NEHIMIYA 4:2 - Qullaawa Maxaafa

² Jaallasinna Samaariyu gaaddo albaanni, «Kuri dhukiweelootu Ayihude ma"assitara heddino? Katama galagalchite mintara heddinoni? Kakkalo shiqishatenni looso mittu barrinni guddara dandiitannoha lawannonsani? Huxxaho ikkitanno kinna giirante duunantinote giddonni fushshate dandiita ikka?» yaanni qacifatinsa.

NEHIMIYA 4:2 ပူးပေါင်းရင်းမြစ်များ

IZIRA 4:4

Hakkunni gedensaanni, hatte gobbara heedhannori, Yihudu mannira hexxo mursiissanni mineno mintannokki gede waajjishiishshunsa.

NEHIMIYA 12:27

Yerusaalamete huxxa maassi'ni barra, Leewaawootu noo noowiinni xinqisiisante daggu. Insano dagge tsenaatsiletenni, baganunninna maasinqotenni galatu faarso faarsitanni jila iibbishshu.

NEHIMIYA 12:43

Maganu lowo geeshsha tashshi assinonsahura, mannu hagiidhanni lowo kakkalo shiqishi. Meentunna oosono lowo geeshsha hagiidhitu. Ililleetteno Yerusaalametenni faffe macciishshantu.

NEHIMIYA 4:10

Tenne yannara Yihudu manni dadillunni, «Dunkanni loosi daafursinke; hoollanniti diigantino kinna lowote; konne huxxa huxxine guda dandiinammo ikka?» yaanni geewi.

NEHIMIYA 6:15

Huxxu baalunku 52 barri gedensaanni, Eluuli yinanni agani eihunni lemiina ontikki barra goofi.

FAARSO 83:4

Insano, «Israeelennihu su'minsa hawamanno gede, amme! Gashshootensa diingona» yitanno.

ERMIYAASI 26:18

«Morisheeti Katamihu Mikiyaasi Yihudu moote Hiziqiyaasi yannara himanaanchoho. Isino Yihudu manni baalunkura, Olantote Mootichi Kaaliiqi, ‹Tsiyooni loosi'nanni gati gede ikke hawuuramanno; Yerusaalameno diingoonni duuno gede ikkitanno; Qullaawu Mini noo gaarino dubbo ikkanno› yee coyi'rino.

ERMIYAASI 33:24

«Mannu, ‹Kaaliiqi doorinonsare lamenka mine Israeelenna Yihuda agurinonsa; gosate gede dikiirrannireeti› yee manna'ya mishinota diafootto?

DAANIEELI 9:25

Konne coye wodana assi. Yerusaalame gatamarrara hajajo fultuhunni kayise, Buuraminohu daa geeshsha 7 hige 7 dirinna 7 hige 62 diri sa"anno. Yerusaalameno gatamarranni; doogganna qiishose baala seekkinanni. Ikkollana kuni baalu qarru diro ikkanno.

IMBAAQOOMI 3:2

Kaaliiqa! Assoottoha dhaggete coye baala macciishshe lowo geeshsha waajjoommo; xaano yannankera alba loositto gedee looso ledde loosi; yanna yannantenni egennamanno gede assi; hanqatto yannarano marara agurtooti.

ZAKKAARIYAASI 12:8

Hatte yannara, Kaaliiqi Yerusaalamete heedhannorira go'linanni wonqo ikkannonsa; insa giddonni lowo geeshsha wolqiweeloho yinoonnihu nafa Daawiti gedee jawaata ikkanno. Daawiti sirchi Maganu gede woy Kaaliiqi sokkaasinchi gede ikke albisannonsa.

ZAKKAARIYAASI 4:10

Xa loonsoonniri shiima ikkino daafira mannu dihagiidhino; ikkirono, Zerubaabeeli mina uurrisannokkita affuro hagiidhitanno» yiie. Sokkaasinchuno, «Lamala caabbiyye gobba baala la'annoti Kaaliiqi illeeti» yii.

UMI QORONTOOSI 1:27

Maganu egennaamma saalfachishara yee, tenne gobbara gowwoota labbannore doorino; jawaatoota saalfachishara yee, tenne gobbara wolqiweeloota labbannore doorino.