NEHIMIYA 9:2 - Qullaawa Maxaafa

² Wole gobba manni ledono xaada agurtu. Hakkunni gedensaanni, baalunku ka'e uurrite uminsanna akaakkansa loossino cubbo baala aagintaabbu.

NEHIMIYA 9:2 ပူးပေါင်းရင်းမြစ်များ

UMI MOOTOOLLA 8:47

Qafadante noo gobbara heedhe, ‹Cubbo loonsoommo; sao assinoommo; bunshoommo› yite gaabbite aagintaabburo,

IZIRA 10:11

Xa akaakka'ne Maganira Kaaliiqira cubbo'ne ifaaxxe; isi yiinotano ikke. Qooxeessi'nera noo daga giddonninna wole gosanni adhitinoonni meentiwiinni baxxe» yii.

IZIRA 6:21

Kakkalono, qafadotenni higgino Israeelootinna Israeelete Magano Kaaliiqa magansi'rate hakko heedhanno daga battewiinni baxxitinori ledo mitteenni ittu.

IZIRA 9:1

Kuni coyi ikkihu gedensaanni sooreeyye anewa dagge, «Qeesootanna Leewaawoota aanaho lexxe Israeelete manni, olliinsa Kana"aanootu, Hitootu, Ferizootu, Iyaabuusootu, Amoonootu, Moaabootu, Gibitsootunna Amooraawootu battewiinni dibaxxino.

IZIRA 9:15

Israeelete Magano Kaaliiqa ballo, ati halaalaancho yoo yaattoho; ikkollana kune techo geeshsha lubbotenni woroottonke. Saotenni hee'ne albakkiinni uurra didandiinanni; ninke kayinni kunni garinni hee'ne albikkira shinqoommo» yoommo.

IZIRA 9:2

Israeelete manni, tenne gosa seenne adhino; Maganunnihu qullaawu manni dagate ledo karsiisamino. Tenne bunshera umo ikkitinori sooreeyyenkeetinna gashshaanonkeeti» yitue.

NEHIMIYA 1:6

Magano, soqqamaanokki Israeelete manni gato daafira hashshanna barra huucci'reemmota huuccatto'ya macciishshie. Ninke Israeelete manni, ani umi'yanna annuwa'ya loonsoommo cubbono ifaaxxeemmo.

NEHIMIYA 10:28

Sheemaatuno, «Manninke baalu, qeesootu, Leewaawootu, Qullaawu Mini agaraasine, faarsaano, Qullaawu Mini soqqamaano, gashshaano, wole dagawiinni baxxine Maganu seeriwa hingoommori, meentinkenna iillitino oosonke ledo,

NEHIMIYA 10:29

gashshaano roduuwinke ledo sumuu yine, Maganu borojjichisi Musera uyino hajajo garinni hee'rate, ‹Kaaliiqi seeranna woga wonsha hoongummoro, qorichunna rumo iillitonke› yine xaarro.

NEHIMIYA 13:3

Israeele konne coye macciishshituhu gedensaanni, wole gobba sircho ikkino manna giddonsanni fushshitu.

NEHIMIYA 13:30

Hakkunni gedensaanni, allaggichu coyi baalunkuwiinni keereensummonsa. Qeesootunna Leewaawootu looso loosonsa affe soqqantanno gede assoommo.

FAARSO 144:11

Kaajjaddu bagadiwiinni gatisie; allaggu anganni fushshie; insa horonta halaale dicoyidhanno; xaartanni nafa kaphitanno.

FAARSO 144:7

Angakki diriirsite, diimete wayi giddonni, goshooshshe fushshite gatisie; allaggu anganni fushshie.

LAWISHSHA 28:13

Cubbosi maaxannohu dilatanno; aagintaawannohunna agurannohu kayinni maaro afi'ranno.

ISAYAASI 2:6

Magano! Yaiqoobi sircho ikkinoha mannakki horonta agurootto; soojjaati gosa layidhanno coyinna Filisxeemete kiili baatto wo'mino. Mannuno maganiweelo gosa ledo elle amadino.

ERMIYAASI 14:20

Kaaliiqa, ninke ate aana sao assinoommo; kunnira, ninkehanna akaakkanke cubbo ifaaxxineemmo.

ERMIYAASI 3:13

Ki'ne sao'ne calla ammanne; ane Magani'ne Kaaliiqira haxawarra'nera, wole manni gobba maganna kaphunnite ledo, jajjabba haqqe hunda foora'neranna, hajajo'ya agadha hooga'nera aagintaabbe. Konne coye coyi'roommohu ani Kaaliiqaati.

DAANIEELI 9:20

Umi'yahanna gosa'ya Israeelete cubbo aagintaawanni, Qullaawa Mine gatamaranno gede Kaaliiqa Magano'ya lede huucci'roommo.

HOOSEI 5:7

Kaaliiqira ammanantinore ikka hoogansanni kaphu magano magansidhanni darchu aani ooso iltino. Kunnira xa Aganu Leellanno yannara insano baattonsano mitteenni ba'anno.