NEHIMIYA 3:15 - Qullaawa Maxaafa

¹⁵ Mitsipha woradi gashshaanchi Kolihooze beetti Shaluumi Buichote Huxxi Waalcho galagalche huxxi; gafo fukkihu gedensaanni cufanna uurrisi; cufannateno waawannanna magadaancho seekki. Sheelahi Kofame widoonni gashshootu mini gatinni kayise, Daawiti Katama fullanni dirimi geeshsha noo gafa galagalche huxxi.

NEHIMIYA 3:15 ပူးပေါင်းရင်းမြစ်များ

LAYINKI SAAMUEELI 5:9

Daawiti hakkonne katama teesso assi'ri. Isono, «Daawiti Katamaati» yii. Gaaraho Soojjaatoonni minu gammaliwiinni kayise gaaru gaangaawira katama mini.

LAYINKI MOOTOOLLA 25:4

Hakkunni gedensaanni katamu huxxi dhooheenna, Yihudu olanto hashsha fulte ba'u. Baabilooni olanto agarte heedheennanni, lamenka huxxa xaadisanno waalchi widoonni mootete gati muleenni higge Yordaanoosi Lagichi widira higge xooqqu.

LAYINKI DUDUWO 32:30

Kincho kurkure aleenni noohu Giyooni Xashshi galchimaanni hige lolahe Yerusaalame eanno gede assinohuno Hiziqiyaasiiti. Isira assino coyi baalu qiniinosi.

NEHIMIYA 12:37

Wayi buewa dagge, Daawiti katami widira higge huxxu dirima fulte Daawiti mine mootenniha sa'e, soojjaatoonni noohuwa Wayi Waalchiwa martu.

NEHIMIYA 2:14

Hakkiichinnino sae, katamaho soojjaatoonni aliyye ragira, «Buichote Waalcho» yinanniwanna mootete kofamewa maroommo. Kayinnilla, gulufoommo harrichi diigantino kinna aanaanni hige sa"anno faro diafi'rino.

NEHIMIYA 2:17

Xa kayinni insara, «Xaate noo qarra baala la'e. Kuneeti, Yerusaalame diigantino; huxxu waalchuwano giirante gooffino. Kunnira, xa amme ka'ne katamu huxxa huxxine, iillinonke saala hoo'lino!» yoommonsa.

NEHIMIYA 3:12

Aane noo gafano, wolu Yerusaalamete daratu woradi gashshaanchi Haloheshi beetti Shaluumi huxxi; seennisino huxxa kaa'lisi.

NEHIMIYA 3:14

Beetihakaremi woradi gashshaanchi Rekaabi beetti Malkiya ishine tunganni waalcho huxxi. Cufannano seekki; cufannateno waawannanna magadaancho seekki.

NEHIMIYA 3:19

Mitsipha gashshaanchi Iyyaasu beetti Ezeeri olu bagado duunnannihura albaanni nooha huxxu eramme geeshsha nooha baala huxxi.

NEHIMIYA 3:7

Gebaooni gobbahu Melaaxiya, Meronooti gobbahu Yadooni, Gebaooninna Mitsipha manni Galchimi Awuraajji Efiraaxisihu gashshaanchi mini geeshsha noo gafa huxxitu.

NEHIMIYA 3:9

Hakkiinni aane noo gafa, Yerusaalamenniha darate worada gashshinohu Huuri beetti Refaya huxxi.

ROSIISAANCHO 2:6

Lophitanno haqqe dubbo asse kaasoommo. Tenne haqqera hayikkinsanni wayi eelanno kofammano umoommo.

ISAYAASI 8:6

«Tini gosa konne ga'labbicha Selehoomi Waa agurte moote Retsiininna moote Faaquhe hoode hadhino.

ERMIYAASI 40:6

Anino Gedaaliyawa Mitsipha ha'roommo; isiwa mare qafadamikkinni gatino manni ledo hee'roommo.

LUQAASI 13:4

Selihoomihu kinchu huxxi aanaho toe shiihu tonaa settu mannire ma yitinanni? Insa Yerusaalamete hee'ranno manni baalunni roore cubbaataamma ikkitinoha lawanno'neni?

YOHAANNISI 9:7

Hakkiinni, «Cuuammanniwa Selihoomi marte hayishshi'ri!» yiisi. (Selihoomi yaa Sonkoonniho) yaate. Manchuno ha're hayishshi're la"anni higi.

EJJEETTO 20:1

Hakkunni gedensaanni aliyyeenni Daaninni, wodiidoonni Bersaabehinna soojjaatoonni Geleaadi geeshsha noo Israeele baala mitto ikkite Mitsiphara Kaaliiqi albira gamba yitu.

EJJEETTO 20:3

Biiniyaami ga'reno Israeele Mitsipha xaaddinota macciishshitu. Israeeleno, «Kuni bushu coyi isi hiitto ikke ikkinoho?» yite mimmitonsa xa'mitu.