NEHIMIYA 9:32 - Qullaawa Maxaafa

³² «Maganonke Kaaliiqa ballo, ati jawaho, wolqaataamohonna ayirradoho! Baxillunniha gondoorokkino hegere geeshsha disoorratto. Asoori mootoolla ninke gadadisa hanaffu yannanni kayise, xaa geeshsha iillinonke qarri bati'rahona, ajishshe la'ooti. Mootoollankenna albisootinke qeesootinkenna himanaanonke, akaakkankenna manninke baalu addintanni shetino; ninke baalunku shentoommo garano qaagi.

NEHIMIYA 9:32 ပူးပေါင်းရင်းမြစ်များ

UMI MOOTOOLLA 8:23

«Israeelete Magano Kaaliiqa! Ati callu Maganoho. Iima gordohonna uulla baattote ate gedeehu wolu dino. Co'o yiino wodaninni doogokki hadhannorira baxillunniha gondoorokki wonshattohu ate callaati.

LAYINKI MOOTOOLLA 15:19

Minaheemi gashshe noo yannara Asoori moote Telgeltelfelsoori Israeele amadi. Minaheemi gashshootesi kaajjishi'rate kaa'lannosi gede hede, Telgeltelfelsoori 34,000 kiilo ikkanno birra uyisi.

LAYINKI MOOTOOLLA 15:29

Faaquhe gashshe noo yannara, Asoori moote Telgeltefelsoori Iyooni, Abeeli-Beeti-Maaka, Yaanoha, Qedeeshinna Hatsoori yinanni katamma, qoleno Geleaadi, Galiilunna Nifitaalemi baatto baala amadi. Mannano qafade Asoorira haa're ha'rinohu isi yannaraati.

LAYINKI MOOTOOLLA 17:23

Kaaliiqi soqqamaanosi himanaanote widoonni qole kulinonsa garinni, albisinni co'o asse huninsa. Israeelete manni qafadame Asoori gobba ha'rinohu kunni garinniiti.

LAYINKI MOOTOOLLA 17:3

Asoori moote Seliminaasoori daye qasisi yannara qeelame anga ee, diru dirunkunni isira gabbaranni hee'rino.

LAYINKI MOOTOOLLA 17:6

Seliminaasoori, Hoosei moohihunni honsikki diro Samaariya qeele angara qo'li. Israeelete mannano qafade Asoorira haa're ha'ri. Insa giddonni gama Halaahi Katamira, gama Goozaani awuraajjira Haboori Wayi mule, woloota qole Medooni katammara heedhanno gede assi.

LAYINKI MOOTOOLLA 23:29

Iyosiyaasi moohe noo yannara, Gibitsete moote Nikau Asoori mootera ha'lara Efiraaxisi Wayiwa ha'rino. Moote Iyosiyaasi Gibitsete olanto ittisara fulinowa Megido Katamira Nikau shiinosi.

LAYINKI MOOTOOLLA 25:7

Sedeqiyaasi illesinni la"anni hee'reenna oososi shini. Hakkunni gedensaanni Nabukadanatsoori lamenta illesi giddonni fushshine hunnanni gede assi. Angasinna lekkasino camote cagaagenni usurre Baabilooni haa'ne ha'ni.

IZIRA 4:10

qoleno jawunna wolqisu Asinaafeeri qaensanni hoole Samaariyu Katamiranna Efiraaxisi Awuraajji Galchimihura heedhanno gede assinori ledooti» yitu.

IZIRA 4:2

Zerubaabeeliwanna gosate sooreeyyewa dagge, «Ninkeno ki'nente gede Magano'ne magansi'neemmoreeti. Asoori moote Asiraadooni kawiira abbinkenkunni kayinse isira kakkallanni hee'noommo. Kunni daafira looso kaa'lineemmo'ne» yitunsa.

IZIRA 9:13

«Kuni baalu iillinonkehu bushu loosinkenninna bati'ra saonkenniiti. Maganonke, ati kayinni cubbinke deerrinni diqorichishoottonke; taraarenkeno digudootto.

NEHIMIYA 1:5

«Gordu Magano Kaaliiqa, ati jawahonna waajjinanniho. Ati baxxannoheriranna hajajokki ayirrissannorira baalaho gondoorokki seekkite agaratto.

FAARSO 47:2

Wo'munkura Aliidihu Kaaliiqi waajjinanniho; baatto baalate aanano isi jawa mooteeti.

FAARSO 66:3

Magano, «Loosikki dhaggenniho; wolqakkino lowota ikkitinohura, baarigaarrakki huxidhe waajjitannohe.

FAARSO 66:5

Amme, Maganu looso la'e! Isi mannu mereero maala'linannire assino.

FULO 18:8

Muse, Kaaliiqi Israeelete daafira yee Feriooninna Gibitsete manni aana assinore baala kulisi. Qoleno doogote aana xaaddinonsa mitiimmanna hakkiichinnino Kaaliiqi asse gatisinonsa gara hasaawisi.

ISAYAASI 9:6

Kuneeti qaaqqu ilaminonke! Labbaa beettono uyinoonninke! Isino gashshaancho ikkanno; su'masino, «Dhaggete Amaalaancho, Wolqaataamo Magano, Hegere Anna, Keeru Roorricha» yinanni.

DAANIEELI 9:4

Manni'ya assino sao daafira aagintaawanni, «Waajjinannihu gondoorokkinna bagamannokkiha baxillekki agarattohu Mooticha Magano'ya,

DAANIEELI 9:6

Mootoollankera, gashshaanonkera, akaakkankeranna gobbate aana noo manni baalaho su'mikkinni coyidhinori soqqamaanokki himanaano yitinore dimacciishshinoommo.

DAANIEELI 9:8

Mooticha'ya! Cubbo loonsoommo daafira uminke, mootoollanke, gashshaanonkenna akaakkanke aana shollinye abbi'noommo.

LEEWAAWOOTA 26:18

«Hakkunni gedensaanni hajajama gibbiniero, 7 ero lede qorichisheemmo'ne;

LEEWAAWOOTA 26:21

«Higginannikkihanna hajajantinannikkiha ikkiro, cubbi'ne deerrinni 7 ero lede qorichisheemmo'ne.

LEEWAAWOOTA 26:24

anino diina ikkeemmo'ne; cubbi'ne daafira, 7 ero lede albinni roore qorichisheemmo'ne.

LEEWAAWOOTA 26:28

anino hanqi'yanni dayemmo'ne; cubbi'ne daafira, ani umi'ya 7 ero lede qorichisheemmo'ne.

MARRO 7:12

«Konne seera macciishshitinironna seekkitine agadhitiniro, Magani'ne Kaaliiqi annuwa'nera xaari xaaro garinni xaano gondoorosinna bagamannokki baxillesi disoorranno.

MARRO 7:13

Kaaliiqi baxanno'ne; maassi'ranno'ne; batisanno'ne. Annuwa'nera aara xaarino baatto godowi'ne guma, baatto'ne laalcho, gide'ne, haaro woyinete xajje'nenna zayite'ne, lalo'nenna siitta'ne, ge'reewo'ne, me"e'nenna wilii'le'ne maassi'ranno.

MARRO 7:21

Mereero'ne noohu Magani'ne Kaaliiqi jawanna waajjishanno Magano ikkino daafira insa waajjitinoonte.

MARRO 7:9

Kunnira, Magani'ne Kaaliiqi baxxannosiriranna hajajosi agadhitannorira gondoorosinna bagamannokki baxillesi kume ilama geeshsha agarannoha ikkinota habbinoonte. Isi ammanamino Maganooti.