NEHIMIYA 9:29 - Qullaawa Maxaafa

²⁹ Seerikkiwa higganno gede qorophisiisoottonsa; seerakki agadha heeshshote doogo ikkituro nafa, insa kayinni, boo'natenninna haxawarrimmatenni seerakki wigidiidde tuggino. Atera badhe wodhite, wodanansano mokkookkisse macciishsha gibbinohe.

NEHIMIYA 9:29 ပူးပေါင်းရင်းမြစ်များ

LAYINKI MOOTOOLLA 17:13

Kaaliiqino Israeelenna Yihuda qorophisiisate soqqamaanosi himanaano soye, «Busha doogo'nenni higge; soqqamaasine'ya himanaanote widoonni qole akaakka'neranna ki'nera oommo hajajonna Seera agadhe» yee coyi'rino.

LAYINKI MOOTOOLLA 17:14

Insa kayinni hajajama gibbino. Maganinsara Kaaliiqira ammanantinokkiri akaakkansa gede haxo mokkookkitino.

LAYINKI DUDUWO 24:19

Kaaliiqino mannu isiwa higanno gede qaagiissitannota himanaano soyino; himanaanono farcidhino. Insa kayinni dimacciishshitino.

LAYINKI DUDUWO 33:10

Kaaliiqi Minaasenna mannasi qorophisiisino. Insa kayinni dimacciishshitino.

LAYINKI DUDUWO 36:15

Akaakkansa Magani Kaaliiqi mannanna Qullaawa Mine mararino daafira, himanaano soye marro marro hige qorophisiisa diagurino.

NEHIMIYA 13:15

Hatte yannara Yihudaho Fooliishshote Barra, woyine huuncitannore, gide, woyinete xajje, woyinete laalo, balasenna addi addi hogowo harrete hogophite Yerusaalame daggannore afe, Fooliishshote Barra mittoreno hirtannokki gede qorophisiisummo.

NEHIMIYA 9:10

Gibitsete moote aana, roorrootisinna baattosira hee'ranno manni baalu aana, dhaggenna maalale leellishootto. Hatto assoottohuno insa mannakki assite gadadissino gara afoottohuraati; hatto assakkinni techo geeshsha su'mikki maccaha ikkino.

NEHIMIYA 9:16

Akaakkanke kayinni boonaleeyyenna hettisamaano ikkitino; hajajokkino ayirrisa gibbino.

NEHIMIYA 9:26

«Mannikki kayinni atera haxawarre, qaalikkira hajajama giwino; seerakkino macciishsha giwate badhe wodhino. Qorophisiisse atewa higganno gede kultinonsata himanaanokki shiino; yanna yannantenni ate su'ma xonsiisatenni dieemaramino.

NEHIMIYA 9:30

Lowo diro cincatenni qorophisiisoottonsa; Ayyaanikkinni himanaanokki widoonni qolte qorophisiisoottonsa; mannikki kayinni macca duwe giwino daafira, ollaansa ikkitino dagara sayisse oottonsa.

FULO 10:3

Kunnira Muse Aarooni ledo Feriooniwa mare, «Ibiraawootu Magani Kaaliiqi, ‹Anera heeshshi yaattokkihu mamooti geeshshaati? Manni'ya magansi'rannoe gede ha'rona aguri;

ERMIYAASI 17:23

Akaakka'ne kayinni yoommota dimacciishshitino; maccansano diqoltino. Haxo mokkookkite macciishshanna yoommo gede ikka gibbino.

ERMIYAASI 19:15

«Israeelete Magani Olantote Mootichi, ani yeemmore macciishsha giwate haxo mokkookkitinona, ‹Kunni katamiranna qooxeessisira noo katammara, dagganno yee kuloommo bao abbeemmo› yiino» yoommo.

ERMIYAASI 42:19

Anino qole mannaho, «Ki'ne Yihudu taraare Kaaliiqi, ‹Gibitse hadhinoonte› yee kulino'ne. Anino hadhinannikki gede lede qorophisiiseemmo'ne.

ERMIYAASI 43:2

Hoshaiya beetti Azaariyaasi Qaareha beetti Yohanaaninna boonaleeyye baalu, «Coyikki kaphoho; Maganinke Kaaliiqi, ‹Gibitse hadhoonke› yee dikulinohe.

ERMIYAASI 44:10

Kune techo geeshsha umo'ne shollishshine heeshshi diyitinoonni. Ane ayirrisa gibbine ki'neranna annuwa'nera oommo woganna seera mishshinoonni.

ERMIYAASI 7:26

Ikkollana macciishshinohunna wodana assinohu dino. Saimanka harrichu gede haxo mokkookkitine hettisantinannire ikkitinoonni.

HIZIQEELI 20:11

Agadhanno baalira heeshsho uyitannota hajajo'yanna seera'ya oommonsa.

DAANIEELI 5:20

Ikkollana boonaleessa, hettisamaanchonna kakkacha ikkita, gaacheenisi mulqameenna ayirradu barcimisi aaninni dirrino.

HOOSEI 6:5

Kunni daafira himanaano'ya widoonni qole murmurannohanna gorre shaannoha qaale'ya soommo'ne; yoo'yano banqote gede beleqqanno'ne.

LEEWAAWOOTA 18:5

Woga'yanna seera'ya agadhe; konne assitiniro, lubbotenni heedhinanni. Ani Kaaliiqi Magano'neeti.

MAATEWOOSI 19:17

Yesuusi qole, «Danchu coyire mayira xa'mattoe? Danchu Mitto callaho. Hegere heeshshowa ea hasi'rittoro hajajo agadhi» yiisi.

LUQAASI 10:28

Yesuusi, «Dawarokki garahona, atino hadhe hatto assi; heeshsho afi'rattona» yiisi.

ROOMU SOKKA 10:5

Seera agadhatenni afi'nanni keeraanchimma daafira Muse borreessinohu, «Seera agadhannohu lubbotenni hee'ranno» yaanno.

GALATIYU SOKKA 3:12

Seeru amma'nate aana xintaminoha di"ikkino. Maganu qaali, «Seera guute agadhannohu gatanno» yaanno.

MARRO 31:21

Lowo qarrinna lowo shetto iillitannonsa yannara, hajajama hoogansanni kainohunni qorichisha'yara tenne faarso oosonsa habbannokki gede faarsitanna naqaashshe ikkite heedhannonsa. Aammonsara hedoommo baatto iillishammonsara albaanni, wodaninsara noota busha yorto afoommo» yii.

MARRO 31:27

Ki'ne baalunku mageeshshi geeshsha haxawarrootanna mokkookkoota ikkitinoonniro afoommo. Ani lubbotenni hee'reenna togo ikkitinoonniri, ani noommokki waro mageeshshi geeshsha haxawarritinanni ikka!

MARRO 4:26

Anera hajajama gibbiniero, baattote aaninni rakkine ba'inannita egensiisate gordonna baatto techo naqaashshe kiidheemmo. Yordaanoosi fultine ragidhinoonni baattora seeda diro hee'ra didandiitinanni; co'o yitine ba'inanni.

EJJEETTO 6:10

Ani Kaaliiqi Magano'neeti; gobba'nera noota Amooraawootu maganna magansidhinoonte› yoommo'ne. Ki'ne kayinni yoommota dimacciishshitinoonni» yii.