SOFFOONIYAASI 2:5 - Qullaawa Maxaafa

⁵ Ki'ne Kana"aani gobbara baaru gama heedhinannirira Kelitootaho yinanni Filisxeemootira aanne'e! Kaaliiqi, mittuno gattinikkinni co'o asse hunanno'ne.

SOFFOONIYAASI 2:5 ပူးပေါင်းရင်းမြစ်များ

ISAYAASI 14:29

Ki'ne Filisxeemete manna! Kune ki'ne gannoonni siqqicho hiiqqantino. Ikkeennano hagiidhitinoonte; mittu hamashshi reyiro, wolu isinni roore harfaamu hamashshi qalamanno.

ISAYAASI 14:30

Lowo geeshsha buxinohu irki'rannowa afi'ranno; gadadaammuno fafisidhe heedhanno. Ki'nera kayinni hude abbeemmo'ne; hudeno mittono gatissukkinni guddanno'ne.

ERMIYAASI 47:7

Ani Asiqeloonahonna baaru gama, hee'ranno manna guddanno gede hajajoommona, ani yoommore wonshitukkinni hiitto ikkite higganno?» yee kulinoe.

HIZIQEELI 25:16

Kunnira, Filisxeemoota qorichisheemmotanna baattote aaninni huneemmota leellisheemmo; Filisxeemootu xawira gattinore baala gudeemmo.

AMOOTSI 3:1

Israeelete manna! Gibitsetenni fushshoommo'nerira baalaho ani Kaaliiqi coyi'roommo coye macciishshe:

AMOOTSI 5:1

Israeelete manna, ki'ne daafira wi'leemmo wi'la macciishshe.

SOFFOONIYAASI 1:11

Ki'ne katamaho eelaanni heedhinoonniri baalu tenne huuro macciishshitinanni yannara, ‹Wuu! Wuu!› yitinanni raarre. Ki'ne Makiteeshi heedhinanniri, Kana"aani manni baalu reyinohuranna daddalaasinensa gooffino daafira wi'le.

SOFFOONIYAASI 3:6

Kaaliiqi, «Dagate gashshoote hunoommo; qiishonsano diigoommo; katammansano gudoommo. Katammansa mitturino hee'rannokkita ona ikkitinohura doogonsa ha'rannohu dihee'ranno.

ZAKKAARIYAASI 1:6

Soqqamaano'ya ikkitino himanaano widoonni qole akaakka'nera hajajonna qorophishiishsha oommonsa; insa kayinni lashshi assitino daafira, shettote qarri amadinonsa; hakkunni gedensaanni aagintaabbe, ‹Olantote Mootichi Kaaliiqi qaafonkenna loosinke garinni, ninkera malino qoricha isi hedinoha uyinonketa huwantoommo› yitino» yii.

MAARQOOSI 12:12

Ayihudete roorrooti Yesuusi maammaahino maammaashshi kisannonsata affe, iso amaddara yorte manna waajjitino daafira agurte hadhu.

IYYAASU 13:2

Gattinoti, Filisxeemenna Geshuuri gashshooti baalu,

IYYAASU 13:3

wodiidi ragaanni, Awiimi geeshsha noo gashshooti baalaho; kunino, Gibitsete dannira noohunni Shihoori Buichonni kayise, aliyyeenni Eqirooni iillitanno baatto Kana"aanite. Ontu Filisxeemete mootoolla Gaaza, Ashidoodi, Asiqeloona, Gaatinna Eqirooni heedhanno.

EJJEETTO 3:3

Hatti gosano: Filisxeeme 5 gashshaanonsa ledo, Kana"aanootu gudisante, Sidoonootahonna Libaanoosi Ilaalira Ba"aalihermooninna Hamaati Lawo mereero heedhanno Hiwootaati.

UMI SAAMUEELI 30:14

Hakkuyira albaanni Yihudaho wodiidoonni noota Keritootu gobbanna Kaaleebi ga're horrine Tsiqilaagino giirroommo» yee kulisi.