SOFFOONIYAASI 2:15 - Qullaawa Maxaafa

¹⁵ Kuni katami, «Ane ka'a wolu dino!» yee hawaqi're keerunni hee'rino. Xa kayinni, moyichu hosannowa mulla darga ikke gatanno. Hakkaanni hige sa"annohu baalu addintanni maala'lanni umo shafanni fiiqanno.

SOFFOONIYAASI 2:15 ပူးပေါင်းရင်းမြစ်များ

IYYOOBI 16:4

Ki'ne ane ikkitinoommero, ani ki'ne gede coyi'rammora dandeemmo; tenne irki're, hasi'rummore coyi'reemmohu baino!

IYYOOBI 27:23

Bubbe mannu gede anga gantanni haariintannosi; fiiqattotenni noowiinni wigidiidde tuggannosi» yii.

ISAYAASI 22:2

Katami'nera luulunna cancu wo'mino; dimbite dooggate ubbinori bagadu shiinore di"ikkitino.

ISAYAASI 32:11

Ki'ne yaaddo nookkiha la'mitine heedhinanniri, xa kayinni waajjitine huxidhe! Imaana'ne fushshidhine, halloho xiddu uddano xaaxidhe!

ISAYAASI 32:14

Mootete mini nafa ona ikkanno; dannawu katamino mulla darga ikkanno. Minnanna agarranni shae diigantanno; harre gongo'mitannowanna saada hossannowa ikkitanno.

ISAYAASI 32:9

Ki'ne qawaaxxidhine heedhinanni meenti, ka'ine ani yeemmore macciishshe! Ki'ne dese'e yitine heedhinanni meenti, macca'ne anewa qolle!

ISAYAASI 47:10

« ‹Afannoehu dino› yite, bunshekkinni naaxxootta; hayyokkinna egennokki so'risiissinohe; atenee Maganu gede assite kiirootta.

ERMIYAASI 18:16

Gobbansa ceeggifantannitanna, mullicho assite agurtino. Hakkaanni hige sa"annohu baalu, mase afoo cu'mi'ranno.

ERMIYAASI 19:8

Konne katamano diigame duunamanno gede asseemmo; hakkaanni hige sa"annohu baalu mase afoo cu'mi'ranno; ikkino coye lae maala'lanno.

ERMIYAASI 50:13

Hanqi'yanni kainohunni Baabilooni gobbara mittuno dihee'ranno; diigame gatanno; mulesiinni sa"annohu baalu mase bararraaqanno.

ERMIYAASI QURTO 1:1

Mannu wo'me hee'rannoti Yerusaalame, hiitto fano gattu! Gobba gosa ayirrisseenna heedhinoti, galte shiidhino mancho gede hiitto callase gattu! Katammate giddo mootitte ikkite heedhinoti, kuneeti borojjicho ikkitino.

ERMIYAASI QURTO 2:1

Kaaliiqi hanqino daafira, Tsiyooni tunsichunni beeshshi. Israeelete gaamaarre, gordu iiminni uulla qole tugi. Hanqisi barra lekkasinni kaxxannowa, Yerusaalame nafa diqaaganno.

ERMIYAASI QURTO 2:15

Katamu widoonni hige sa"anno manni baalu, mishe angichunni kulannohe. «Baxamihunna gobba baala naaddu katami konneeti?» yee, umo shafanni qacifatanno.

HIZIQEELI 27:36

Kuneeti baootto! Hingenni dianfannihe! Gobba baalate noo daddalaasine, atera iillitino bao iillitannonke yite huxidhe waajjitino› yiinohe yite kuli» yiie.

HIZIQEELI 28:2

«Koo manchi beetto, ani Mootichu Kaaliiqi yeemmore Xiroosi mootera, ‹Wodanikki boo'natenni duu'raminohura, atenee maganu gede assite kiirootto; maganu gede baarunni qoqqowaminohura ayirradu barcimira ofolloottota coyi'rootto. Atenee maganu gede assite kiirittorono, ati manchoho ikkinnina horonta magano di"ikkootto.

HIZIQEELI 28:9

Shitahera dagganno woyite atenee xaano maganu gede assite kiiratto ikka? Shitannori angara eatto woyite ati mancho ikkoottota, kayinnilla magano ikkoottokkita afatto.

HIZIQEELI 29:3

Mootichu Kaaliiqi Gibitsete mootera, ‹Ha'ranno Wayi giddo ga'rinoha waajjishanno naacha lawattohura, kuneeti ani hanqunni kaoommohe. Atino, Abbayi ateha ikkinota hedde, konne waano seekkoottohu ate ikkootto gede assite coyi'rootto.

DAANIEELI 4:27

Kunnira moote'ya! Ani eemmohe mala macciishshi; cubbo loosa agurte, wo'manka woyite dancha coye assi; sao assa agurte gadadaamma marari. Hatto assittoro lowo yanna keere hee'ratto.

NAHOOMI 3:19

Hiiqqammekki didhaawantanno; madakkino dihurtanno. Ateha baokki duduwo macciishshannohu baalunku hagiidhe anga gananno. Ate bunshenninna kaajjillikkinni gawajjaminokkihu nooha lawannoheni?

IMBAAQOOMI 1:7

Insa waajjishshannoreetinna masissannoreeti; uminsa ayirrinye agarsiisi'rate seera qixxeessidhanno.

MAATEWOOSI 27:39

Mulesiinni hige sa"anno manni umo shafanni,