RUUTI 1:16 - Qullaawa Maxaafa

¹⁶ Ruutino, «Atewiinni baxxe higeemma gede qarrissootie; ledokki ha'reemmana agurie. Ati ha'rattawa baala ha'reemma; ati hee'rattawa hee'reemma. Xaanni kayise mannikki manna'yaati; Maganikkino Magano'yaati.

RUUTI 1:16 ပူးပေါင်းရင်းမြစ်များ

LAYINKI SAAMUEELI 15:21

Itayi kayinni, «Heeshshote Kaaliiqinna ate halaali afanna, reyono heeshshono ikkituro ati ha'rittowa ha'reemmo» yiisi.

FAARSO 45:10

Beetto'ya ballo! Macciishshi; maccakkino kawa qoli; kunni ka'a fiixikki amaale adhitooti.

LAWISHSHA 17:17

Jaalu wo'manka woyite jaalaholla; roduuno qarru barra iillanno.

ISAYAASI 14:1

Kaaliiqi mannasi Israeele mararannonsa; galagalche mannasi asse doodhanno. Galagalte gobbansara heedhanno gede assannonsa. Wole gobba mannino daye insa ledo sumuu yee hee'ranno.

DAANIEELI 2:47

Moote Daanieelira, «Ate Magani maganna baala rooreho; mootoolla baalate mootichaati; go'lino coye baala leellishara dandaannoho. Konne jawa go'lino coyeno leellisha dandoottohu kunniraati» yiisi.

DAANIEELI 3:29

«Togo asse gatisannohu wolu magani dino. Kunnira gashshooti'ya giddo hee'rannohunna addi addi afiinni coyi'ranno manni baalu mereero Sidiraaqi, Misaaqinna Abidinaago Magano xonannohu hee'riro, bisosi murmurre minesino diinge hunnanni gede hajajoommo» yii.

DAANIEELI 4:37

«Kuneeti ani Nabukadanatsoori Gordu Mootera galata, ayirrinyenna guwishsha shiqisheemmo; isi assano coyi baalu taaloho; doogosino suwashshote; boo'nitannore baala shollisha dandaanno» yii.

HOOSEI 13:4

Kaaliiqi, «Gibitsete gobbanni fushshummo'nehu ani Kaaliiqi Magano'neeti; ane agurranna wolu Magani dino'ne. Gatisaanchi'neno ane callaati.

ZAKKAARIYAASI 8:23

Hakka waro, tonnu wole gobba manni mittu Yihudichiwa mare, uddanosi handaara amade, ‹Maganu ki'ne ledo noota macciishshinoommona, ninkeno ledo'ne ha'noni?› yite xa'midhanno» yii.

MAATEWOOSI 8:19

Mittu Seeru rosiisaanchi Yesuusiwa daye, «Rosiisaancho, ha'rattowa baala hoodekki dayemmo» yii.

YOHAANNISI 13:37

Pheexiroosi, «Mooticha, xa mayira hoodekki daa hoogeemmo? Ani lubbo'ya nafa ate daafira sayise aa dimarareemmo» yee coyi'ri.

SOQQAMAASINETE LOOSO 21:13

Phaawuloosi kayinni, «Wi'litinanni wodana mayira daaqissinannie? Ani Mootichu daafira Yerusaalamete usurama calla ikkikkinni reyote nafa qixxaawe noommo» yiinsa.

UMI TESELONQE 1:9

Ki'newa dangummo yannara hiittoo garinni haadhinoonninkero, heeshshonnihuranna halaalaanchu Maganira soqqamate, kaphu magannawiinni baxxitine Maganunniwa ikkitine higginoonni gara hakku manninni farci'ranno.

IYYAASU 24:18

Ninke tenne baatto dangammora alba hinge qaanfummo deerrinni, hakko noore Amooraawoota baala albinkenni fushshe shorrino. Kunnira, Maganonke ikkinoha Kaaliiqa magansi'neemmo» yee dawari.

YOHAANNIS AJUUJA 14:4

Meyate ledo foorte battaabbinokki daafira lago diafidhinoreeti. Insa Ge'rechu ha'rannowa baala hoodesi hadhanno. Maganohonna Ge'rechoho umi laalcho ikkite shiqqanno gede mannu giddonni wonde gatinsoonnireeti.

RUUTI 1:15

Kunnira Naoomi, «Ruuti'ya ballo, mateekki fiixisewanna magannasewa higgino; atino ise ledo higittaro woyyanno» yituse.

RUUTI 1:17

Ati reyattawa reemma; ati madaaramattawa madaarameemma. Reyo agurranna atewiinni badannoeri dino; atewiinni baxxummaro Kaaliiqi afoe!» yitu.

RUUTI 2:6

Manchuno, «Ise Naoomi ledo Moaabi gobbanni daggino wosinchooti.

RUUTI 4:15

Beettikki beetto lowo geeshsha baxxannohe; lamala oosonni roortannoho; xa qolte heeshshokki haaroonasannohanna geedhimmakki yannara towatannoheha labbaa beetto iltinohe» yiise.