RUUTI 4:14 - Qullaawa Maxaafa

¹⁴ Olluu meentino Naoomi, «Towatannoheha beettu beetto uyinohehura Kaaliiqira galatu iillosi. Kaaliiqi konne beetto Israeelete maccaha assosi.

RUUTI 4:14 ပူးပေါင်းရင်းမြစ်များ

KALAQAMA 12:2

Wolqaataame gosa asseemmohe; maassi'reemmohe; su'makki egennaminoha asseemmo; wolootahono maasso ikkatto;

KALAQAMA 24:27

«Mooticha'ya ammanamasinninna bagamannokki baxillisinni towatinohu mootichi'ya Abirihaami Magani Kaaliiqi galatamo» yii.

KALAQAMA 29:35

Xaano godobbe labbaa beetto ilte, «Xaa woyite Kaaliiqa galaxxeemma» yite su'ma Yihuda yite fushshitusi. Hakkunni gedensaanni ila uurritu.

LUQAASI 1:58

Olliisenna fiixise tenne jawa elle Mootichu assinosetere macciishshe ledose hagiidhi.

ROOMU SOKKA 12:15

Hagiidhitannori ledo hagiidhe; wi'litannori ledo wi'le.

UMI QORONTOOSI 12:26

Manninatu giddonni mittu bisi dhiwamiro, wolu bisi gudisame dhiwamanno. Mittu bisi ayirrinye afi'riro, wolu bisi qole hattennenni hagiidhanno.

UMI TESELONQE 5:18

Baalunku coyira galaxxe! Yesuusi Kiristoosinni afidhinoonni heeshshonni Maganu ki'newiinni hasi'ranno coyi konneeti.

LAYINKI TESELONQE 1:3

Roduuwa'ya, ki'nenni kainohunni Magano wo'manka woyite galanteemmo. Galatano hasiissannonkete; galanteemmohuno, ammana'ne roore lophitanni noohuranna mimmiti'nera noo'ne baxillino lexxanni noo daafiraati.