NEHIMIYA 9:34 - Qullaawa Maxaafa

³⁴ Akaakkanke, mootoollanke, albisootinkenna qeesootinke, seerakki diagadhitino; oottonsa hajajonna qorophishiishsha dimacciishshitino.

NEHIMIYA 9:34 ပူးပေါင်းရင်းမြစ်များ

LAYINKI MOOTOOLLA 17:13

Kaaliiqino Israeelenna Yihuda qorophisiisate soqqamaanosi himanaano soye, «Busha doogo'nenni higge; soqqamaasine'ya himanaanote widoonni qole akaakka'neranna ki'nera oommo hajajonna Seera agadhe» yee coyi'rino.

LAYINKI MOOTOOLLA 17:15

Kulinonsa woga diwonshitino; annuwansa ledo eino gondoorono diagadhitino; seejjinonsa seejjo baala lashshi assite agurtino; haafu misilla magansidhanni insano tidhitinokkire ikkitino; Kaaliiqi qooxeessinsara noo daga woga amaddannokki gede kulinonsa hajajo diigge, insa hoode hadhino.

LAYINKI DUDUWO 29:6

Akaakkanke, Maganinke Kaaliiqira diammanantino; isi giwanno coye assite isono facci assite agurtino. Isi galannowiinni alba shawwu yite isira badhe wodhitino.

IZIRA 9:10

«Xa kayinni, Maganonke ballo, hajajokki layinkemeeshsho hunnoommona, hige kunni ka'a mayineemmo?

NEHIMIYA 9:30

Lowo diro cincatenni qorophisiisoottonsa; Ayyaanikkinni himanaanokki widoonni qolte qorophisiisoottonsa; mannikki kayinni macca duwe giwino daafira, ollaansa ikkitino dagara sayisse oottonsa.

NEHIMIYA 9:33

Ninke qorichishate assoottori baalu garaho; ninke sao assinummorono, ati ammanamakki dixeisootto.

NEHIMIYA 9:35

Ati oottonsatera shaqqadotenna hala'lado baattora heedhanno yannara, mootoolla maassokkinni gashshite heedheennansanni, busha doogonsanni higge atera disoqqantino.

ERMIYAASI 29:19

Kuni coyi daannonsahu, soqqamaano'ya himanaanote widoonni qole marro marro hige soommo sokka macciishshanna wonsha gibbino daafiraati.

ERMIYAASI 44:17

Ninke assineemmo yinoommore kayinni assineemmo; gordu mootitte yinannitera maganonkera xiniinsi'neemmo. Annuwanke, mootoollankenna gashshaanonke Yihudu katammaranna Yerusaalamete dooggara assitino garinni xaano woyinete xajje fushshaate shiqinsheemmose. Konne coye assinanni hee'ni waro lowo qiniiti noonke; jirono noonke daafira mitto qarrano diafi'noommo.

ERMIYAASI 44:4

Ani giweemmoha hakkonne busha coye assitinannikki gede kulta'nera soqqamaano'ya himanaano marro marro hige soommo'ne.

HIZIQEELI 5:6

Yerusaalame kayinni, haxawarrite anera hajajama gibbe, qooxeessisera noo gosanni roore bushshino. Yerusaalame hajajo'ya mishshino; seera'yano wonsha gibbino.

DAANIEELI 9:6

Mootoollankera, gashshaanonkera, akaakkankeranna gobbate aana noo manni baalaho su'mikkinni coyidhinori soqqamaanokki himanaano yitinore dimacciishshinoommo.

MARRO 31:21

Lowo qarrinna lowo shetto iillitannonsa yannara, hajajama hoogansanni kainohunni qorichisha'yara tenne faarso oosonsa habbannokki gede faarsitanna naqaashshe ikkite heedhannonsa. Aammonsara hedoommo baatto iillishammonsara albaanni, wodaninsara noota busha yorto afoommo» yii.