NEHIMIYA 9:1 - Qullaawa Maxaafa

¹ Hakko aganiranni lemiina shoolki barra Israeelete manni mittowa gamba yii. Cubbinsara gaabbansanna dadillansa egensiisate xiddu uddano uddidhe, uminsa aana buko giggishshidhe itanna aga agurte qatuntu.

NEHIMIYA 9:1 ပူးပေါင်းရင်းမြစ်များ

LAYINKI SAAMUEELI 1:2

Sayikki barra mittu wedellichi olu qachi Saaoolihunni kae dayi. Isino dadillesi leellishara uddanosi dare umisi aana buko giggishshi're no. Daawitiwa shiqe ayirrinyunni umo heeshshi yee keere haa'ri.

LAYINKI DUDUWO 20:3

Iyosaafiixino lowo geeshsha waajjino daafira yaannosire afate Kaaliiqa huucci'rate hedi. Mannuno ita aga agure Kaaliiqa huuccanno gede Yihuda baalaho lallawi.

LAYINKI DUDUWO 7:10

Lamalki aganira lemiina sayikki barra Selemooni manna qae qaesi ha'ranno gede assi. Mannuno Kaaliiqi Israeelete, Daawitiranna Selemoonira assinohura danchu coyi baalunku daafira hagiidhanni ha'ri.

IZIRA 8:21

Ninkenna oosonke, hattono jajjanke baala agarannonke gedenna ha'neemmo doogo keere assannonke gede, Ahawa Wayi mule Maganinke albaanni umonke shollinshe itanna aga agurre huucci'neemmo gede lallawummo.

IZIRA 8:23

Kunni daafira, ita aga agurre agarannonke gede Maganonke huucci'noommo. Isino huuccattonke macciishshinonke.

NEHIMIYA 8:2

Kunnira hakko barranni, Izira wodancha dandaanno manni meya labbaahu, aju akkali gatikkinni wo'munku gamba yee noowa Seeru Maxaafa haa're abbi.

ASTEERI 4:16

«Hadhe Suusa Katamira noo Ayihude mittowa gamba assiteenna, ita aga agurtine ane daafira huucce; sase barranna sase hashsha mittoreno afooho wodhitinoonte. Aninna soqqamannoe meentino kunni garinni keeshshineemmo. Hakkunni gedensaanni seerunni hoolloonniha ikkiro nafa mootenniwa e"eemma. Togo asse reyummarono reyo» yite sokku.

ASTEERI 4:3

Mootete lallawu iillino gobba baalate heedhanno Ayihudooti raarte wi'litu; itanna aga agurte raarte wi'litu. Lowo mannino xiddu uddano uddi're buluulu aana ofolli.

IYYOOBI 2:12

Fafowa heedhe la'anno woyite, isimma badate didandiitino. Qoonqonsano naggi assite wi'litu; mittu mittunku dadillunni uddanonsa dartu; uminsa iimira qolte buko fincidhu.

ISAYAASI 22:12

Hatte yannara Olantote Mootichi Kaaliiqi, umo meexxitinanni gedenna, xiddu uddano uddidhine wi'litinanni gede woshshino'ne.

IYUEELI 2:12

Kaaliiqi coyi'ranni, «Xa nafa co'o yiino wodaninni, ita aga agurtine, wi'litinanninna raartinanni anewa higge!

LEEWAAWOOTA 23:34

«Israeeloota, ‹Lamalki agani eihunni tonaa ontikki barra, Kaaliiqihu Daasu Ayyaani hanafame, 7 barri geeshsha keeshshanno.

LEEWAAWOOTA 23:39

«‹Baatto'ne laalcho gamba assidhinihu gedensaanni, lamalki aganira tonaa ontikki barrinni kayissine, 7 barra ane ayyaana ayirrisse; umihanna settikkiha addi barra fooliishshonniha assidhe.

IYYAASU 7:6

Iyyaasunna Israeelete albisooti dadillinsa batinyinni kainohunni, imaanansa dartu. Kaaliiqihu Gondooru Taabooti albaanni, hashsha geeshsha diriirte ubbinowa keeshshitu. Dadillensa leellishshara, uminsa aana buko giggishshidhu.

YOHAANNIS AJUUJA 11:3

Lamunku farci'raasine'ya xiddu uddano uddidhe, 1,260 barra sokka'ya kultanno gede soyemmo» yinie.

EJJEETTO 20:26

Israeelete manni baalunku Beeteli mare, Kaaliiqi albaanni ita aga agure wi'lanni hawarra geeshsha keeshshi. Hakkunni gedensaanni, mittimmannitanna shilqote kakkalo Kaaliiqira shiqishi.

UMI SAAMUEELI 4:12

Hakko barra mittu Biiniyaamichi olu xawinni buuwanni Seelora kae dayi. Isino dadillesi leellishate uddanosi dare, umisira buko giggishshi're no.

UMI SAAMUEELI 7:6

Israeeleno Mitsipha gamba yite, waa hinkiilte Kaaliiqi albaanni duntu. Hakko barranni ita aga agurte, «Ninke Kaaliiqi aana sao assinoommo» yite aagintaabbu. Saamueelino hakkiicho Mitsipha Israeelete mannira coye afanni hee'ri.