NEHIMIYA 9:7 - Qullaawa Maxaafa

⁷ Kaaliiqa Magano, ati Baabilooninni Uuri yinanni baattonni, Abiraami doorte kawiichira abbittosi; su'masino soorrite, ‹Abirihaami› yite fushshoottosi.

NEHIMIYA 9:7 ပူးပေါင်းရင်းမြစ်များ

KALAQAMA 11:31

Taara beettosi Abiraami, Kaaraani ilaminoha beettisi beetto Looxinna Abiraami galte Saarayi adhe Baabilooni nooha Uuri Katama agure Kana"aani Gobba ha'rara kai; Kaaraani marte hakkiicho heedhu.

KALAQAMA 15:7

Kaaliiqi qole, «Tenne baatto ragi'ratto gede aammohera Keledootu gobbanni Uurinni fushshoommohehu Kaaliiqi aneeti» yiisi.

KALAQAMA 17:5

Lowo gosa anna asseemmohe daafira, techo ka'a su'mikki Abiraami yaa agurreenna Abirihaami ikkanno.

KALAQAMA 18:19

Keeraanchimmanna sumbe assatenni Kaaliiqi doogo agadhitanno gede oososinna insa gedensaanni dagganno ilama baala rosiisara dooroommosi; hatto assituro, Abirihaamira coyi'roommo coye baalanka wonsheemmo» yii.

UMI DUDUWO 1:27

gedensaanni Abirihaami yinoonnihu Abiraamiiti.

ISAYAASI 51:2

Anna'ne Abirihaaminna iltino'neta Saara qaagge! Abirihaami woshshummosi waro mittichosiiti; ikkollana kune maassi're sirchosi batisoommo.

MARRO 10:15

Kaaliiqi annuwa'ne wodanisinni gudise baxinonsahura, sirchonsa ikkitinoonnire ki'ne dagate mereerinni dooreenna'ne techo geeshsha ki'ne isi mannaati.