NEHIMIYA 6:7 - Qullaawa Maxaafa

⁷ Yihudu moote ikkakki Yerusaalamete lallabbanno gede himanaano dooroottota Geesaami lede kulinoe. Konne duduwono mootoollate moote macciishshikkinni digatanno. Kunnira, tenne haja atinna ani xaande hasaamboommoro woyyate» yitannote.

NEHIMIYA 6:7 ပူးပေါင်းရင်းမြစ်များ

UMI MOOTOOLLA 1:18

Ikkollana kune ati afittokkinni Adooniyaasi moohino.

UMI MOOTOOLLA 1:25

Kune techo Adooniyaasi lowo woraamma, harditino wodhanna ge'reewo gorre kakkalino. Jilahono oosokki, olantokki roorrootanna qeesicha Abiyaataari woshshino. Xa kune ittanninna agganni, ‹Moote Adooniyaasi seeda diro hee'ro!› yite weeddissanni no.

UMI MOOTOOLLA 1:34

Hakkunni gedensaanni qeesichu Saadooqinna himanaanchu Naataani buurte Israeelete moote assitosina. Buudu xurumbano ufuuffine naggi yitino qoonqonni, ‹Moote Selemooni seeda diro hee'ri!› yiiyye.

UMI MOOTOOLLA 1:7

Konne coyeno Tseruya beetti Iyoaabinna qeesichu Abiyaataari ledo ma'lino. Insano hedosi garaho yite kaa'litusi.

NEHIMIYA 6:6

«Atinna fiixakki ikkitino Ayihudooti kinchu huxxa huxxitinannihu gibbo kayisate ikkinota, ollaanke ikkino manni hasaawinota Geesaami kulinonke. Kunni aanano ati umokki moohisate hedakinna,

NEHIMIYA 6:8

Anino, «Kuni yaatto coyi baalu dihalaaleho; atilla yootto ikkinnina dinooreeti» yee dawaroommosi.

SOQQAMAASINETE LOOSO 23:15

Kunnira ki'ne songote ledo amaalantine ‹Iso seekkine qorreemmo coyi no› yitine lawissine, haa'ne abbinanni gede olantote hajajaancho xa'me! Hakka woyite isi kawiira iillikkinni, doogo agarre shineemmona» yitu.