SOFFOONIYAASI 1:13 - Qullaawa Maxaafa

¹³ Jironsa baalanti saamantanno; minnansano diigantanno. Hattenne yannara mine mi'nitanno; ikkollana digaltanno. Woyineno kaasidhanno; kayinnilla woyinete xajje diagganno» yaanno.

SOFFOONIYAASI 1:13 ပူးပေါင်းရင်းမြစ်များ

ISAYAASI 6:11

Anino, «Mooticha'ya, kuni coyi mageeshshi yanna keeshshanno?» yee xa'moommo. Isino qole, «Katamma diiganteenna hee'rannohu hoogeenna gobba ona ikkite gatta geeshshaati.

ERMIYAASI 15:13

Jajjansanna jironsa diinu co'o asse gudhanno; baattote aana loossino cubbi baalu daafira, kunni garinni qorichisheemmonsa.

ERMIYAASI 17:3

Baatto baalate aana loossinoonni cubbi daafira, noo'ne jironna jajja'ne baala diini'ne adhe ha'ranno gede asseemmo.

ERMIYAASI 4:20

Bao baote aana dagganno; gobba baala diigante ona ikkitanno; dukkanna hedeweelcho ba'u; dukkuwano hakkawoyintenni dadhantu.

ERMIYAASI 4:7

Doobbiichu maaxaminowiinni fulannonte gede, bagadaanono doobbiichu gede ikkite fultanno; insano Yihuda huntara dagganno. Yihudu katamma co'o yite ba'anno; mittuno dihee'ranno» yiinsa.

ERMIYAASI 5:17

Gide'nenna sagale'ne mucuqqi assite ittanno; ooso'nenna seenne'neno shitanno. Saada'ne, ge'reewo'nenna me"e'ne itte guddanno; woyinete laalo'nenna haqqu laalo'ne baala ittanno; olantonsano hexxitinannita, qiishidhinoonni katamma guddanno» yiinsa.

ERMIYAASI 9:11

«Ani hedoommore asseemmo barra, Yerusaalamenna Yihudu katamma baala, diigante duuno ikkite gattanno; yeedaala calla galtannowa asseemmo» yii.

ERMIYAASI 9:19

Tsiyooni manni, «Ninke diigammoommo; saalfantoommo daafira uurra didandiinoommo; minnanke diigantino daafira, baattonke agurre ha'neemmo» yii.

ERMIYAASI QURTO 5:2

Iqqinke allaggu anga no; minnankera manni gobba manni hee'ranni no.

HIZIQEELI 22:31

Kunnira, hanqo'ya insa aana dirriseemmo; assitino bunshe baalantenni kainohunni, insa aari'ya giiranni huneemmo. Konne coye coyi'roommohu ani Mootichu Kaaliiqaati» yii.

HIZIQEELI 7:19

Ani Kaaliiqi aara'ya aanansa dirriseemmo yannara, birrinsano ikko culkinsa baotenni digatisannonsa. Kunni daafira, birransanna culkansa baala ishinu gede dooggate huntanno; halchitinore assi'ratenna hude gargadhate horonta dikaa'lannonsa. Albano cubboho eessinonsahu hakko birraatinna hakko culkaati.

HIZIQEELI 7:21

«Allaggu mulqidhannonsa gede asseemmo; seerimalu manni jajjansa saame adhe lageessanno gede asseemmo.

HIZIQEELI 7:24

Lowo geeshsha busha daga kawa abbe minna'ne ragidhanno gede asseemmo. Wole daga magansidhinanni darguwa batteessitanno gede asseemmo yannara, bareedda'nera goonte diheedhannonsa.

AMOOTSI 5:11

Buxane miiccinoonni; gidensano wolqatenni adhitinoonni; minna kinchunni mi'nitinoonni; ikkollana diheedhinanni. Hagiirsiissannota woyinete haqqe kaasidhinoonni; ikkollana isenni worroonnita, woyinete xajje diagginanni.

MIKIYAASI 3:12

Kunnira, ki'nenni kainohunni Yerusaalamete Katami loosi'nanni darga ikke gatanno. Diigame duuno ikkanno. Qullaawu Mini minamino ilaalino dubbo ikkanno.

MIKIYAASI 6:15

Gide wixidhinannita ikkinnina, gamba diassidhinanni. Ejersu laalo huuncidhinannita ikkinnina zayitesi dihoroonsidhinanni. Woyinete laalo huuncidhinannita ikkinnina diagginanni.

SOFFOONIYAASI 1:9

Kaphu maganna magansidhannore, mootichinsa mine hanaaqunninna xagarrotenni afidhino jiro wonshitannore qorichisheemmo» yaanno.

MARRO 28:30

«Adhitinara huuccidhinoonnita, wolu amade shollishanno. Mi'nitinoonni minira wolu galanno. Kaasidhinoonni woyineta laalose di"ittinanni.

MARRO 28:39

Woyinete kaashsho kaasidhinanni; seekkitine loosidhinanni. Ikkollana, da'muulchu itanno daafira, laalose gamba diassidhinanni; woyinete xajjeno diwodhitinanni.

MARRO 28:51

Kuni manni gooffina geeshsha lalo'ne, me"e'ne, ge'reewo'nenna baatto'ne laalcho itanno. Huna'ne geeshsha gide'ne haaro woyine ikkito zayite, siitta'ne woy ge'reewi'nehanna mei'ne wilii'le digatisanno'ne.