gosa, Edoomi baatto adhitanno. Galchimi ilaallara lekkaalloonni noo baattora heedhanno gosa, Filisxeemete baatto amaddanno. Israeelootu Efireeminna Samaariyu gobba adhitanno; Biiniyaami ilamano Geleaadi baatto ragidhanno.

MIKIYAASI 2:12

«Ki'ne baotenni gattinoonniri Israeelete manna! Ge'reewu allaaletewiinni hige goo'raana eannohu gede, ani wo'manka mittowa gamba asseemmo'ne. Ge'reewu wo'mino qanchi gede, baatto'nerano mannu wo'manno gede asseemmo» yaanno.

MIKIYAASI 4:10

Yerusaalamete manna! Ilate game amaddino mancho gede haafattinanni urre. Mayira yitiniro, katamunni shorrantine minu nookki gobbara tugantinanni. Baxxinikkinni Baabilooni hadhinanni gede assinanni'ne. Ikkeennano, Maganu hakkono gatisanno'ne; diini'ne angannino wodanno'ne.

MIKIYAASI 4:7

Qarrunni dintinori mereerinni shiimu manni gatanno gede asseemmo. Tugante heedhannore jawaata manna asseemmonsa. Anino Tsiyooni Ilaali aana hattenne yannanni kayise hegerera insa moote ikkeemmo» yaanno.

SOFFOONIYAASI 2:9

Ani Israeelete Magani Olantote Mootichi Kaaliiqi heeshshonnihu su'miyanni xaareemmo. Moaabinna Amooni, Soddoomunna Gomooru gede ikkite ba'anno. Maxinete balenna ishinu guggushshinowa loonsannikki baatto gede ikkitanno. Qafadotewiinni gatinohu manni'ya jajjansa saamanno; baattonsano ragi'ranno. Kuni ikkanno gede ani Kaaliiqi heeshshonnihu su'mi'yanni xaareemmo» yii.

SOFFOONIYAASI 3:13

Gatinohu Israeelete manni aye aanano busha coye diassanno; dhara dicoyi'ranno; lame arrawono dicoyi'ranno. Kunnira, duroo'me keere hee'ranno; waajjishannonsarino dihee'ranno» yii.

SOFFOONIYAASI 3:20

Billaalle hee'rannoha mannakki, hatte yannara qoleemmo. Uullate aana noo daga mereero, egennantinoonnirenna galatantinoonnire asseemmo'ne. Galagale duroonseemmo'ne» yiino. Konne coyi'rinohu Kaaliiqaati.

HAGE 1:12

Zerubaabeelinna Iyyaasu, qafadotenni higino manni baalunku, Maganinsa Kaaliiqi hajajinonsare baala assitu; Kaaliiqa waajjitino daafira, Kaaliiqi soqqamaanchisi himanaanchu Hage widoonni coyi'rino qaalira hajajantu.

HAGE 2:2

Yihudu gashshaanchira Zerubaabeelira qeesootu qarira Iyyaasuranna mannu baalunkura,

LUQAASI 1:68

«Mannasi wode fushshe wolassinona, Israeelete Magani Mootichu galatamo!

LUQAASI 7:16

Baalunku waajjite, «Giddonke jawu himanaanchi kaino; Maganu mannasi towatara dayino» yitanni Magano galattu.

SOQQAMAASINETE LOOSO 8:26

Maganu sokkaasinchi Filiphoosi, «Yerusaalametenni kae Gaaza massitanno doogo amade Wodiidira hige ha'ri» yii. Hatti doogo halallittete.

SOQQAMAASINETE LOOSO 8:40

Filiphoosi kayinni ha're Azoxoosi leelli. Qiisaariya daa geeshsha katamma baalate ha'ranni Dancha Duduwo kuli.

ROOMU SOKKA 11:5

Xaa yannarano eltosinni doorantinoti shiima taraare no.

RUUTI 1:6

Naoomi Moaabi gobbara heedhe Kaaliiqi Israeelete manna towatinotanna lowo jajja uyinonsata macciishshitu. Kunnira, lamente oosose seenni ledo Moaabi agurte Israeelete gobba hadhara ka'u.