SOFFOONIYAASI 1:1 - Qullaawa Maxaafa

¹ Soffooniyaasi Kuushiho; Kuushi Gedaaliyaho; Gedaaliya Amaariyaho; Amaariya qole moote Hiziqiyaasi beettooti. Amooni beetti Iyosiyaasi Yihudaho moohe noo waro, Kaaliiqi Soffooniyaasira coyi'rinosihu himanu qaali kunninni aane nooho:

SOFFOONIYAASI 1:1 ပူးပေါင်းရင်းမြစ်များ

LAYINKI MOOTOOLLA 21:18

Isino reenna mootimmasi mini mule, Uuza Gate madaarroonnisi. Isi darga beettisi Amooni moohino.

LAYINKI MOOTOOLLA 21:26

Isono, Uuza Gate umisi waammara madaarroonnisi; beettisi Iyosiyaasi isi darga moohino.

LAYINKI DUDUWO 33:20

Minaaseno reenna mootimmasi mine madaarrisi. Beettisi Amooni isi darga amade moohi.

ERMIYAASI 1:2

Amooni beetti Iyosiyaasi Yihudaho moohihunni tonaa sayikki diro Kaaliiqi qaali Ermiyaasiwa dayi.

ERMIYAASI 22:11

Annisi darga moohinohu Iyosiyaasi beetti Shaluumi daafira Kaaliiqi, «Kawiinni ha'rino; kunni ka'ano kawiira dihiganno.

ERMIYAASI 25:3

«Yihudu moote Amooni beetti Iyosiyaasi moohihunni tonaa sayikki dirinni kayise techo geeshsha 23 diro Kaaliiqi anera coyi'ranni keeshshino. Anino qaalesi ki'nera coyi'ra agure diegennoommo; ki'ne kayinni dimacciishshitinoonni.

HIZIQEELI 1:3

Kaaliiqi qaali ani hakko Kebaari Wayi mule hee'reenna ane Buuzi beetti qeesichu Hiziqeeliwa dayi. Hatte yannara, ane wolqasi irkisse nooe.

HOOSEI 1:1

Ooziya, Iyoaataami, Akaazinna Hiziqiyaasi Yihudaho hoode hoodete mookku yannara, Yoaasi beetti Iyorbiaamino Israeelete moohe hee'reenna Kaaliiqi Bieeri beetti Hooseira kulinosi himani kunninni aane nooho.

LAYINKI XIMOOTEWOOSI 3:16

Qullaawa Borro baala Maganunnihu Qullaawu Ayyaani kulanna borreessinoonnite. Tini borro halaale rosiisate, sodhinore seejjate, so'ro hoolatenna halaalaancho heeshshora ikkanno biddishsha aate kaa'litanno.

LAYINKI PHEEXIROOSI 1:19

Konneno roorsine xunsineemmo gede assinonkehu himanaanote qaali noonke; kuni qaali hashshu sooda geeshshanna bakkalchu beeddakko wodaninke giddo xabba geeshsha, mannu tunsichu giddo xawanno caabbichira qorophannonte gede, konni qaalirano qorophitiniro danchaho.