NEHIMIYA 6:12 - Qullaawa Maxaafa

¹² Konne coye wodani'yanni hede laummo woyite, isi Xobbiyanna Sanbalaaxi woxe uyitinosi daafiralla yaanni nooena, Maganu yiinosire kulanni nooekkita buuxoommo.

NEHIMIYA 6:12 ပူးပေါင်းရင်းမြစ်များ

NEHIMIYA 6:11

Ani kayinni, «Ane gedee manchi xooqe maaxamannoha lawannoheni? Qullaawu Mini giddora e"e lubbo'ya gatisi'rate hasi'reemmoha lawannoheni? Horontanni hatto di"ikkeemmo» yee dawaroommosi.

NEHIMIYA 6:13

Addintanni konne coye assatenni sao assaranna anerano busha duduwo duduwe waajjishiishanni su'ma'ya hunatenni shollishannoe gede woxe uyitinosi.

ISAYAASI 56:11

Insa ite duuwannokki woshshi gedeereeti; wodancha afidhinokki allaalaasineeti. Baalunku faro faronsa hadhanno; mittu mittunku uminsare calla shorritanno.

ERMIYAASI 14:14

Hakkunni gedensaanni Kaaliiqi, «Himanaano ane su'minni kapho coyidhanno. Ani kayinni disoommonsa; mittoreno dicoyi'roommonsa. Himaninsa mullicho haaqeeti. Tidhitinokki masaalootinna uminsa qalooti ikkinnina anewiinni fultinota di"ikkitino.

ERMIYAASI 23:16

Olantote Mootichi Kaaliiqi Yerusaalamete mannira, «Himanaano yitannore macciishshitinoonte. Ikkannokki coye kultanno'ne; kultanno'nerino insa heddinoreeti ikkinnina, ani yoommore di"ikkino.

ERMIYAASI 23:25

Ane su'minni kapho himantannori yitinore afoommo; ‹Haaqii'noommo; haaqii'noommo› yitanno.

ERMIYAASI 28:15

Anino Hanaaniyara, «Hanaaniya, macciishshi! Ate Kaaliiqi disoyinohe. Konne manna kapho adda assi'ranno gede assitanni nootto.

HIZIQEELI 13:19

Hoowu hayixiranna shiimu timira yitine manni'ya albaanni shollishshinoonnie. Reyannokkiha reyanno yitine, reyannoha direyanno yitinanni. Manni'yano yitinannire ammaneenna'ne, kunni garinni shaatenna gatisate wolqa afidhinoonni› yite kulinsa» yii.

HIZIQEELI 13:22

«Ani gawajjammora hedoommokkire dancha manna, kapho coyidhinanni hexxonsa mursiissinanni; bushu manni bunshensa agure lubbotenni hee'rannokki gede assitinanni.

HIZIQEELI 13:7

Anino, ‹La'inanni ajuuja baala dharaho; albillittennire kultinanni himani kaphoho; ani kuloommo'nehu gede assitine himana coyidhinanni. Kayinnilla ani ki'nera coyi'roommori dino› yeemmonsa» yiinoe.

MIKIYAASI 3:11

Katamu mootoollano yoo uyitannohu gubbo itteeti; qeesootinsa jajja uyinikkinni dirosiissanno; himanaanonsano woxiweello himana dicoyidhanno. Kuni duuchu ikke hee'reenna, «Kaaliiqi ninke ledo noo daafira mittu qarrino di"iillannonke» yitanni Kaaliiqa hexxitanno.

SOQQAMAASINETE LOOSO 20:33

Ani mittuwiinnino womaashsha, culkanna imaana yore diegennoommo.

UMI QORONTOOSI 12:10

mitoho maalale loosate wolqa, woleho qole himana, woleho ayyaanna bade afate egenno, mitoho haaru afiinni coyi'rate dandaa, woleho addi addi afiinni coyi'noonni coye tire kulate dandaa aanno.

UMI QORONTOOSI 2:15

Ayyaanaamu manchi baalanka coye Ayyaanunni xiinxalle la"anno. Iso kayinni ayino xiinxalle lae diafanno.

UMI XIMOOTEWOOSI 3:3

dimbannokkiha, yekkeeramannokkiha, anja egemminoha, gibbo giwannoha, woxeho hagaagannokkiha,

TIITO 1:7

Beetekiristaanete sooreessi, Maganu looso eeggo uyinoonnisiha ikkino daafira, minshanniri nookkiha ikka hasiissannosi. Naaxxannokkiha, hanqoho muddamannokkiha, dimbannokkiha, giwamannokkiha, woxeho hafuurannokkiha,

UMI PHEEXIROOSI 5:2

Eeggo uyinoonni'neta Maganu hoshsha allaalle; allaaltinanni woyiteno Maganu hedo garinni baxxine allaalle; woxeho hagaagatenni ikkikkinni, soqqamate noo'ne halchonni ikkona.

LAYINKI PHEEXIROOSI 2:3

Kuri kaphu rosiisaano woxeho hagaagansanni, kalaqqe coyidhanno masalonni woxe'ne guddanno. Lowo yannanni kayisse insara yoo qixxaabbe no; baonsano digattannote.

UMI YOHAANNISI 4:1

Jaalla'ya! Ayyaana baala amma'nitinoonte. Maganu Ayyaanaatironna wolehoro buuxxe. Haammata kaphaasine himanaano ka'e no.

YOHAANNIS AJUUJA 18:13

su'naannoha haqqu omolcho, su'niitanno qimamma, hixaana, kaarbe, su'nare, woyinete xajje, ejedhete zayite, fila bullee, qamade, lalonna ge'reewo, faradonna faradi gaare, borojjenna qafadamino manna hidhannoha diafidhanno.