ROSIISAANCHO 2:3 - Qullaawa Maxaafa

³ Surre'ya amadante heedheennanni umo'ya agattotenni hagiirsiise egenno afi'rate kaoommo. Mannu kalqete aana hee'ranno yanna tenne haranchote giddo woyyanno coye maricho loosa hasiissannosiro afate hasi'roommo.

ROSIISAANCHO 2:3 ပူးပေါင်းရင်းမြစ်များ

KALAQAMA 47:9

Yaiqoobino, «Basetenni base sa"anni hee'roommohu 130 dirooti; kunino haranchohonna qarru bati'rino dirooti; annuwa'yahu geeshshano di"ikkino» yiisi.

IYYOOBI 14:14

Halaalinta mannu reyotenni kae, lubbotenni hee'rannoni? tirannoehu daa geeshsha cincatenni agadheemmo.

FAARSO 104:15

Hagiirsiissannota woyinete xajje, alba mucci assitanno zayitenna, wolqa uyitanno sagale qixxeessatto.

LAWISHSHA 20:1

Woyinete xajje coyi'rammicha assitanno; agu giwamaancho assanno; agaasinete hoode ha'ra gowwimmate.

ROSIISAANCHO 1:17

Afanna egenno, gowwimmanna macharaarre maatiro bade afate mixi'roommo. Kunino haafaho; diilallo cu'mate gedeeti.

ROSIISAANCHO 10:19

Ita hisanyoote, aga hagiirre uyitanno; wo'manka kayinni woxunni hidhinanni.

ROSIISAANCHO 12:13

Coyi baalunku gumulo kuneetina, macciishshino. Kuni mannu wo'munkura hasiisinohona, Magano ayirrisi; hajajosino agadhi.

ROSIISAANCHO 2:24

Mannaho daafure loosi'rinohunni hagiidhanni itatenna agate ka'aanni woliri kaa'lannosiri dino. Konne uyinohu nafa Magano ikkinota afoommo.

ROSIISAANCHO 5:18

Kuneeti ani afoommohu danchunna biifino coyi, mannu Maganu worinosi geeshsha kalqete hee're loosi'rinoha itanninna aganni hagiidhate.

ROSIISAANCHO 6:12

Caalu gede ikkite sa'anno yanna tenne haranchotenna, tidhitinokkite giddo mannaho woyyannore afinohu ayeti? Woy kayinni reyihu gedensaanni tenne kalqera ikkannore, mannaho kula dandaannohu ayeti?

ROSIISAANCHO 7:18

Magano waajjannohu wo'mankare qeele sa"anno daafira, bunshetennino ikko danchummatenni quwa sa'ooti.

ROSIISAANCHO 7:25

Ani kayinni, egennonna coyi baalu ikkito buuxe afate diinaggaawoommo. Bunshe gowwimma ikkitinotanna gowwimmano macharaarre ikkitinota afate mixi'roommo.

ROSIISAANCHO 8:15

Kunnira, mannaho tenne kalqe aana noo geeshsha uyinoonnisi kaayyo itanninna aganni umosi hagiirsiisate ka'aanni, woyyanno coyi nookkita afoommo. Maganu uyinosi yanna geeshsha mannu loosisinni hagiidhanni hee'ra hasiissannosi.

MAATEWOOSI 6:24

«Mittu manchi lamu Mootichira soqqama didandaanno. Woy mitto giwe mitto baxanno; woy mitto ayirrise mitto mishanno. Hattonni mittu manchi Maganohonna woxeho borojjicho ikka didandaanno.

EFESOONI SOKKA 5:18

Huntanno'nena woyinete xajje aggine dimbitinoonte. Hatteentenni Qullaawu Ayyaani wo'mo'ne.

EJJEETTO 9:13

Woyinete haqqichono, ‹Haqqete aana lenqe yaate yee, Maganonna manna hagiirsiissannota woyinete xajje'ya aa aguroni?› yitino.

UMI SAAMUEELI 25:36

Abigiya minira iillitu yannara, Naabaali moote jiltanno gedee jili aana no; lowo geeshsha dimbe noo daafira isonoo diafino. Kunnira sooda geeshsha mittoreno dicoyidhinosi.