NEHIMIYA 7:2 - Qullaawa Maxaafa

² Anino Yerusaalamete Katama gashshitannore 2 manna doorummo. Insano ane rodii Hanaaniitinna qiishote roorricha ikkinohu Hanaaniyaati. Hanaaniya halaalaanchohonna Magano waajjate taalamannosihu nookki manchooti.

NEHIMIYA 7:2 ပူးပေါင်းရင်းမြစ်များ

KALAQAMA 42:18

Sayikki barra Yooseefi, «Ani Magano waajjeemmohona, gattinanni gede ani yeemmo'neta asse.

LAYINKI SAAMUEELI 23:3

Israeelete Magani coyi'rinoe; Israeelete goli anera, «Ane Magano waajjatenni taashshe gashshanno moote,

UMI MOOTOOLLA 18:12

Ani kawiichinni ka"anni hee'reennanni ate Maganu Ayyaani anfannikkiwa haa're ha'rihero ani hiikka higeemmo? Akiaabira konniicho noottota kuleenna daye ate hooganno woyite ane shaannoe. Ani anje'yanni kayise Kaaliiqa waajjeemmoha ikkoommota ati egennootto.

UMI MOOTOOLLA 18:3

Moote Akiaabino mootete mini roorricha Abidiyu woshshi. (Abidiyu Kaaliiqa lowo geeshsha waajjanno manchooti.

NEHIMIYA 1:2

Roduuwi'ya giddonni mittichu Hanaani yinannihu wole manna hoodete adhe Yihudunni kae anewa dayi. Ani qole Yerusaalamenna Baabilooni gobbanni qafadotenni higgino Ayihudooti noo gara xa'moommo.

NEHIMIYA 13:13

Uduunnu minira qeesicha Shelemiya, seeru rosiisaancho Saadooqinna Leewaawicha Pedaya woroommo. Maataaniya beetti beetti Zakuuri ilinohu Hanaani kaa'laanchonsaati. Insano loosu miillansara hasiisannore beehate ammanantinoreeti.

NEHIMIYA 2:8

Hattono Asaafi yinannihu, mootete dubbo agarannohu, Qullaawu Mini huxxi waalchira katamu huxxiranna ani galeemmo minira ikkitanno haqqe kadhate borrote sokka uyinannie gedeno xa'mi'rummo. Dancha Maganu anga ledo'ya noo daafira, moote xa'mi'roommore baala uyie.

NEHIMIYA 5:15

Anera albaanni manna gashshara worroonnihu baalu, mannu aana lowo duha ikke barru baala sagaletenna agattote ikkannoha shoyilloo birra baatisiisino. Gashshaanote soqqamaano nafa manna gadadissino. Ani kayinni, Magano waajjeemmo daafira kunni duuchunku coyinni dikarsamoommo.

NEHIMIYA 7:3

Anino, «Soodo arrishsho iibbita geeshsha Yerusaalamete huxxi waalchuwa fantinoonte. Hawarro arrishsho e'anno woyite agartannori hadhukkinni huxxu waalchuwa cufantanno gedenna seekkine waawansinanni gede sokka soommo. Hattono insa uminsa Yerusaalamete hee'ranno manni giddonni agaraano doorte wortanno gede, wolootuno qolte minnansa mule heedhe agartanno gede asse» yee seekke kuloommonsa.

IYYOOBI 1:1

Uutsi yinanni gobbara mittu Iyyoobi yinanni manchi no. Iyyoobi bunshetewiinni fafe Magano waajjannohonna sao nookki keeraanchooti.

FAARSO 101:6

Maganoho ammanantinori ane ledo heedhanno gede, ille'ya insa widira la'anno; anera wodana subbinori soqqantannoe.

FULO 18:21

Qolteno, mannu giddonni egenno afidhinore, Magano waajjitannore, addaxxinannirenna hanaaqo gibbannore doori; insa giddonnino 1,000 roorricha, 100 roorricha, 50 roorrichanna 10 roorricha assite wori.

DAANIEELI 6:4

Hakkunni gedensaanni ledosirinna wole gashshaano Daanieelinna isi loosanno loosi gashshootunnihu aana xe'o hasse su'ma huntasira heddu. Ikkollana Daanieeli lowo geeshsha qorophannohanna ammanaminoha ikkinohura, mitte so'ro woy sao aanasi affara didandiitino.

KIIRO 12:7

Borojjichi'ya Muse kayinni, hattooha di"ikkino; baalunku coyira ammanaminoho.

MAATEWOOSI 24:45

Yesuusi lede, «Minisi mannira sagale yannatenni aannohu, Mootichu minisira doodhinohu ammanaminohunna egennaamu soqqamaanchi ayeti?

MAATEWOOSI 25:21

Mootichisino, ‹Dancha assootto! Ati ammanamoottohonna dancha soqqamaanchooti. Shiimurira ammanamoottona, loworira shoomeemmohe. Amo Mootichikki hagiirre gutami!› yiisi.

UMI QORONTOOSI 4:2

Hatto ikkiro, Maganu Mini soqqanshora hendoonniri ammanantinore ikka hasiisannonsa.

LAYINKI XIMOOTEWOOSI 2:2

Lowo naqaashshe albaanni ani rosiisoommohere woloota rosiisa dandiitannoriranna ammanantinorira eeggo uyi.