NEHIMIYA 9:35 - Qullaawa Maxaafa

³⁵ Ati oottonsatera shaqqadotenna hala'lado baattora heedhanno yannara, mootoolla maassokkinni gashshite heedheennansanni, busha doogonsanni higge atera disoqqantino.

NEHIMIYA 9:35 ပူးပေါင်းရင်းမြစ်များ

NEHIMIYA 9:25

Mannikki qiinshoonni katamma, shaqqado baatto, jirote wo'mitino minna, umantinota wayi bu'a, ejersu zayitenna woleno laalannohanna woyinete haqqe baala amadino. Itte duubbe maqayeno du'mitino; shaqqillikkinni oottonsahu danchu coyi baalunni hagiidhitino.

NEHIMIYA 9:34

Akaakkanke, mootoollanke, albisootinkenna qeesootinke, seerakki diagadhitino; oottonsa hajajonna qorophishiishsha dimacciishshitino.

ISAYAASI 63:7

Kaaliiqi assinonkerira baalaho, Israeelete manna mararino mararrora, bati'ru hegere baxillisinna shaqqillisi daafira, Kaaliiqiha dancha loososinna galatasi duduweemmo.

ERMIYAASI 5:19

Ermiyaasi! Mannu, ‹Maganinke Kaaliiqi konne coye baala mayira abbinke?› yiihero, atino, ‹Konne assinohu ki'ne iso agurtine gobba'nera noota wole kaphu maganna magansidhinoonni daafiraati. Kunnira, ki'neno umi'neta ikkitinokki gobbara wolu mannira soqqantinanni› yite kulinsa» yiie.

HIZIQEELI 5:6

Yerusaalame kayinni, haxawarrite anera hajajama gibbe, qooxeessisera noo gosanni roore bushshino. Yerusaalame hajajo'ya mishshino; seera'yano wonsha gibbino.

MARRO 28:47

Magani'ne Kaaliiqi lowo coyinni maassi'rino'ne. Ki'ne kayinni hagiirrunninna owaantetenni disoqqantinoonnisi.

MARRO 28:48

Kunni ka'a, Kaaliiqi soyanno diinnara borojje ikkitinanni. Co'o yitine ba'ina geeshsha diinna'ne qarrissanno'ne. Wo'mu coyinni qarrantine hudidhinanni; goodhinanni; kallitinanni. Co'o yitine ba'ina geeshsha qambara aani'nenni dihoollanni.

MARRO 31:21

Lowo qarrinna lowo shetto iillitannonsa yannara, hajajama hoogansanni kainohunni qorichisha'yara tenne faarso oosonsa habbannokki gede faarsitanna naqaashshe ikkite heedhannonsa. Aammonsara hedoommo baatto iillishammonsara albaanni, wodaninsara noota busha yorto afoommo» yii.