NEHIMIYA 9:27 - Qullaawa Maxaafa

²⁷ Kunnira, diinnansa qeelte gadadissannonsa gede sayisse oottonsa. Qarrantanno yannara kaa'lo afi'rate atewa raartino; atino gordoho heedhe macciishshoottonsa. Maarokki batinyinni kainohunni, diinnansawiinni gatissannonsa albisoota soottonsa.

NEHIMIYA 9:27 ပူးပေါင်းရင်းမြစ်များ

LAYINKI MOOTOOLLA 13:5

Kunnira, Kaaliiqi Israeele Sooriyootu anganni gatisannonsaha soyi. Hakkunni gedensaanni albi gede keere heedhu.

LAYINKI MOOTOOLLA 14:27

Kaaliiqi Israeele Iyorbiaami widoonni qole gatisinohu co'o yite gooffara hasi'rinokki daafiraati.

LAYINKI MOOTOOLLA 17:20

Kunnira, Kaaliiqi Israeelete manna baala facci asse agurino. Albisinni co'o asse hunannohura mararannokki diinira sayise aatenni qorichishinonsa.

LAYINKI MOOTOOLLA 17:39

Ane Magano'ne Kaaliiqa magansidhe; anino diini'ne anganni gatiseemmo'ne» yee hajajinonsa.

LAYINKI DUDUWO 36:17

Kunnira Baabilooni moote gawajjannonsa gede haa're abbi. Baabilooni mooteno Qullaawa Mine noore nafa agurikkinni Yihudunnita aja ooso baala shee gudi. Maganu sayise uyinosi daafira aju akkali, meya labbaahu gatikkinni baalanka mararikkinni gudino.

NEHIMIYA 9:19

Ikkollana, maarokki bati'ra ikkitino daafira, hattenne halallitte gobbara dicallachishoottonsa. Wo'manka woyite barra gomichunni, hashsha giiratenni massagoottonsa.

FAARSO 136:24

Diinnanke anganni gatise fushshinonke; bagamannokkihu baxillisino hegerehona.

LEEWAAWOOTA 26:17

Diinna'ne qeeltanno'ne gede badhe wodheemmo'ne; gibbinanniti diinna'ne gashshitanno'ne; waajjitinoonni daafira, shorrini'nekkinni xooqqinanni.

ABIDIYU 1:21

Ani Kaaliiqi gatiseemmonsa gosa, Tsiyooni Ilaali aana heedhe, Edoomi gashshitanno. Gashshootuno ane Kaaliiqiha ikkanno.

EJJEETTO 2:18

Kaaliiqi albisannoha kayisannonsa kiironni, hakku albisi Kaaliiqi ledosi noo daafira, Israeele diininsa anganni gatisino. Mannu qarru batinyinni kainohunni raaranno woyite, Kaaliiqi mararinonsa.