RUUTI 3:3 - Qullaawa Maxaafa

³ Kunnira bisokki hayishshidhe, shitto buudhi; maareekote uddanokkino uddi'ri. Hakkunni gedensaanni hayixe ga'nanno ayiddummewa mari. Kayinnilla hashshi hurbaati shiqeenna itenna age ka"a geeshsha hakkiicho noottata afoonkehe.

RUUTI 3:3 ပူးပေါင်းရင်းမြစ်များ

LAYINKI SAAMUEELI 12:20

Daawitino uullanni kae bisosi hayishshi're, buudhe, uddanosino soorri're Kaaliiqi minira e"e umosi heeshshi asse kumbuuli. Minisirano daye, «Sagale abbe"e» yii; abbinoonnisi sagaleno iti.

LAYINKI SAAMUEELI 14:2

Iyoaabino Teqoa Kataminni mitte egennaame mancho soye abbisiise, «Xiddu imaana uddidhe wi'li; buurono buudhitooti; reyinohura lowo yanna manchitinote gede ikki.

ASTEERI 5:1

Ita aga agurtuhunni sayikki barra, Asteeri mootimmate uddano uddidhe mootete barcimira albaanni noohura mootete mini xullichira e'e uurritu. Mooteno alba xullote widira hige ayirradu barcimisira ofolle no.

FAARSO 104:15

Hagiirsiissannota woyinete xajje, alba mucci assitanno zayitenna, wolqa uyitanno sagale qixxeessatto.

ROSIISAANCHO 9:8

Wo'manka woyite waajjo uddano uddi'ri; umikkino bulloonke.

HIZIQEELI 16:9

« ‹Hakkunni gedensaanni, mundee aanikkinni hayishshe hooloommo; ejersu zayitenni bisokki cuukkoommohe.

MAATEWOOSI 6:17

Ati kayinni qatunte huucci'ratto woyite, alba hayishshi'ri; umo buudhi.

RUUTI 3:2

Duugge xinqidhanna ledokki noo seenni soqqamannosihu Boeezi, ninkera gamba yiino fiixa ikkinota kunni albaanni kuloommahe. Kuneeti, isi techo hawarro hayixe ga'nanno.

RUUTI 3:4

Goxannowa buuxittahu gedensaanni goxano amaddannosi woyite, isiwa gamba yite lekkaallosiinni uddano fa'nite goxi. Ma"assinanniro isinni kulannohena» yituse.