NEHIMIYA 9:6 - Qullaawa Maxaafa

⁶ Kunni baalu gedensaanni Israeelete manni, «Kaaliiqa, ati callu Maganoho; ati gordonna gordu beeddahe kalaqootto. Baattonna baara, giddonsa noore baala kalaqoottohu ateeti; baalunkura lubbo woroottonsa. Gordu olanto baala heeshshi yite magansidhohe!

NEHIMIYA 9:6 ပူးပေါင်းရင်းမြစ်များ

KALAQAMA 1:1

Maganu umo asse gordonna baatto kalaqino.

KALAQAMA 1:9

Hakkunni gedensaanni Maganu, «Uulla reqecci yite leeltanno gede, gordoho woroonni noo wayi baalu mitto darga gamba yoo» yii; yiino gedeno ikki.

KALAQAMA 2:1

Maganu gordonna baatto, giddose noore baala kunni garinni kalaqe gudino.

KALAQAMA 32:2

Isino insa afiti, «Kuni Maganu qachaati» yee, hakkonne darga Mahinayimi yii.

UMI MOOTOOLLA 22:19

Mikayano lede, «Xa kune Kaaliiqi yaannore macciishshi! Sokkaasinesi baala qiniiteenninna guraanni uurrite heedheenna, Kaaliiqi gordoho ayirradu barcimisira ofolle nooha afoommo.

UMI MOOTOOLLA 8:27

«Magano Kaaliiqa, halaalinta ati uullate aana hee'rattoni? Gordoho aleenni noo gordi haa'rannohekkiha, kuni baattote aana noohu ani minoommo mini maminni ikkannohe?

LAYINKI MOOTOOLLA 19:15

«Israeelete Magano Kaaliiqa, kirubeeli yinanni kalaqamira iimaanni ofolloottohu ateetilla; gobba baalate gashshootira gashshaanni ate callaati; gordonna baatto kalaqoottohu ateeti.

LAYINKI MOOTOOLLA 19:19

Kaaliiqa Maganonke, ati Kaaliiqi callu ninkera Magano ikkoottota daga baala affanno gede xa Asoorootu anganni gatisinke» yaanni huucci'ri.

NEHIMIYA 9:5

Iyyaasu, Qadimieeli, Baani, Hashebaaniya, Sherebiya, Hoodiya, Shebaaniyanna Fetahiya yinanni Leewaawooti, «Ka'ine uurritine Magano'ne Kaaliiqa galatte; Kaaliiqa hegere hegerera guwissesi. Mannu guwishshi jawimmasi gudise leellishate guutinokkiha ikkiro nafa, ayirradu su'miha Kaaliiqa guwissesi» yitu.

FAARSO 102:25

Umo assite baatto kalaqootto; gordono angakkinni seekkootto.

FAARSO 103:21

Hedosi wonshitinanniri soqqamaanosi, ki'ne gordu olanto, Kaaliiqa galattesi!

FAARSO 115:15

Gordonna baatto kalaqinohu, Kaaliiqi maassi'ro'ne.

FAARSO 124:8

Tenne kaa'lo afi'noommohu, gordonna baatto kalaqinohu Kaaliiqiwiinniiti.

FAARSO 146:6

Kaaliiqi gordo, baatto, baaranna giddosi noore baala kalaqinoho. Isi wo'manka woyite gondoorosi agaranno.

FAARSO 24:10

Kuni ayirradu moote ayeti? Olantote Magani Kaaliiqi; isi ayirrado mooteeti.

FAARSO 33:6

Kaaliiqi gordo hajajosinni, agana, arrishshonna beeddahe qaalisinni kalaqino.

FAARSO 36:6

Keeraanchimmakki jajjabba ilaalla geeshshite; yookkino baaru diime gedeete; Kaaliiqa, ati mannanna saada towatatto.

FAARSO 86:10

Magano, ati jawaho; maala'linanni coye assatto; Maganu ate callaati.

