RUUTI 4:13 - Qullaawa Maxaafa

¹³ Kunni garinni Boeezi Ruuti galtesi assi're minisira adhe ha'ri. Iseno Kaaliiqi kaa'leennase godobbe labbaa beetto iltu.

RUUTI 4:13 ပူးပေါင်းရင်းမြစ်များ

KALAQAMA 20:17

Kaaliiqi Abirihaami galte Saara daafira yee, Abemeleeki mine noo meento baala ilannokki gede hoolinohura, Abirihaami Abemeleekiranna minisi mannira Magano huucci. Maganuno Abemeleeki, galtesinna irkote meentosi ilanno gede asseennansa ooso afi'ri.

KALAQAMA 25:21

Ribiqa ila keeshshiteenna Yisihaaqi ise daafira Kaaliiqa huucci'ri; Kaaliiqino huuccattosi macciishsheenna Ribiqa godobbu.

KALAQAMA 29:31

Yaiqoobi Liya naadinosekkita afe Kaaliiqi, iltanno gede assise. Raaheeli kayinni gaanate.

KALAQAMA 30:2

Yaiqoobino Raaheelira hanqe, «Halaalintanni ani ila ho'late Magano lawummohe? Ila afi'rattakki gede assinohehu Maganohowe!» yiise.

KALAQAMA 33:5

Eesawu wirri yee la"anno woyite meentonna ooso afe, «Kuni ledokki noohu aye mannaatiyya?» yii. Yaiqoobino, «Mooticha'ya! Kuri Maganu shaqqillisinni uyinoe oosooti» yee dawari.

FAARSO 113:9

Ilaweelo mancho ilate ama assannose. Kaaliiqira galatu iillosi.

FAARSO 127:3

Ooso Kaaliiqiwiinni afi'nanni eltooti; halaalaancho maassooti.

RUUTI 3:11

Ruuti, ati xaate mittore qarrantooti; katamaho noo manni baalu danchummakki afino daafira xa'mi'rittare baala wonsheemmohe.

RUUTI 4:12

Kaaliiqi tenne aja beettonni aannohe ooso maassi'rohe; maatekkino Taamaari Yihudira iltinohu Faareesi maate gedeeta assohe» yiisi.

UMI SAAMUEELI 1:27

Konne qaaqqo aaerawe huucci'roomma. Kaaliiqino huucci'roommaha uyinoe.

UMI SAAMUEELI 2:5

Duubbe heedhannori hudidhe mannaho soqqantanno; hudidhe heedhannori sagale duubbanno. Gaana lamala iltanno; lowo ooso ama ilaweeltanno.