SOFFOONIYAASI 2:11 - Qullaawa Maxaafa

¹¹ Baattonsara noota kaphu maganna duuchanta hune Kaaliiqi callu insawa waajjinoonniha ikkanno. Baattote aani daga baala noowa heedhe isira kumbuultanno.

SOFFOONIYAASI 2:11 ပူးပေါင်းရင်းမြစ်များ

KALAQAMA 10:5

Kuri baalunku baaru gamiranna giddichuwate heedhannorira Yaafeeti sirchira akaakkate; kuri giddonnino, gobba gobbansaranna gosa gosansara beehame hee'ranno manni no; mitte mittenti gosa coyidhannohu uminsa qaali noonsa.

FAARSO 138:4

Kaaliiqa, qaalekki macciishshitino daafira, kalqete mootoolla baala galattannohe.

FAARSO 72:17

Su'misi hegerera maassaminoha ikko; su'misi arrishsho heedhanno geeshsha hee'ro; baattote aani daga baala isinni maassanto; daga baala, «Isi maassammoho» yitanno.

FAARSO 86:9

Mooticha, kalaqoottonsa daga baala, dagge albakkiinni kumbuultanno; su'makkino ayirrissanno.

ISAYAASI 2:18

Kaphu maganna co'o yite ba'anno.

ISAYAASI 2:20

Magansidhara seekkidhinota birrunna culku misilla futahehonna rarraattete tugganni hadhanno.

ISAYAASI 42:10

Ki'ne baaru aana hadhinanniri, baaru giddo heedhinanni kalaqami baalu, Kaaliiqira haaro faarso faarse! Xeerto gobbara heedhinanniri baalu faarse!

ISAYAASI 42:4

Baattote aana taashshe gashsha, darga amadda geeshsha, dicee'manno; hexxono dimudhanno; xeertote noo daga isi kulannore macciishshite quqquxantanno» yaanno.

ISAYAASI 49:1

Ki'ne giddichuwate heedhinanni gosa macciishshe"e! Xeerto gobbara heedhinannirino wodanche. Kaaliiqi ilamammora albaanni woshshinoe; ama'ya godowi giddo hee'reennanni doorinoe.

ERMIYAASI 10:11

Atino, «Gordonna baatto kalaqqinokkiri kaphunniti maganna'ne baattote aaninni ba'anno yite kulinsa» yoottoe.

ERMIYAASI 46:25

Israeelete Magani Olantote Mootichi Kaaliiqi, «Ani Tebisiha kaphu magano Amooninna, woloota Gibitsete maganna, mootensanna roorrootansa hexxitannore baala, qorichisheemmo.

DAANIEELI 11:18

Hakkunni gedensaanni baaru qaccera noo gobba aana bala tuge lowo manna qafadanno. Ikkollana mittu wole gobba gaadaanni qeeleennasi boo'nasi hakko gawa'litanno. Boo'nanni xonanno xono baala umisira higganno.

HOOSEI 2:17

Kunni ka'a Ba"aali yinanni su'ma gantara wore diagureemmo; higgeno qaaggannokki gede asseemmo.

IYUEELI 2:11

Kaaliiqino olantosira belequnni hajajo uyino; olantosino batinyete. Yiinore wonshannohu isi wolqaataamohona, Kaaliiqi barrino lowo geeshsha waajjishannohona, ayi dandaannosi?

SOFFOONIYAASI 1:4

«Yerusaalametenna Yihudu manna baala qorichisheemmo. Hakkonne dargano Ba"aali yinanniha kaphu magano maganisidhannore, gattinorenna qeesootano co'o asse huneemmo.

SOFFOONIYAASI 3:9

«Hatte yannara, ane magansidhanno gede dagate hedo soorreemmo; insano wole maganna agurte ane calla magansidhanno; baalunku mitteenni anera soqqantanno.

ZAKKAARIYAASI 13:2

Hakka waro, magannansa su'ma gobbate aaninni huneemmo; layinkimeeshsho qaagannonsahu dihee'ranno; battete ayyaaninni coyidhannore kaphu himanaano baattote aaninni hooleemmo.

ZAKKAARIYAASI 2:11

Hatte yannara, lowo daga Kaaliiqiwa dagge mannasi ikkitanno. Isino mereero'ne hee'ranno; ane ki'newa soyinoehuno Olantote Mooticha Kaaliiqa ikkinota affinanni.

ZAKKAARIYAASI 8:20

Olantote Mootichi Kaaliiqi, «Wole gosaranna addi addi katammara hee'ranno manni Yerusaalame higanno yanna dagganno.

ZAKKAARIYAASI 8:23

Hakka waro, tonnu wole gobba manni mittu Yihudichiwa mare, uddanosi handaara amade, ‹Maganu ki'ne ledo noota macciishshinoommona, ninkeno ledo'ne ha'noni?› yite xa'midhanno» yii.

MILKIYAASI 1:11

Arrishsho fultannowiinni kayise e'annowi geeshsha su'mi'ya dagate mereero ayirradoho. Darga baalaho anera hixaana giirtannanna dancha kakkalo shiqishshanna mannu baalu ayirrisannoe.

MILKIYAASI 1:14

Saadasi giddo dancha saada aate xa'ne kae, minshoonni saada shiqishannohu dogaanchu manchi rumaminoha ikko. Ani jawa mooteeti; Olantote Mootichaati; daga baalano su'ma'ya waajjitanno» yii.

MARRO 32:38

Kakkalo'ne cooma ittuti, agatto'ne afanshita woyinete xajje aggu maganna hiikko no? Hanni dagge kaa'lito'ne! Hanni dagge golanto'ne!

UMI XIMOOTEWOOSI 2:8

Kunnira, addi addi darga noo labballi hanqonna gibbo agurte, qullaawa angansa iima qolte kayisse huuccitanno gede hasi'reemmo.

YOHAANNIS AJUUJA 11:15

Lamalki sokkaasinchino xurumba ufuufi. Gordunni, «Kalqe baalate gashshooti, Mootichunnihanna Buurinosihunniha ikki. Isi hegere hegerera moohanno» yitannota batinye huuro macciishshummo.