ISAYAASI 37:16

«Olantote Mooticha Israeelete Magano, kirubeelira iimaanni ofolloottohu ateetilla. Gobba baalate gashshootira gashshaanninna Maganu ate callaati. Gordonna baatto kalaqoottohu ateeti.

ISAYAASI 37:20

Kaaliiqa Maganonke, ati callu Magano ikkoottota daga baala affanno gede xa Asoorootu anganni gatisinke» yaanni huucci'ri.

ISAYAASI 43:10

«Ki'ne Israeele, ani Kaaliiqa ikkoommota buuxxine, egentinannienna ammantinannie gede doodhoommo; soqqamaano'yaatinna naqaashshe'yaati. Ane agurranna kunni albaanni wolu magani dino; kunni ka'ano dihee'ranno.

ISAYAASI 44:6

Olantote Magani Israeelete moote gatisaanchu Kaaliiqi, «Albihuno gedensihuno aneeti; ane agurranna wolu Magani dino.

ISAYAASI 44:8

Ki'ne waajjitinoonte; bi're hundinni kayise balaxe dikuloommo'ne? Hanni ane gedeehu ayeti? Ki'ne anera naqaashshe'yaati; ane agurranna wolu Magani nooni? Ane ka'a golo ikkannohu nooni?» yii.

ISAYAASI 45:12

Baatto kalaqe, mannano aanase hee'ranno gede assoommohu aneeti; gordo anga'yanni diriirse, aanaho beeddahe diroommohu aneeti.

ERMIYAASI 32:17

«Kaaliiqa Mooticha'ya! Ati jawa wolqakkinninna jawaata cigilekkinni gordonna baatto kalaqootto; ati dandaattokkiri horonta dino.

HIZIQEELI 20:11

Agadhanno baalira heeshsho uyitannota hajajo'yanna seera'ya oommonsa.

YOONAASI 1:9

Yoonaasino, «Ani Ibiraawichaho; baattonna baara kalaqinoha gordu Magano Kaaliiqa magansi'reemmo» yee dawari.

YOHAANNISI 10:30

Aninna Anni'ya mittoho» yii.

SOQQAMAASINETE LOOSO 4:24

Insano konne coye macciishshite qoonqonsa naggi assite mitteenni Magano, «Gordonna baatto, baaranna baaru giddo noore baala kalaqoottohu Wo'munkura Aliidi Mooticha!

MARRO 10:14

«Gordunna gordoho aleenni noo gordi, baattonna aanase noori baalu Magani'ne Kaaliiqiho.

MARRO 32:39

« ‹Ani calli'ya Maganoho; ane ka'a wolu magani dino. Sheemmo; gatiseemmo; madiisseemmo; hurseemmo; anga'yanni gatisara dandaannohu mittuno dino.

MARRO 6:4

«Israeele, macciishshe! Magani'ne Kaaliiqi mitto Kaaliiqaati.

IBIRAAWOOTA 1:3

Isi Maganu ayirrinye xawise leellishino; isi ewelummasinni gudise Maganu ledo mittoho. Kalqe baala wolqaataamu qaalisinni irkise amade no. Mannano cubbunni keereensihu gedensaanni, gordoho ayirradu gashshaanchi Maganu qiniiteenni ofollino.

IBIRAAWOOTA 1:6

Maganu bayira Beettosi tenne gobba soyara kai yannara, Maganu sokkaasine baala magansidhannosi gede hajajino.

YOHAANNIS AJUUJA 14:7

Isi qoonqosi naggi asse, «Yoosi barri iillinona Magano waajje; ayirrinyeno uuyyesi. Gordonna baatto, baaranna wayi bu'a kalaqinoha magansidhe!» yii.

YOHAANNIS AJUUJA 4:11

«Mootichankenna Maganonke! Baalanka kalaqoottona, kalaqamanno gede assoottohunna, heeshsho oottohu ateetina, atera ayirrinyu, guweenyunna wolqa ikkitohe!» yitanno.