NEHIMIYA 8:9 - Qullaawa Maxaafa

⁹ Mannuno seera nabbambanna macciishshe wi'li. Kunnira, gobba gashshinohu Nehimiya seeru rosiisaanchi qeesichu Izira, Seeru Maxaafi tiro xawissanno Leewaawooti ledo mannaho, «Kuni barri Magani'ne Kaaliiqira Qullaawa barraati. Kunnira, dadillanna wi'la dihasiissanno'ne» yitu.

NEHIMIYA 8:9 ပူးပေါင်းရင်းမြစ်များ

LAYINKI MOOTOOLLA 22:11

Moote Seeru Maxaafa nabbawanna macciishshe masillunni uddanosi dari.

LAYINKI MOOTOOLLA 22:19

Yerusaalamenna giddose noo manna qorichishe rumonnihanna bararraanqanniha asseemmota macciishshitto yannara, umokki shollishshe dadillunni uddanokki darte wi'litanni aagintaawootto. Anino huuccattokki macciishshoommo.

LAYINKI DUDUWO 15:3

Israeelete manni lowo yanna halaalaancho Magano agure, seerunna rosiisanno qeesichi nookkiha hee'rino.

LAYINKI DUDUWO 30:22

Hiziqiyaasino Kaaliiqa magansi'rate coye baala danchu garinni qineessitino daafira Leewaawoota galatinsa. Akaakkansa Magano Kaaliiqa ayirrisatenni 7 barra mittimmate kakkalo shiqishshe uyinoonninsa beehachi aaninni ji'lituhu gedensaanni,

LAYINKI DUDUWO 34:19

Moote Seeru Maxaafa nabbawanna macciishshe, dadillunni uddanosi dari.

LAYINKI DUDUWO 34:21

«Martine ane daafira, Israeeletenna Yihudaho gatino manni daafira Kaaliiqa xa'me. Kunni maxaafi giddo noo coyeno seekkitine buuxxe. Akaakkanke Kaaliiqira hajajama gibbino daafiranna kunni maxaafi giddo kulloonni coyeno wonsha hoogginohura Kaaliiqi hanqinonke» yiinsa.

LAYINKI DUDUWO 35:3

Umonsa Kaaliiqira uyitinorira Israeele baalate rosiisaano ikkitino Leewaawootira, «Qullaawa Gondooru Taaboota Daawiti beetti Selemooni minsiisino Mine worre. Kunni ka'a ki'ne Magani'ne Kaaliiqiranna mannisira Israeelete soqqama agurranna Taaboota dukkine basetenni base sa"a dihasiissanno'ne.

IZIRA 2:63

Gobbate gashshaanchino, Uriiminninna Tumiiminni qeese ikkansanna hoogansa Magano xa'me afanno qeesicha anfa geeshsha, qullaawa sagale ittannokki gede hajajinsa.

IZIRA 7:11

Kaaliiqi Israeelete uyino seeranna hajajo seekke egenninohura, qeesichahonna rosiisaanchoho Izirara moote Arxekisiisi uyinoti borrote sokka affino,

NEHIMIYA 10:1

Farrantinori: Gashshe noohu Hakaaliya beetti Nehimiyanna, isinni aane Sedeqiyaasiiti.

NEHIMIYA 12:26

Konne manna worroonnihuno, Iyotsedeqi beetti beetti Iyyaasu ilinohu Yoyaaqiimi, gobba gashshinohu Nehimiyanna, seeru fullaha ikkinohu qeesichu Izira noo yannaraati.

NEHIMIYA 7:65

Kunnira, Ayihudete gashshaanchi Uriiminninna Tumiiminni la"anno qeesichi, qeesoota ikkansa buuxa geeshsha Maganoho fushshaate assine shiqinshoonni gide ittannokki gede hajaji.

NEHIMIYA 7:70

Qullaawa Mine galagalchine minate lowo manni kaa'lino. Insa giddonni: Gobba gashshinohu: 8 kiilo keenanno culka, 50 gawatta, 530 qeesootu uddanna uyi. Gosate hajajaanono: 168 kiilo keenanno culka, 1,250 kiilo keenanno birra uyitu. Wolu mannino: 168 kiilo keenanno culka, 140 kiilo keenanno birranna 67 qeesootu uddanna uyino.

NEHIMIYA 8:2

Kunnira hakko barranni, Izira wodancha dandaanno manni meya labbaahu, aju akkali gatikkinni wo'munku gamba yee noowa Seeru Maxaafa haa're abbi.

ROSIISAANCHO 3:4

Dadillate yanna no; hagiidhate yanna no. Wi'late yanna no; sirbate yanna no.

ISAYAASI 61:3

Tsiyooni wi'litanni noorira, buluulu darga seesu ba'latto worammonsara, hindiiddote darga hagiirru zayite, umoho dunammonsara, dadillu darga galata tuulachishammora soyinoe. Kuri ayirrinyesi xawissanno gede Kaaliiqi kaasinoreeti; insa, Keeraanchimmate Haqqeeti yinanninsa.

HOOSEI 4:6

Manni'ya egenno hooge baino; ki'neno ane habbinoonnie daafira, anino qeesoota ikkitine soqqantinaera dihasi'reemmo'ne. Hajajo'ya shotissinoonninna habbinoonni daafira anino ooso'ne haweemmo.

LEEWAAWOOTA 23:24

«Israeeloota, ‹Lamalki aganira umi barri addiha fooliishshote barra ikko'ne; hakko barri buudu xurumbinni ayirrinsanni ayyaana qullaawa ikko'ne.

MILKIYAASI 2:13

Ki'ne assitinannihu wolu coyino no. Kaaliiqi kakkalo'ne adhannokki daafira wi'litinanni kakkalote darga hindiiddo lolaassinanni.

ROOMU SOKKA 3:20

Seeru mannu baalu cubbaataamo ikkinota leellishanno daafira, Maganu albaanni Muse Seera agadhatenni keeraawannohu dino.

ROOMU SOKKA 7:9

Alba ani Seera afummokkinni heeshsho afi're hee'roommo. Seeru hajajo afummo yannara kayinni cubbu wolqa afi'rino; anino reyommo.

MARRO 12:12

Hakkiicho ki'ne, ooso'ne, soqqamaano'ne, hattono katamma'nera heedhannori uminsa baatto afidhinokki Leewaawooti ledo mitteenni hagiidhe.

MARRO 12:7

Hakkiicho Magani'ne Kaaliiqi albaanni ittinanni hagiidhitinanni. Magani'ne Kaaliiqi assidhinoonnihu baalunkunni maassi'ranno'ne daafira, ki'nenna mini'ne manni baalunku hagiidhitinanni.

MARRO 16:11

Ki'ne, ooso'nenna, soqqamaano'ne, katamma'nera heedhanno Leewaawootinna giddo'ne hee'rannohu manni gobba manni, annunna ama noonsakki oosonna gunnootu Magani'ne Kaaliiqi magansi'nasira doodhanno darga martine Magani'ne Kaaliiqi albaanni mitteenni hagiidhe.

MARRO 26:14

Wi'late aana hee'ne, ate Kaaliiqira bandoommori aaninni mittoreno di"intoommo. Keeraa'minoommokki yannarano kunni aaninni adhinoommori woy reyino mannira uyinoommori mitturino dino. Ate Maganinke Kaaliiqira hajajammoommo; hajajokki baalanta wonshinoommo.

YAIQOOBI 4:9

Yaadde, dadille, wi'le; osoli'ne wi'late, hagiirri'ne dadillu widira soorramo.