NEHIMIYA 9:5 - Qullaawa Maxaafa

⁵ Iyyaasu, Qadimieeli, Baani, Hashebaaniya, Sherebiya, Hoodiya, Shebaaniyanna Fetahiya yinanni Leewaawooti, «Ka'ine uurritine Magano'ne Kaaliiqa galatte; Kaaliiqa hegere hegerera guwissesi. Mannu guwishshi jawimmasi gudise leellishate guutinokkiha ikkiro nafa, ayirradu su'miha Kaaliiqa guwissesi» yitu.

NEHIMIYA 9:5 ပူးပေါင်းရင်းမြစ်များ

UMI MOOTOOLLA 8:14

Moote Selemooni hakkiicho uurre noo manni widira alba hige, maassi'rannonsa gede Kaaliiqa huuccanni,

UMI MOOTOOLLA 8:15

«Israeelete Magani Kaaliiqi galatamo! Anni'ya Daawitira eino gondooro seekke agarino. Gondooruno,

UMI MOOTOOLLA 8:22

Hakkunni gedensaanni Selemooni Israeelete mannira albaanni uurre kakkalote dargira alba hige angasi iimira gordo qole huuccanni,

UMI MOOTOOLLA 8:27

«Magano Kaaliiqa, halaalinta ati uullate aana hee'rattoni? Gordoho aleenni noo gordi haa'rannohekkiha, kuni baattote aana noohu ani minoommo mini maminni ikkannohe?

UMI DUDUWO 16:36

Israeelete Magani Kaaliiqi hegere geeshsha galatamo. Mannu baalunku, «Hamii'ni» yee, Kaaliiqa galati.

UMI DUDUWO 29:11

Ati jawahonna wolqaataamoho; ati ayirrinyu, xummenna gaamaarre wo'mitinoheho; gordohonna baattote aana noori baalu ateho; ati wo'munkura aliidihonna wo'munku aana roorre afi'rootto mooteeti.

UMI DUDUWO 29:13

Maganonke, ninke xa ate galanteemmohe; ayirrado su'makkino guwinseemmo.

UMI DUDUWO 29:20

Hakkunni gedensaanni Daawiti manna, «Magano'ne Kaaliiqa galatte!» yii. Gamba yee noo manni baalu akaakkansa Magano Kaaliiqa galati. Baattote aana gombisame Kaaliiqira kumbuuli; mooteteno ayirrinye uyi.

LAYINKI DUDUWO 20:13

Hatte yannara, Yihudu manni baalu meentinsa, oosonsanna qaaqquullinsa ledo Qullaawu Minira albaanni uurre hee'reenna,

LAYINKI DUDUWO 20:19

Qehaatinna Qore ilama ikkitino Leewaawootino ka'e uurrite qoonqonsa naggi assite Israeelete Magano Kaaliiqa galattu.

IZIRA 3:11

Guwishshunninna galatunni Kaaliiqira, «Shaqqadohona, maarosino Israeelete hegeretena» yitanni faarsitu. Kaaliiqi Mine sanfoonni daafira, mannu baalunku lowo hagiirrinni ilillisanni Kaaliiqira galata shiqishi.

NEHIMIYA 9:4

Leewaawootaho fulte uurritanno tullichi noonsa. Kunni aana Iyyaasu, Baani, Qadimieeli, Shebaaniya, Buuni, Sherebiya, Baaninna Kenaani uurrite qoonqonsa naggi assite Maganonsa Kaaliiqa huuccidhu.

NEHIMIYA 9:6

Kunni baalu gedensaanni Israeelete manni, «Kaaliiqa, ati callu Maganoho; ati gordonna gordu beeddahe kalaqootto. Baattonna baara, giddonsa noore baala kalaqoottohu ateeti; baalunkura lubbo woroottonsa. Gordu olanto baala heeshshi yite magansidhohe!

IYYOOBI 1:21

«Ama'ya godowinni mullu fuloommo; reemmo woyiteno mullichulla ha'reemmo. Kaaliiqi uyino; Isinni qole adhino; Kaaliiqi su'mi galataminoha ikko» yii.

FAARSO 106:2

Isi assinore kule guda dandaannohu ayeti? Ikkannosi geeshshi galata aasira dandaannohu nooni?

FAARSO 134:1

Ki'ne soqqamaanosi, hashsha Qullaawa Mine soqqantinanniri baalu, amme Kaaliiqa galatte!

FAARSO 145:2

Barru barrunkunni galateemmohe; hegere hegerera galateemmohe.

FAARSO 145:5

Ayirrinyikkinna xirchikki gaamaarre hasaabbanno; anino dhaggenniha loosokki marro hige qaageemmo.

FAARSO 146:2

Heeshsho'ya diri baalunkunni Kaaliiqa galateemmo; hee'reemmo diri baalunkunni Magani'yara faarseemmo.

FAARSO 16:2

Anino Kaaliiqa, «Ati Mooticha'yaati; ate ka'a danchu coyi dinoe» yuummo.

FAARSO 66:2

Su'misi ayirrinyira faarse; ayirrado galatano uuyyesi.

FAARSO 99:3

Wo'munku lowohanna ayirrado su'masi galato; isi qullaawaho.

FULO 15:11

Kaaliiqa, magannate giddo ate gedeehu ayi no? Maala'linanni qullaambehu, waajjishanno xirchihu, dhagge loosannohu ate gedeehu ayi no?

FULO 15:6

Kaaliiqa, qiniiticho angakki, ayirradotenna wolqaataamete; diina gante butu assitanno.

DAANIEELI 2:20

«Maganu egennaamohonna wolqaataamoho! Kunnira, hegere hegerera galattesi.

MAATEWOOSI 11:25

Hatte yannara Yesuusi, «Gordunna baattote Mooticha Anna'ya, konne coye hayyooletenna egennaammaho golte qaaqquulleho leellishootto daafira galaxxeemmohe.

LAYINKI QORONTOOSI 4:6

«Tunsichoho caabbichu xawo» yiino Magani, Kiristoosi daninni xawannoha Maganu ayirrinye afate xawaabba aankera caabbichosi wodaninke giddo xawisino.

MARRO 28:58

«Kunni maxaafira borreessinoonniha konne seera seekkitine agadha hoogginiro, dhaggennihanna waajjishannoha Magani'ne Kaaliiqi su'ma ayirrisa gibbiniro,

UMI PHEEXIROOSI 1:3

Yesuusi Kiristoosi reyotenni ka"asinni heeshshote hexxo uyinke. Jawa maarosinni haaro ilamanni oososi assinonkehu, Mootichinke Yesuusi Kiristoosi Anni Maganu galatamo.

EJJEETTO 13:18

Isino, «Su'mi'ya afate didandiinannihona xa'mitootie?» yiisi.