NEHIMIYA 7:1 - Qullaawa Maxaafa

¹ Kuneeti kinchu huxxi huxxame goofi. Huxxu cufanna baala darga dargansa qansi. Roorrootuno looso beekke, Qullaawa Mine agartannorira, faarsaanote gaamoranna wolootu Leewaawootira uyitu.

NEHIMIYA 7:1 ပူးပေါင်းရင်းမြစ်များ

LAYINKI MOOTOOLLA 7:10

Kunnira ka'e Samaariya marte katamu waalcho agartannore woshshite, «Ninke Sooriyu qacha marroommo; marreemmo woyite usuramino faradonna harre agurranna mittuno noohu dino; mitte huurono dimacciishshinoommo; dukkannano uurritinowa no» yite kultunsa.

LAYINKI DUDUWO 31:2

Hiziqiyaasi qeesootanna Leewaawoota umi uminsa looso loossanno gede gaamo gaamo asse wori. Gamisu shilqonnitanna mittimmate kakkalo shiqishshanno; gamisu qolte Qullaawa Mine soqqantanno gede assinoonni. Gattinori qolte Qullaawu Mini waalchuwara Magano guwissanni galattanno.

IZIRA 3:8

Kaaliiqi Mini noowa Yerusaalame iillituhunni layinki diro layinki aganira, Selaatiyaali beetti Zerubaabeelinna Iyotsedeqi beetti Iyyaasu hattono gattinori roduuwinsa qeesootu, Leewaawootu, qafadotewiinni Yerusaalame higginori baalu mine mintu. Lemuu dirirenna hakkuyi ali Leewaawoota Maganu Mini looso towattanno gede worri.

NEHIMIYA 10:39

Israeelete manninna Leewaawootu gide, haaro woyinete xajjenna ejersu zayitenni shiqinshoonni fushshaate haadhe, bado iillitinonsa qeesooti, agaraasinenna faarsaano heedhannowa Qullaawu Mini uduunni noowa eessite wortanno. «Maganinke Mini hajano lashshi assine diagurreemmo» yite xaartinoho.

NEHIMIYA 11:3

Yihudunna Biiniyaami ga're manni Yerusaalamete teesita, gatinohu Israeelete manni, qeesootu, Leewaawootu, Qullaawu Mini soqqamaanonna Selemooni soqqamaano ilama ikkitinori uminsa jajja amaxxite katammansara gattino. Yihudu ga're giddonni Yerusaalamete teessinori: Mittu Atayaati. Ataya Akaakka: Uuziyaati, Zakkaariyaasiiti, Amaariyaati, Shefaaxiyaati, Melaalieeliiti; Melaalieeli qole Faareesi ilamaati.

NEHIMIYA 12:24

Hashaabiya, Sherebiya, Iyyaasu, Biinuyinna Qadimieeli Leewaawoota gaamo gaamo assite baddu. Lame lame gaamo, Maganu manchi Daawiti hajajino garinni mimmitoho haadhanni galatu faarsonni Magano galattannoreeti.

NEHIMIYA 6:1

Sanbalaaxi, Xobbiya, Arabichu Geesaaminna wole diinnanke huxxa huxxine gudankenna huxxamikkinni gatinohu fanu dargi nookkita macciishshitu. Ikkollana huxxu waalchuwara cufanna diuurrinsoommo.

NEHIMIYA 6:15

Huxxu baalunku 52 barri gedensaanni, Eluuli yinanni agani eihunni lemiina ontikki barra goofi.

NEHIMIYA 6:19

Mannu Xobbiya assinoha dancha coye anera kulinoe. Ani yeemmore baalankano isira kultinosi. Isino ane waajjishiishate borrote sokka soya diagurino.