SOFFOONIYAASI 1:15 - Qullaawa Maxaafa

¹⁵ Hakku barri hanqunniha, qarrunnihanna shettonniha, baonnihanna diigamanniha, tunsichunnihanna limixenniha, guunjonnihanna gomichunniha ikkanno.

SOFFOONIYAASI 1:15 ပူးပေါင်းရင်းမြစ်များ

ISAYAASI 13:9

Kuneeti, cubbaataamma baala gude baatto mullicho assannohu, mararannokkihu Kaaliiqi barri, hanqonna aara uddi're daanni no.

ISAYAASI 22:5

Kuni Ajuujate Lagichi shettonniho; kakkadamannihonna hembeelamate dargaati. Kuni coyi ikkanno gede assinohu Olantote Mootichi Kaaliiqaati. Kataminke huxxi diigamino; kaa'lote raarranni raare ilaallate geeshsha leeltanno.

ISAYAASI 8:22

Uulla hige la"anno woyiteno shetto, waajjishannohunna beeshshe amadanno tunsichi callu leellannonsa; insano beebbu tunsichira tugantanno.

ERMIYAASI 30:7

Bayisibao! Hakku shettote barri daanni no! Hakko barri gedeehu wolu dino. Ki'ne Yaiqoobi ilamara qarru barraati; ani kayinni hakkiinni gatiseemmo'ne» yii.

IYUEELI 2:11

Kaaliiqino olantosira belequnni hajajo uyino; olantosino batinyete. Yiinore wonshannohu isi wolqaataamohona, Kaaliiqi barrino lowo geeshsha waajjishannohona, ayi dandaannosi?

IYUEELI 2:2

Hakku barri tunsichunna limixete barraati; gomichunna dhi'mote tunsichi barraati. Lowotinna jawaata bagadaano, soodimari tunsichi gede ikkite ilaalla guggushshitanno. Bi're hundinni kayise hattoo coyi ikke diegennino; hakkunni gedensaannino dihee'ranno.

IYUEELI 2:31

Jawunna waajjishannohu Kaaliiqi barri dayikkinni, arrishsho tunsitanno; aganuno mundeete soorramanno.

SOFFOONIYAASI 1:18

Kaaliiqi hanqosi leellishanno barra, manna birrisinna culkisi gatisasira didandaanno. Giirate gede bubbanno laalasinni baatto hunanno. Baattote aana noori baalunku hedeweelcho giiramanno.

MAATEWOOSI 24:29

Yesuusi lede, «Hattenne qarru barrubba gedensaanni hakkawoyintenni, arrishsho tunsitanno; aganuno dixawanno. Beeddahe gordunni giggiltanno; gordu wolqubbano shafantanno.

ROOMU SOKKA 2:5

Aagintaawa hoogakkinninna mokkookka ikkakkinni, Maganu hanqinna halaalaancho yoo dagganno barrira hanqosi aanaho lexxatto.

MARRO 28:52

Hexxitinannire jajjabba qiinshoonni huxxuwa ubba geeshsha gobba'nera noo katamma baalanta doyissitanno. Magani'ne Kaaliiqi aanno'ne baattora noo katamma baala amaddanno.

LAYINKI PHEEXIROOSI 3:7

Magano magansidhannokkiri, xa noo gordinna baatto sa'anno barri yoonnihu geeshsha giirate qixxaabbe agartanno.

YOHAANNIS AJUUJA 6:17

Rooriidihu hanqinsa barri dayinona, gate afannohu nooni?» yitu.