NEHIMIYA 3:3 - Qullaawa Maxaafa

³ Hasina"a boosaalli manni, «Qulxu'mu Waalcho» yinanniwa huxxi. Mokkollono dirte wortu; waalchuwano xaadissu; waalchohono cufana, waawannanna magadaancho seekkitu.

NEHIMIYA 3:3 ပူးပေါင်းရင်းမြစ်များ

LAYINKI DUDUWO 33:14

Hakkunni gedensaanni Minaase Daawiti Katamira soojjaatoonni noohura gobbayidi huxxira hojja iima qole ledi. Kuni huxxi Giyooni Xashshira galchimiidinni kae, aliyyeenni Qulxu'mu Waalchi geeshsha iillanno. Qoleno katamu mule nooha Oofeeli Gaarano giddo amadanno. Minaase lede qiinshoonnitera Yihudu katamma baalate mitto mitto olu hajajaancho worino.

NEHIMIYA 12:39

Hakkiinnino Efireemi Waalcho sa'ne, Yishana Waalchonna Qulxu'mu Waalchi widoonni hinge Hanaanieeli Shae huxxunnita sa'ne Xibbu Huxxi Shaenna Ge'reewu Waalchiwa dangummo. Qullaawu Mini mule noo waalchiwa iilline uurrinummo.

NEHIMIYA 2:8

Hattono Asaafi yinannihu, mootete dubbo agarannohu, Qullaawu Mini huxxi waalchira katamu huxxiranna ani galeemmo minira ikkitanno haqqe kadhate borrote sokka uyinannie gedeno xa'mi'rummo. Dancha Maganu anga ledo'ya noo daafira, moote xa'mi'roommore baala uyie.

NEHIMIYA 3:4

Haqoosira beettisi beetto ikkinohu Ooriyo beetti Meremooti hakkiinni aane noo gafa huxxi. Meshazaabieelira beettisi beetto ikkinohu Berakiya beetti Meshulaami aane noo gafa huxxi. Hakkiinni aane noo gafa Beaana beetti Saadooqi huxxi.

NEHIMIYA 3:6

Faaseha beetti Yoyadai, Besoodiya beetti Meshulaami, Yishana waalcho huxxitu. Mokkollono dirte wortu; waalchuwano xaadissu; cufannateno waawannanna magadaancho seekkitu.

NEHIMIYA 6:1

Sanbalaaxi, Xobbiya, Arabichu Geesaaminna wole diinnanke huxxa huxxine gudankenna huxxamikkinni gatinohu fanu dargi nookkita macciishshitu. Ikkollana huxxu waalchuwara cufanna diuurrinsoommo.

NEHIMIYA 7:1

Kuneeti kinchu huxxi huxxame goofi. Huxxu cufanna baala darga dargansa qansi. Roorrootuno looso beekke, Qullaawa Mine agartannorira, faarsaanote gaamoranna wolootu Leewaawootira uyitu.

FAARSO 147:13

Isi waalchuwakki kaajjishe agaranno; giddokki nooha mannakkino maassi'ranno.

SOFFOONIYAASI 1:10

Qoleno Kaaliiqi, «Hakko barra Yerusaalamete huxxira qulxu'mu waalchi widoonni raare fultanno. Haaru gudumaalirano wi'la shooshshitanno; gaarrate qooxeessino luulo ikkanno.