SOFFOONIYAASI 2:3 - Qullaawa Maxaafa

³ Hajajosi wonshitinanniri, tenne baatto aana heedhinanniri, ki'ne jooguullu Kaaliiqiwa higgine, dancha looso loosse. Kaaliiqi albaanni umo'ne heeshshi asse; kunni garinni Kaaliiqi hanqosi leellishanno barra miteekkitine qorichunni gattinanniha ikkanno.

SOFFOONIYAASI 2:3 ပူးပေါင်းရင်းမြစ်များ

LAYINKI SAAMUEELI 12:22

Isino daware, «Qaaqqu lubbotenni hee'reenna ita aga agure wi'loommohu, Kaaliiqi marare qaaqqo gatisae ikka yeeti.

FAARSO 105:4

Kaa'losi afidhinanni gede Kaaliiqa hasidhe; wo'manka woyite magansidhesi.

FAARSO 149:4

Kaaliiqi mannisinni hagiidhanno; qeelle aatenni jooguulle ayirrisannonsa.

FAARSO 22:26

Buxane duubba geeshsha ittanno; Kaaliiqa hasidhannori galattannosi; insa, heeshshonsa diri baalunkunni qawaaxxidhe heedho!

FAARSO 31:20

Ledonsa heedhe gano gantannoriwiinni golattonsa; baarigaarransa arrawinni minekki maaxxe gatisattonsa.

FAARSO 45:4

Joongillenna taashsha qolate, xirchikkinni qeelle afi'ratto gede gulufi; wolqaataame cigilekki jawa looso loossanno.

FAARSO 57:1

Lubbo'ya ate addaxxitinona mararie; Magano ballo, mararie; qarru dambali sa"a geeshsha, qoolikki giddo maaxameemmo.

FAARSO 76:9

Magano! Kuni ikkinohu, ati kadantinore wodate yoo lallawattora kaitto yannaraati.

FAARSO 91:1

Wo'munkura Aliidiha golosi assi'rannohu, Wo'manka Dandaanno Magani hunda caa'lanno.

FULO 12:27

ki'neno dawartine, ‹Kaaliiqi Gibitsete gobbara minenke agure sae Gibitsoota shaanni ninke gatisinonke daafira, tini Mararrote Ayyaani kakkalo Kaaliiqa ayirrinseemmote› yitine kullensa» yiino. Israeeleno konne coye macciishshite kumbuulte Kaaliiqa magansidhu.

LAWISHSHA 18:10

Kaaliiqi su'mi kinchu huxxaati; keeraanchu manchi hakkiira xooqe keere hee'ranno.

ISAYAASI 1:17

Danchare assa rosse. Halaalu dawannokki gede agarre; annanna ama hooggino oosoranna galte shii'rino meentira coyi'rammensa; gadadaammano kaa'lensa» yii.

ISAYAASI 11:4

Buxanete taashshe coyi'ranno; qarraataammaho halaale fushshanno. Isi hajajonni mannu qorichishamanno. Bunshe loossannore afiisinni fulanno qaali shaanno.

ISAYAASI 61:1

Mootichu Kaaliiqi Ayyaani ane aana no; gadadantinorira dancha duduwo duduwate, wodana hiiqqantinore dhaawatenna, qafadantinori agurantannota, usurantinori tidhantannota kulate, Kaaliiqi buure soyinoe.

ERMIYAASI 39:18

Ani keerunni agareemmohe daafira direyatto; ane hexxootto daafira bagadu dishaannohe. Konne coye coyi'roommohu ani Kaaliiqaati» yii.

ERMIYAASI 45:5

Woluwiinni bade atera addire assammohera hasi'rootto? Konne coye agadhitooti; ani mannu baalu aana qarra abbammoraati. Woliri hoogirono marittowa baala reyattokki gede agareemmohe. Konne coye coyi'roommohu ani Kaaliiqaati› yiino yite kulisi» yiinoe.

HIZIQEELI 13:5

Uwino huxxi widoonni higge uurritannokkihuranna diigaminoha huxxitannokkihura, Kaaliiqi barra Israeele gargarannoseha diafidhanno.

HOOSEI 10:12

Anino, ‹Kunni ka'a galo baatto hawuurre; keeraanchimma umi'nera wixidhe; anera ammanantinoonnire ikka'nenni daanno atoote gamba assidhinannina. Kuneeti ane Kaaliiqi'newa higginanni yanna xaati! Anino daye atoote xeenimma dirriseemmo'ne› yoommo.

HOOSEI 7:10

Israeelete mannira uminsa adawarshi naqqasanno. Kuni baalu ikke hee'reennanni ane Kaaliiqi Maganinsawa dihiggino; horontanni dihasidhinoe.

YOONAASI 3:9

Baotenni ganteemmo gede, miteekke Maganu marare waajjishannoha hanqosi agurannoha ikkanno» yii.

ZAKKAARIYAASI 8:19

«Ki'ne Yihudu manni, shoolkiha ontikkiha, lamalkihanna tonnikki agana agartine qatuntine huuccidhinanni barri, jilunnihanna hagiirrunniha ikkanno'ne; ki'nella kayinni halaalenna keeraanchimma baxxe» yiie.

MAATEWOOSI 5:5

Jooguullu ba'raadhinoreeti; baattono ragidhannona.

UMI TESELONQE 4:1

Roduuwa'ya, Magano hagiirsiisate hiitto ikkine hee'ra hasiissannoro ninkewiinni rossinoonni; xa heedhinoonnihu hakko garinniiti. Leddine leddine hatte heeshsho heedhinanni gede Mootichu Yesuusi su'minni huucci'neemmo'nenna amaalleemmo'ne.

UMI TESELONQE 4:10

Addanko, Meqedooniyaho heedhanno roduuwa baala baxxinanni. Ikkollana xaano hakkiinni roorsitine baxxinanni gede huucci'neemmo'ne.

UMI PHEEXIROOSI 1:22

Ammanaano taalu baxillinni baxxinanni gede, halaaleho hajajamatenni lubbo'ne keereensidhinoonni. Kunnira mimmiti'ne ledo xalalu wodaninni seekkitine baxamme.

UMI PHEEXIROOSI 3:4

Biinfilli'ne Maganu albaanni iibbadu waagihanna ba'annokki xummeha, ga'labbichunna wodanaamu suudi seesiha, wodanu giddo nooha giddoyidi manninate ikkona.

LAYINKI PHEEXIROOSI 3:18

Roorenka, Mootichinkenna Gatisaanchinke Yesuusi Kiristoosi eltonninna egennonni lophe; isira xaano hegere geeshsha ayirrinyu ikkosi! Hamii'ni.