NEHIMIYA 9:8 - Qullaawa Maxaafa

⁸ Isino atera ammanaminoha ikkinota afootto; isi ledo gondooro eootto; Kana"aanootu, Hitootu, Amooraawootu, Ferizootu, Iyaabuusootunna Gergesootu heedhannota, Kana"aanootu baatto sirchisira iqqa assite aate xaaritto; ati ammanamoottoha ikkoottohura eootto gondooro seekkite agarootto.

NEHIMIYA 9:8 ပူးပေါင်းရင်းမြစ်များ

KALAQAMA 12:7

Kaaliiqi Abiraamira leelle, «Tenne baatto sirchikkira eemmohe» yiisi. Kunnira, Abiraami leellinosi Kaaliiqira hakko darga kakkalote darga seekki.

KALAQAMA 15:6

Abiraami Kaaliiqa amma'ni; amma'nasino keeraanchimmate kiirantusi.

KALAQAMA 22:12

Isino, «Beettokki kissooti; aanasi mittoreno assitooti; mitticho beettokki dimararootto; Magano ayirrasattohanna isira hajajamattoha ikkoottotano xa afoommo» yiisi.

LAYINKI SAAMUEELI 22:31

Magani'ya doogo guutate! Kaaliiqi qaali ximbiiwaminoho; hexxitannosirira baalaho isi wonqote.

UMI DUDUWO 1:14

Kana"aani Iyaabuusootu, Amooraawootu, Gergesootu,

UMI DUDUWO 16:16

Abirihaami ledo eino gondooronna, Yisihaaqira xaarino xaaro agaranno.

IZIRA 9:15

Israeelete Magano Kaaliiqa ballo, ati halaalaancho yoo yaattoho; ikkollana kune techo geeshsha lubbotenni woroottonke. Saotenni hee'ne albakkiinni uurra didandiinanni; ninke kayinni kunni garinni hee'ne albikkira shinqoommo» yoommo.

NEHIMIYA 9:33

Ninke qorichishate assoottori baalu garaho; ninke sao assinummorono, ati ammanamakki dixeisootto.

FAARSO 116:5

Kaaliiqi mararannohonna shaqqadoho; Maganinke shooshaqaho.

FULO 3:17

Gibitsete gobba qarrinni fushshe Kana"aanootu, Hitootu, Amooraawootu, Ferizootu, Hiwootunna Iyaabuusootu heedhannota adonna malawu wo'mino baatto eemmo'ne yee coyi'roommo.

FULO 3:8

Gibitsootu anganni gatisammonsara dirroommo. Gibitsetenni fushshe Kana"aanootu, Hitootu, Amooraawootu, Ferizootu, Hiwootunna Iyaabuusootu heedhannota adonna malawu wo'minota hala'ladonna shaqqado baatto eemmonsa.

HIZIQEELI 33:24

«Koo manchi beetto, Israeelete gobbara diigantino katammara hee'ranno manni, ‹Abirihaami callichosiiti. Ikkollana baatto baala ragi'rino; ninke kayinni batinyeho; baatto ninkera iqqinoonninkete› yaanno.

KIIRO 13:29

Amaaleqootu wodiidi ragaanni, Hitootu, Iyaabuusootunna Amooraawootu gaaraame gobbara heedhanno. Kana"aanootu qolte Mediteraaniyu Baari mulenna Yordaanoosi Wayi qooxeessira heedhanno» yite kultu.

KIIRO 23:19

Maganu mannu gede dikaphanno; mannu gede coyi're digaabbanno. Uyino hexxono wonshanno; coyi'rinore baala assanno.

SOQQAMAASINETE LOOSO 13:22

Saaooli mootimmatenni hoolihu gedensaanni, Daawiti moohisinonsa. Maganu Daawitire kulanni, ‹Wodani'yata wonshannoha, hedo'ya gedeeha Isseyi beetto Daawiti afi'roommo› yiino.

MARRO 26:3

Hatte yannara soqqamanni noo qeesichira, ‹Kaaliiqi ninkera aankera annuwankera xaarino baatto iillinoommota techo Maganikki Kaaliiqi albaanni coyi'neemmo› yiiyye.

MARRO 32:4

«Isi jawaata go'linanni kinchooti; loosisino guutaho. Doogosi baalanti suwashshote; halaalaanchohonna ammanammo Maganooti; suwashshunna taalu Magani isooti.

MARRO 7:1

«Magani'ne Kaaliiqi martine ragidhinanni baatto massanno'nenna haammata ki'ne roortannota jajjabbanna wolqaataamma 7 daga: Hitoota, Gergesoota, Amooraawoota, Kana"aanoota, Ferizoota, Hiwootanna Iyaabuusoota albi'nenni shorranno yannara,

MARRO 9:5

Baattonsa martine ragidhinannihu keeraanchimma'nenni woy wodani'ne sumbenni kainohunni ikkikkinni, annuwa'nera Abirihaamira, Yisihaaqiranna Yaiqoobira aansara xaarino qaale wonshara Magani'ne Kaaliiqi tenne daga bunshensanni kainohunni albi'nenni shorrannohuraati.

TIITO 1:2

Tini ammanano hegere heeshsho hexxo aana xintantinote. Kaphannokki Magani tenne heeshsho aankera lowo dirira albaanni hexxo uyinonke.

IBIRAAWOOTA 11:17

Abirihaami fonqolami yannara Yisihaaqi kakkalote shiqishinohu amma'natenniiti. Hexxote qaale adhinohu afi'rinoha mitto beettosi kakkalanno gedeeti.

IBIRAAWOOTA 6:18

Soorramannokkihanna Maganuno kapha dandaannokkire lamenka hexxosinna xaarosi uyinonke. Kunni lamunku coyi widoonni albankeenni noo hexxo seekkine cu'mi'rate dandiineemmo gede, golo ikkannonkehu widira hinge xoonqoommori ninke lowo jawaante afi'neemmo.

IYYAASU 11:23

Kaaliiqi Muse hajajino garinni, Iyyaasu baatto baala angasira qo'li. Mitte mittente ga'rera iqqa asse Israeelootu baalunkura beehi. Hakkunni gedensaanni olu uurreenna baatto fooliishshidhu.

IYYAASU 11:3

Qoleno Yordaanoosira soojjaatoonninna galchimaanni nooriwa Kana"aanootunniwa, Amooraawootaho, Hitootaho, Ferizootahonna gaaraame gobbara heedhannorira Iyaabuusootaho, hattono Mitsipha gobbara Hermooni Ilaali hunda heedhannoriwa Hiwoota baalaho sokka soyi.

IYYAASU 23:14

«Kuneeti ani mannu aalo ikkeemmo yanna iillitinoe. Magani'ne Kaaliiqi uyino'ne hexxo garinni assino'neha dancha coye baalanka ki'ne mittu mittunku godowi'nenni seekkitine egentinoonni; isi uyino'ne hexxo giddonni mitteno gattukkinni baalanti wo'mitanno.

IYYAASU 9:1

Aliyyenni Libaanoosi geeshsha Mediteraaniyu Baari qaccenna Yordaanoosira galchimaanni alichohono gammoojjeteno noo mootoolla baalanti Israeele qeeltinota macciishshitu. Insano Hitootu, Amooraawootu, Kana"aanootu, Ferizootu, Hiwootunna Iyaabuusootu mootoollaati.

UMI YOHAANNISI 1:9

Cubbonke Maganoho ku'linummoro, isi ammanaminohanna keeraancho ikkinohura, cubbonke baala agurannonke; saonke baalatennino keereensannonke.