NEHIMIYA 6:14 - Qullaawa Maxaafa

¹⁴ Anino, «Magano'ya ballo, Xobbiyanna Sanbalaaxi assitinore baala qaagge, insa qorichishi. Noaadiya yinanniti meya himanaanchonna wolootu kaphu himanaano ane waajjishiishshara assitinore baala habbooti» yee huucci'roommo.

NEHIMIYA 6:14 ပူးပေါင်းရင်းမြစ်များ

NEHIMIYA 13:29

Magano'ya qeesinatinsaha, qeesootunnihanna Leewaawootu gondooro batteessitinore habbooti.

NEHIMIYA 5:19

Magano'ya ballo, kunni mannira assoommo danchumma baala la'e qaagie.

FAARSO 137:7

Kaaliiqa ballo, Yerusaalame amadantu yannara, Edoomootu assitueta hedi; «Diiggine uullate gannensa!» yitanni cancituta qaagi.

FAARSO 22:1

Magano'ya! Magano'ya! Mayira agurittoe? Anewiinni mayira xeerti'ritto? Raare'ya macciishshite mayira gatisa giwittoe?

FAARSO 63:1

Magano'ya! Ati anera Magano'yaati; ani ate lowo geeshsha sinsinnaawoommo; manninati'ya ate yoranno; waa hoogge buko ikkite mooltino baatto gede lubbo'ya ate goodhanno.

FULO 15:20

Aarooni rodoo himanaancho Maariyaami dibbe haadhe fultuta, wolu meentino dibbe gananninna hechemmo kadanni hoodese fuli.

ERMIYAASI 14:15

Ani soyummokkinni, ‹Gobbankera oluno hudeno diheedhanno› yitanno himanaano, ani Kaaliiqi olunninna hudetenni gooffanno gede asseemmo.

ERMIYAASI 14:18

Xawo fuleemmo woyite reyino manni reeshsha afeemmo; katama e"eemmo woyiteno hude guddanni noo manna laeemmo; himanaanonna qeesootu kayinni ikkinore affannokkiha, loosonsa loosidhanno» yee kuloommonsa.

ERMIYAASI 28:1

Sedeqiyaasi moohihunni shoolki diro ontikki aganira Gebaooni manchi Azuuri beetti Hanaaniya Qullaawu Mini giddo qeesootunna mannu baalu albaanni,

ERMIYAASI 28:10

Hatte yannara Hanaaniya qambara haxo'yanni haa're hiiqqe,

ERMIYAASI 28:15

Anino Hanaaniyara, «Hanaaniya, macciishshi! Ate Kaaliiqi disoyinohe. Konne manna kapho adda assi'ranno gede assitanni nootto.

MAATEWOOSI 24:11

Batinye kaphu himanaano ka'anno; lowo mannano so'risiissanno.

MAATEWOOSI 24:24

Kaphaano kiristoosootinna kaphaano himanaano dagganno. Insa dandiitoommero Maganoho doorantinore nafa so'risiissara lowo dhaggenna maalale leellishshanno.

MAATEWOOSI 7:15

Yesuusi, «Kaphaano himanaanowiinni umo'ne agadhe! Insa ge'reewu lande uddidhe dogganno'ne; giddoyidonsa kayinni bibbiddanno hiyyeeyyeeti.

LAYINKI XIMOOTEWOOSI 3:8

Iyyaaneesinna Iyyaanibereesi Muse qoxxissunte gede, kuni manni wodana soorraminohanna ammana anganni ba'inoha ikkino daafira halaale giwanno.

UMI YOHAANNISI 5:16

Ayino rodiisi reyote iillishannokki cubbo loosanna afiro, huuccatto assosina; cubbisi reyote iillishannoha ikka hoogiro, Maganu heeshsho aannosi. Reyote iillishanno cubbino no; hakkunnira, «Huuccona» diyeemmo.

YOHAANNIS AJUUJA 19:20

Ikkollana moyichu amadami; isi albaanni malaatta loosanni noohu kaphaanchu himanaanchino amadami. Isi moyichu malaati noonsarenna isi misile magansidhanni noore malaatta loosanni so'risiisanni no. Insa lamenka ruqanunnihura giirate baarira lubbotenni heedheennanni tungi.