NEHIMIYA 8:3 - Qullaawa Maxaafa

³ Hakko xawira Izira huxxu waalchi mule uurre soodinni barri geeshsha Seeru Maxaafa naggi yitino qoonqonni nabbawi. Mannu baalunku lowo geeshsha diinaggaawe macciishshi.

NEHIMIYA 8:3 ပူးပေါင်းရင်းမြစ်များ

NEHIMIYA 10:29

gashshaano roduuwinke ledo sumuu yine, Maganu borojjichisi Musera uyino hajajo garinni hee'rate, ‹Kaaliiqi seeranna woga wonsha hoongummoro, qorichunna rumo iillitonke› yine xaarro.

NEHIMIYA 13:1

Hakko barra Seerunniha Muse Maxaafa mannaho nabbambanna, «Moaabootunna Amoonootu Maganu manni ledo hegerera dixaaddanno» yaanno darga anfi.

NEHIMIYA 8:1

Israeelete manni lamalki aganira katammansara darga amada gudi. Hakko aganira umi barra Yerusaalamete Wayi Waalcho yinanni xawira mannu baalunku mitteenni gamba yii. Hakkunni gedensaanni Maganu Muse widoonni Israeelete mannira uyino seera amadino maxaafa abbannonsa gede qeesichu Izirara kultu.

NEHIMIYA 8:18

Ayyaana ayirrisa hananfinkunni kayise gundi barri geeshsha, Izira barru baala Maganu seeri maxaafinni mitto mitto gafa nabbawinsa. Ayyaanano 7 barra ayirrissu. Settikki barra seeru yaanno garinni magansi'rate gamba yitu.

NEHIMIYA 8:4

Izira tenne hajora yine haqqunni seekkinoonni tullichi aana fule uurri. Isi ledo qiniitesiinni uurrino manni Matiitiya, Shemai, Anaya, Ooriyo, Hiliqiyanna Maiseya ikkitanna, gurasiinni uurritinori qolte Pedaya, Mishaeeli, Malkiya, Hashuumi, Hashibadana, Zakkaariyaasiitinna Meshulaamiiti.

NEHIMIYA 8:5

Izira mannuwiinni luphi yitino tullo aana uurri yannara, wo'munku buuxe iso lai. Seeru Maxaafa fanita, mannu baalunku ofollinowiinni kae uurri.

MAARQOOSI 12:37

Daawiti umisi, ‹Mooticha› yee woshshannosi. Kiristoosi, hiitto ikke isi beetto ikkannoyya?» yee xa'mi. Lowo manni Yesuusi yaannore hagiirrunni macciishshi.

LUQAASI 19:48

Mannu baalu Isi coyi'rannore macciishshate roorae noo daafira, mittoreno assa didandiitino.

LUQAASI 8:18

«Kunnira qaale ma garinni macciishshitinanniro seekkitine wodanche; noosihura lendanni; noosikkihu aaninni kayinni noosinkanni haa'ne hoollanni» yii.

SOQQAMAASINETE LOOSO 13:15

Seerunna himanaanote maxaaffa nabbambihu gedensaanni xaadu mini roorrooti, «Roduuwa, jawaachishshanno seejjo noo'nero, mannaho kulle!» yite Phaawuloosiuuwa manna sokku.

SOQQAMAASINETE LOOSO 13:27

Yerusaalamete manninna gashshaanonsa kayinni Yesuusi gatisaancho ikkinota diaffino. Fooliishshote Barra nabbambannita himanaanote maxaaffa wodanchitinokkihura, isi aana yoo yaansanni himanu wo'manno gede assitino.

SOQQAMAASINETE LOOSO 15:21

Muse Seeri, bi're hundinni kayise katamma baalate noo minna xaadunnitera Fooliishshote Barra tuqa kullanna keeshshino» yaannoho.

SOQQAMAASINETE LOOSO 16:14

Macciishshanni noo meenti giddo Liidiya yinanniti Tiyaxirooni Katamira duume uddano daddaltanno mancho no. Ise Magano magansidhannote. Maganu wodanase faneenna Phaawuloosi coyi'ranno coye macciishshitu.

SOQQAMAASINETE LOOSO 17:11

Beeriyaho noo Ayihudooti Teselonqe noorinni roore wodana hala'ladda ikkitinohura, qaale hagiirrunni adhitu. Kulloonninsa qaali halaale ikkinota buuxidhara yite, barru barrunkunni qullaawa borro seekkite la'u.

SOQQAMAASINETE LOOSO 20:11

Phaawuloosi galagale minu aana minnoonni minira fule, ammanaasinete ledo sagale iti. Hashsha mannu ledo hasaawanni gale soodo ha'ri.

SOQQAMAASINETE LOOSO 20:7

Lamalate umi barra sagale intammora gamba yinummo. Phaawuloosi soodo ha'ranno daafira, gamba yiino mannira qaale kulanni hashshu taaloote iilli.

SOQQAMAASINETE LOOSO 28:23

Xaaddanno barra amaxxite hadhe, kiirono lexxite isi noowa ka'e daggu. Isino soodinni hawarro geeshsha Maganu gashshootire farci'ranni hedosi xawise kulinsa. Insa ammanchiishate Muse Seerinna himanaanote borro giddo noo coye kulanni Yesuusire egensiisinsa.

MARRO 31:9

Museno konne Seera borreesse, Kaaliiqiha Gondooru Taaboota dukkannorira Leewaawootu qeesootiranna Israeelete manni geerri baalunkura uyi.

UMI TESELONQE 2:13

Ki'ne daafira agurrummokkinni Magano galanteemmohu wolu coyino noonke. Hakkuno, ki'ne ammantinoonniri giddo loosannoha Maganu qaale kullummo'ne yannara, mannu qaali gede assitine ikkikkinni, Maganu qaali gede assitine adhitinoonni. Addanko loosannohu Maganu qaaleeti.

IYYAASU 8:35

Meentu, qaaqquullunna giddonsa heedhannori manni gobba manni noowa Israeelete songora Iyyaasu Muse hajajino qaali mittuno gatikkinni nabbawi.

YOHAANNIS AJUUJA 2:29

Qullaawu Ayyaani beetekiristaanete yaannore macca noohu macciishsho› yiino» yite borreessite soyi.

YOHAANNIS AJUUJA 3:22

« ‹Qullaawu Ayyaani beetekiristaannate yaannore macca noohu macciishsho› yiino» yite borreessite soyi.