SOFFOONIYAASI 1:4 - Qullaawa Maxaafa

⁴ «Yerusaalametenna Yihudu manna baala qorichisheemmo. Hakkonne dargano Ba"aali yinanniha kaphu magano maganisidhannore, gattinorenna qeesootano co'o asse huneemmo.

SOFFOONIYAASI 1:4 ပူးပေါင်းရင်းမြစ်များ

LAYINKI MOOTOOLLA 21:13

Samaariya bikkinanni gede qixxeessoommo siiwonna Akiaabi mine bikkoommo daabba Yerusaalamete aana diriirseemmo. Fiine ka'ne gombinse worranni saane gede Yerusaalameno co'o asse fee gombiseemmo.

LAYINKI MOOTOOLLA 23:12

Yihudu moote Akaazi mootete mini aana minsiisino minna giddo Yihudu mootoolla seekkisiissinota kakkalote darguwanna lamunkura Qullaawu Mini nafara moote Minaase seekkisiisinota kakkalote darguwa baala diigino. Kakkalote uduunneno cancane masse Qedirooni Lagichira hunino.

LAYINKI DUDUWO 34:4

Isi hajajino manni Ba"aaliha kakkalote darganna mulensa noota hixaana giirranni uduunne gudi. Asheera mokkollonna wole maganna baala cancante buko assite hatte magannara kakkalanno manni moogga aana fincitu.

FULO 15:12

Qiniiticho angakki kayisittota, baatto egemmitunsa.

ERMIYAASI 15:6

Ki'ne ane Kaaliiqa gibbinoonnie; anera badhe wodhitinoonnie; xaate kunni ka'a dimarareemmo'ne; anga'ya kayise gane maniisseemmo'ne.

ERMIYAASI 6:12

Ani Yihudu manna qorichisheemmo yannara, mininsa, gatinsanna galtensa nafa gattukkinni, wolu mannira sayise eemmo. Konne coye coyi'roommohu ani Kaaliiqaati.

HIZIQEELI 25:7

Konne assa'nenni, saantannoriranna mulqidhanno dagara sayise eemmo'ne. Layinkimeeshsho manna ikkitinannikki gede woy umi'ne baatto heedhanno'nekki gede asse huneemmo'ne. Hatte yannarano, ani Kaaliiqa ikkoommota affinanni» yee coyi'rie.

HIZIQEELI 6:14

Halaaleho, anga'ya diriirse gobbansa huneemmo; wodiidoonni noo baatto moolatenni kayise, aliyye ragaanni Dibila katami geeshsha noo baatto mullicho asseemmo. Israeelootu heedhanno base baala co'o asse huneemmo; hatte yannara, ani Kaaliiqa ikkoommota mannu baalu afanno» yee coyi'rie.

HOOSEI 10:5

Samaariyu katamira hee'ranno manni Beetiaweeni nooha siitu suudinni seekkinoonniha kaphu magano lowo geeshsha waajjanno. Ayirrinyisi mulqaminohura mannisi wi'lanno. Kaphu magani qeesootino, «Woo» yite wi'litanno.

MIKIYAASI 5:13

Kaphu maganna'nenna angatenni seesiinse loonsoonni misilla'nera dikumbuultinanni.

SOFFOONIYAASI 2:11

Baattonsara noota kaphu maganna duuchanta hune Kaaliiqi callu insawa waajjinoonniha ikkanno. Baattote aani daga baala noowa heedhe isira kumbuultanno.

SOFFOONIYAASI 2:13

Kaaliiqi aliyye mannira wolqasi leellishanno. Asoorino hunanno; Nennewe katamano wayi nookkiha moolanna diigamino katami gede mullicho darga assanno.