NEHIMIYA 9:10 - Qullaawa Maxaafa

¹⁰ Gibitsete moote aana, roorrootisinna baattosira hee'ranno manni baalu aana, dhaggenna maalale leellishootto. Hatto assoottohuno insa mannakki assite gadadissino gara afoottohuraati; hatto assakkinni techo geeshsha su'mikki maccaha ikkino.

NEHIMIYA 9:10 ပူးပေါင်းရင်းမြစ်များ

NEHIMIYA 9:16

Akaakkanke kayinni boonaleeyyenna hettisamaano ikkitino; hajajokkino ayirrisa gibbino.

NEHIMIYA 9:29

Seerikkiwa higganno gede qorophisiisoottonsa; seerakki agadha heeshshote doogo ikkituro nafa, insa kayinni, boo'natenninna haxawarrimmatenni seerakki wigidiidde tuggino. Atera badhe wodhite, wodanansano mokkookkisse macciishsha gibbinohe.

FAARSO 83:18

Kaaliiqi ate calla ikkoottotanna, baattote aana Wo'munkura Aliidihu ate ikkoottota affona.

FULO 18:11

Gibitsootu aana'ne boo'nitino boo'na lae angansanni gatise fushshino'nena, Kaaliiqi maganna baalanta roorinota xa afummo» yii.

FULO 3:20

Kunnira, ani anga'ya kayise maala'linanni garinni Gibitse ganeemmo; hakkunni gedensaanni hadhinara aguranno'ne.

FULO 5:2

Ferioonino, «Isi afummona, Kaaliiqi ayeti? Isi yiinota macciishshe Israeele mayira agureemmo? Ani Kaaliiqa diegennoommo; Israeeleno hadhara diagureemmo» yii.

FULO 7:1

Kaaliiqi Musera, «Ani ate Ferioonira Maganu gedeeha assoommohe; rodiikki Aarooni atera himanaancho ikke coyi'ranno.

FULO 9:16

Kayinnilla, reyattokki gede assoommohehu, wolqa'ya afatto gedenna su'mi'ya gobba baalate ayirranno gede assateeti.

ISAYAASI 42:20

Lowo coye la'inoonni; ikkollana kayinni dibuuxxinoonni; maccatenni macciishshitinoonni; kayinnilla diwodanchitinoonni» yii.

ISAYAASI 63:12

Hegere geeshsha maccaha ikkasi egensiisara yee, ayirrado wolqasi Musera qiniiteenni worihu, albansaanni noo waa lamewa badihu hiikki?

ISAYAASI 63:14

Lagichaho bobbahanno lali gede, Kaaliiqi Ayyaani fooliishsho uyinonsa. Su'mikki ayirranno gede kunni garinni haadhe ha'roottonsa.

ERMIYAASI 32:20

Bi're alba Gibitsete baattora dhaggenna maalale loosootto; techo geeshshano hattenne maalale Israeeletenna wole gosa mereero loosa diagurootto. Kunninni kainohunni su'mikki gobba baalate egennamino.

HIZIQEELI 20:9

Ikkollana, ledonsa hee'rannohu wole gobba manni afanna Gibitsetenni fushshammonsara xaaroommo daafiranna su'mi'ya arrassamara hasi'roommokkihura hatto diassoommo.

DAANIEELI 4:37

«Kuneeti ani Nabukadanatsoori Gordu Mootera galata, ayirrinyenna guwishsha shiqisheemmo; isi assano coyi baalu taaloho; doogosino suwashshote; boo'nitannore baala shollisha dandaanno» yii.

DAANIEELI 5:23

Hakkiinnino sa'e gordu Mootichi aana boo'natenni umokki gotti gotti assootto. Maganu Mininni gurre abbinoonni uduunne abbisiisseenna atinna ayirraddikki, qataanyunnihunna irkote meentikki woyinete xajje agginoonni. Agginihu gedensaanni la"a woy macciishsha dandiitannokkirenna mittoreno assite affannokkire culkunni, birrunni, camotenni, siwiilunni, haqqetenninna kinchunni seekkinoonni maganna galaxxitinoonni. Shaahera woy gatisahera dandaannohanna assattore baala afannoha Heeshshote Magano kayinni diayirrisootto.

DAANIEELI 9:15

«Mooticha Maganonke! Kunni albaanni mannakki jawaata cigilekkinni Gibitsetenni fushshite su'makki techo geeshsha lowo mannira egennamanno gede assootto. Ninke kayinni cubbaataammanna sao assineemmore ikkinoommo.

SOQQAMAASINETE LOOSO 7:36

Gibitsetenna Duumu Baari aana dhaggenna maalale leellishanni Gibitsetenni fushshe shoyilloo diro massaginonsahu isooti.

ROOMU SOKKA 9:17

Kunnira Qullaawu Maxaafi giddo Feriooni daafira, «Ani ate kayisoommohu, (wolqa'ya ate aana leellishateetinna su'mi'ya gobba baalate ayirranno gede assateeti» yine borreessinoonni.)

MARRO 4:34

Magano'ne Kaaliiqa ille'nenni la'inanni Gibitsete assinonte gede jifatenni, maalalete malaattanninna dhaggetenni, gaarunni, jawaata anganninna wolqaataame cigilenni woy jawunna waajjishanno loosinni wole gosa mereero mitte gosa umisita assi'rara dandiinohu wolu Magani nooni?

MARRO 7:19

Ille'nenni la'inoonninte gede lowo geeshsha waajjishanno qoomaminninna dhaggete malaatinni Magani'ne Kaaliiqi jawaata anganninna wolqaataame cigilenni fushshino'ne. Magani'ne Kaaliiqi tenne dagano hatto asse hunanno.

UMI PHEEXIROOSI 5:5

Ki'ne wedelluno, cimeeyyete hajajamme. Baalunku joongille uddanote gede uddidhine mimmitoho soqqamme. «Maganu boonaleeyye giwanno; jooguulleho kayinni elto aanno» yine borreessinoonni.