ROSIISAANCHO 1:3 - Qullaawa Maxaafa

³ Mannu baattote aana daafuranno daafurinni maricho lexxanno?

ROSIISAANCHO 1:3 ပူးပေါင်းရင်းမြစ်များ

ROSIISAANCHO 2:11

Hakkunni gedensaanni, loosoommo loosonna daafuroommo daafuro baala laoommo. Kuni baalunku haafaho; diilallo cu'mate gedeeti. Kalqete aana lexxinanniri mitturino dino.

ROSIISAANCHO 2:18

Jiro'ya baala ane gedensaanni daannohura agure ha'reemmota ikkitino daafira, kalqete aana daafuroommo daafuri haafaho.

ROSIISAANCHO 2:19

Ane darga amadannohu egennaamohorono gowwahoro bande dianfoonni. Ikkollana ani egenno'yanni daafure gamba assoommohura anna ikkanno. Kunino haafaho.

ROSIISAANCHO 2:22

Lubbotenni noo geeshsha mannu loosisi daafira yaadanni hee'ra maa kaa'litannosi?

ROSIISAANCHO 3:9

Loosi'rannohu daafurisinni maricho lexxanno?

ROSIISAANCHO 4:3

Wo'munkunni roore kayinni horo ilaminokkihunna kalqete aana assinanni beebba lainokkihu ba'raa'rinoho.

ROSIISAANCHO 4:7

Xaano tenne kalqera nooha haafu coye afoommo.

ROSIISAANCHO 5:16

Ilamino garinni mulla anganni galagale ha'rasi dadillissannote. Daafurisi baalu diilallo cu'mate gedeeha ikke gatanno.

ROSIISAANCHO 5:18

Kuneeti ani afoommohu danchunna biifino coyi, mannu Maganu worinosi geeshsha kalqete hee're loosi'rinoha itanninna aganni hagiidhate.

ROSIISAANCHO 6:12

Caalu gede ikkite sa'anno yanna tenne haranchotenna, tidhitinokkite giddo mannaho woyyannore afinohu ayeti? Woy kayinni reyihu gedensaanni tenne kalqera ikkannore, mannaho kula dandaannohu ayeti?

ROSIISAANCHO 7:11

Kalqete aana noo manni baalunku egenno afi'ra hasiissannosi; egenno afi'ra iqqa afi'rate gedeeti.

ROSIISAANCHO 9:13

Kalqete aana, anera roore ikkinoha egennote lawishsha afoommo.

ROSIISAANCHO 9:3

Kalqete aana baalunkurinni roore bushu coyi no. Hakkuno baalunku gawalo mitte ikkaseeti. Mannu wodanira bunshe wo'mitino. Wodanisira bunshenna macharaarre wo'mitino gedeenni hee'ranno. Hakkunni gedensaanni reyanno.

ROSIISAANCHO 9:6

Baxillinsa, gibbonsanna hinaasinsa insa ledo mitteenni reyino; tenne kalqe aanaanni ikkanno coyi baalaho horonta beeqqaano di"ikkitanno.

ISAYAASI 55:2

Kaa'litannori nookki sagalera woxe mayira fushshidhinanni? Duushshitannokki sagalera mayira daafurtinanni? Ani yeemmota macciishshitinoommero, woyyitino sagale afidhine hagiidhitinanni.

IMBAAQOOMI 2:13

Wo'manka Dandaanno Magani mannu loosi'rinore giiramanno gede, gosa daafurtanno daafurono mullare asse aguranno.

IMBAAQOOMI 2:18

Hanni misile makaa'litanno? Misile mannu anganni bonce seekkinoonnite. Misiletewiinni kapho agurranna mittoreno diafi'nanni. Boce seekkino manchira mittoreno coyi'ra dandiitannokki misile amma'na makaa'litannosi?

MAATEWOOSI 16:26

Mannu gobba baalate jiro afi're lubbosi hu'niro, ma lexxanno? Woy kayinni lubbosi gatisi'rate maricho aanno?

YOHAANNISI 6:27

Ba'anno sagalera loosidhinoonte! Maganu Annu konne coye buuxisate Beettisi aana sumude worino daafira, Maganu Beetti aanno'netera hegere heeshshotera loosidhe» yiinsa.

UMI QORONTOOSI 16:16

Hattoo manniranna ledonsa daafurtannorira baalaho hajajantinanni gede qaagiisseemmo'ne.