NEHIMIYA 4:17 - Qullaawa Maxaafa

¹⁷ huxxitannore baala kaa'litunsa. Wole agurranna, dukkannorino mitte anganni loossanni, te'e anganni olu bagado amaxxite gargadhate qixxaabbe no.

NEHIMIYA 4:17 ပူးပေါင်းရင်းမြစ်များ

NEHIMIYA 4:13

Kunnira, manninke mereerinni bise, amaxxonna maxxa amadino manna boosaallu boosaallunkunni gamba asse, loosu goofinokki darga baalaho huxxaho badheenni qiishidhanno gede assoommo.

NEHIMIYA 4:16

Hattenne yannanni kayise, manni'ya giddonni, gamisu huxxa huxxitu. Gattinori kayinni, olu bagado: Amaxxo amaxxite, wonqo wonqidhe, maxxa quxidhe, agartanno gede assoommo. Albisootinkeno mannaho wo'ma kaa'lo uyitanni,

NEHIMIYA 4:18

Mittu mittunku bisesi hallisira qodhe hee're huxxanni no; buudu xurumba ufuufe malaatisannohuno muli'yanni dibaxxino.

FAARSO 149:6

Lamu qari bise anga amadde ilillissanni, Magano naggi yitino qoonqonni galattosi.

FAARSO ROORE FAARSO 3:8

Baalunku bagado amandanni gara egentinoreetinna, olunni fullakkinoreeti. Hashsha dagganno dano gargarate, mittu mittunku bagado qodhitino gedeenni galtanno.

DAANIEELI 9:25

Konne coye wodana assi. Yerusaalame gatamarrara hajajo fultuhunni kayise, Buuraminohu daa geeshsha 7 hige 7 dirinna 7 hige 62 diri sa"anno. Yerusaalameno gatamarranni; doogganna qiishose baala seekkinanni. Ikkollana kuni baalu qarru diro ikkanno.

IYUEELI 2:8

Ku'u ko'onne dixiiwanno; mittu mittunku dirasi amade ha'ranno; diinu bagadi giddoonni higge sa'anno; ittisannonsarino dihee'ranno.

UMI QORONTOOSI 16:13

Baqqi yitinoonnire ikke; ammanatenni uurre; jawaatte; kaajje.

UMI QORONTOOSI 16:9

Gibbannori kiiro haammatturono, jawaata looso loosate doogo fa'nante nooe.

UMI QORONTOOSI 9:12

Wolu ki'newiinni konne coye agadhannoha ikkiro, ninke hiitto ikkine hakkiinni roore adha hoongeemmo? Ninke kayinni Kiristoosihu Danchu Duduwira guficho ikkineemmokki gede qorophine, baalanta cincine sa'noommo ikkinnina, hasiisinonkere mittoreno diadhinoommo.

LAYINKI QORONTOOSI 6:7

halaalaanchu qaalinni, Maganu wolqanni, gura qiniitira ikkannoha keeraanchimmate bagado amaxxatenni;

FILIPHISIYUSI SOKKA 1:28

Gibbanno'nere mittu coyira nafa waajjitinoonte! Wo'manka woyite jawaatte. Hatti insara baote, ki'nera kayinni qeellete malaateeti. Konne assannohuno Maganoho.

LAYINKI XIMOOTEWOOSI 2:3

Atino Kiristoosi Yesuusiha dancha olamaancho ikkite ane ledo qarra adhi.

LAYINKI XIMOOTEWOOSI 4:7

Ola danchu garinni olamoommo; qolchansho'yara goofimarchu geeshsha dodoommo; ammana'yano agadhoommo.