NEHIMIYA 7:3 - Qullaawa Maxaafa

³ Anino, «Soodo arrishsho iibbita geeshsha Yerusaalamete huxxi waalchuwa fantinoonte. Hawarro arrishsho e'anno woyite agartannori hadhukkinni huxxu waalchuwa cufantanno gedenna seekkine waawansinanni gede sokka soommo. Hattono insa uminsa Yerusaalamete hee'ranno manni giddonni agaraano doorte wortanno gede, wolootuno qolte minnansa mule heedhe agartanno gede asse» yee seekke kuloommonsa.

NEHIMIYA 7:3 ပူးပေါင်းရင်းမြစ်များ

NEHIMIYA 13:19

Hakkunni gedensaanni, Fooliishshote Barri eara albaanni leeshshi yee hee'reenna, Yerusaalamete waalchuwa cufantanno gede, Fooliishshote Barri sa"a geeshsha fa'nantannokki gedenna mittoreno haa'ne Yerusaalame abbinannikki gede agaranno manna worummo.

NEHIMIYA 3:23

Insanni aanchite, Biiniyaaminna Hashuubi mininsara albaanni noo gafa huxxitu. Anaaniyara beettu beetto ikkinohu Maiseya beetti Azaariya umisi mini mule noo gafa huxxi.

NEHIMIYA 7:2

Anino Yerusaalamete Katama gashshitannore 2 manna doorummo. Insano ane rodii Hanaaniitinna qiishote roorricha ikkinohu Hanaaniyaati. Hanaaniya halaalaanchohonna Magano waajjate taalamannosihu nookki manchooti.

NEHIMIYA 7:4

Yerusaalame hala'lado katamaati. Giddo hee'ranno manni kiiro kayinni shiimate; lowo minnano diminantino.

FAARSO 127:1

Kaaliiqi mine mina hoogiro, mi'nitannori beebba daafurtanno; Kaaliiqi katama agara hoogiro, agaraasine beebba daafurtanno.

FAARSO 147:13

Isi waalchuwakki kaajjishe agaranno; giddokki nooha mannakkino maassi'ranno.

MAATEWOOSI 10:16

Yesuusi, «Kuneeti ani ge'reewu gede hiyyeeyyete giddora soyemmo'ne. Kunni daafira hamashshu gede busuloota, lembooli gede joogaadda ikke.