NEHIMIYA 6:11 - Qullaawa Maxaafa

¹¹ Ani kayinni, «Ane gedee manchi xooqe maaxamannoha lawannoheni? Qullaawu Mini giddora e"e lubbo'ya gatisi'rate hasi'reemmoha lawannoheni? Horontanni hatto di"ikkeemmo» yee dawaroommosi.

NEHIMIYA 6:11 ပူးပေါင်းရင်းမြစ်များ

NEHIMIYA 6:12

Konne coye wodani'yanni hede laummo woyite, isi Xobbiyanna Sanbalaaxi woxe uyitinosi daafiralla yaanni nooena, Maganu yiinosire kulanni nooekkita buuxoommo.

NEHIMIYA 6:3

Anino, «Loosanni noommoha ayirrado looso agure ki'newa daammora didandeemmo» yee soommonsa.

NEHIMIYA 6:9

Kunni garinni looso uurrinseemmo gede assitara waajjishiishshinonke. Kunnira, «Kaaliiqa Magano'ya, eeggatena jawaachishie» yee huucci'roommo.

FAARSO 112:6

Danchu manchira horontanni dixeannosi; wo'manka woyite qaanganna hee'ranno.

FAARSO 112:8

Baarigaarrasi qeelantannota ammanino daafira, diyaadanno; diwaajjanno.

LAWISHSHA 28:1

Bushu manchi shorrinikkinni xooqanno; keeraanchu kayinni doobbiichu gede bashshi assikkinni hee'ranno.

ROSIISAANCHO 10:1

Reyino teenni su'naru buuro boshshanno. Hattonni shiima gowwimma lowo egennonna ayirrinye huntanno.

ISAYAASI 10:18

Biifadu dubbisinna gatisi dhibbu maniisse shaanno manchi gede ikke goofanno.

KIIRO 3:10

Qeesimmate soqqanshora Aarooninna oososi wori; insa agurranna Dukkanunniwa shiqqi yaannohu reyo» yii.

SOQQAMAASINETE LOOSO 20:24

Ani kayinni Mootichu Yesuusi uyinoeha Maganu eltoha Dancha Duduwo kulate looso gudammo geeshsha lubbo'ya nafa dimarareemmo.

SOQQAMAASINETE LOOSO 21:13

Phaawuloosi kayinni, «Wi'litinanni wodana mayira daaqissinannie? Ani Mootichu daafira Yerusaalamete usurama calla ikkikkinni reyote nafa qixxaawe noommo» yiinsa.

SOQQAMAASINETE LOOSO 8:1

Saawuli Isxifaanoosi shaate sumuu yiino. Isxifaanoosi reyi barra, Yerusaalamete noo beetekiristaanera lowo xiiwama iillitu. Soqqamaasine calla agurranna ammanaano baala Yihudunna Samaariyu gobba billaallitu.

FILIPHISIYUSI SOKKA 2:17

Maganoho ammanatenni shiqishshinanni kakkalonna soqqansho gede, ane mundee lexxite du'nantoommero nafa, ki'ne baalunku ledo hagiidheemmo.

FILIPHISIYUSI SOKKA 2:30

Isi, ki'ne mule'ya heedhine kaa'la dandiitinannikki coye assaera yee, Kiristoosi loosi daafira lubbosi mararikkinni reyote geeshsha iille gatino.

IBIRAAWOOTA 11:27

Mootete hanqo waajjikkinni Gibitsete gobba agure fulinohu amma'natenniiti. Illete leellannokki Magano afinohu gede asse hede noowa kaajje hee'ri.

UMI SAAMUEELI 19:5

Filisxeemicha shiinohu nafa umosita mitte assi'reeti. Kaaliiqi isi widoonni qole Israeele baalate bayira qeelle uyino. Atino konne coye affe hagiidhootto. Beebbatenni konne keeraancho shite mayira cubbamatto?» yiisi.