NEHIMIYA 3:1 - Qullaawa Maxaafa

¹ Katamu huxxi galagale huxxaminohu kunnira woroonni kulloonni garinniiti: Qeesootu roorrichi Eeliyaashiibinna ledosi qeesooti, «Ge'reewu Waalcho» yinanni huxxa galagalchite huxxite uyitu. Cufannano seekkitu. Huxxano, «Xibbe» yinanni shae kinchunnitanna, «Hanaanieeli» yinanni shae kinchunnite geeshsha huxxite uyitu.

NEHIMIYA 3:1 ပူးပေါင်းရင်းမြစ်များ

NEHIMIYA 12:10

Yaadua Yoonaataaniho, Yoonaataani Yoyadaiho, Yoyadai Eeliyaashiibiho, Eeliyaashiibi Yayaaqiimiho, Yoyaaqiimi Iyyaasuho.

NEHIMIYA 12:30

Qeesootunna Leewaawootu uminsara, mannaho, huxxu waalchuwaranna katamu huxxi daafira keereensate woga wonshitu.

NEHIMIYA 12:39

Hakkiinnino Efireemi Waalcho sa'ne, Yishana Waalchonna Qulxu'mu Waalchi widoonni hinge Hanaanieeli Shae huxxunnita sa'ne Xibbu Huxxi Shaenna Ge'reewu Waalchiwa dangummo. Qullaawu Mini mule noo waalchiwa iilline uurrinummo.

NEHIMIYA 13:28

Qeesootu roorrichi Eeliyaashiibi beetti beetti Yoyadai ooso giddonni mittu, Beetihorooni Katamira hee'rannohunnita Sanbalaaxi beetto adhino. Yoyadai Yerusaalametenni shorroommo.

NEHIMIYA 13:4

Qullaawa Mine, uduunnu minira annimma noosihu qeesichu Eeliyaashiibi Xobbiya ledo seedu diri jaalooma afi'rino.

NEHIMIYA 3:20

Zaabaya beetti Baarookino, qeesootu qari Eeliyaashiibi minira e'nanni waalchi geeshsha nooha diinaggaawe huxxi.

NEHIMIYA 3:21

Haqoosira beettu beetto ikkinohu Ooriyo beetti Meremooti hakkiinni kayise, Eeliyaashiibi mini qacce geeshsha nooha huxxi.

NEHIMIYA 3:32

Culka daashshitannorinna daddalaasineno huxxu maddera noo gafinni kayisse, ge'reewu huxxi waalchi geeshsha nooha goofimarchu hulfama huxxitu.

NEHIMIYA 6:1

Sanbalaaxi, Xobbiya, Arabichu Geesaaminna wole diinnanke huxxa huxxine gudankenna huxxamikkinni gatinohu fanu dargi nookkita macciishshitu. Ikkollana huxxu waalchuwara cufanna diuurrinsoommo.

NEHIMIYA 7:1

Kuneeti kinchu huxxi huxxame goofi. Huxxu cufanna baala darga dargansa qansi. Roorrootuno looso beekke, Qullaawa Mine agartannorira, faarsaanote gaamoranna wolootu Leewaawootira uyitu.

FAARSO 30:1

Kaaliiqa, gatisoottoehuranna, baarigaarra'ya hagiidhitannoe gede, assoottoekki daafira galateemmohe.

FAARSO 48:12

Maganu manna, Tsiyooni gaangaabbe; kinchu huxxi aana noo shaeno kiirre.

LAWISHSHA 3:6

Assattorira baalaho Magano albaanni qo'li; isino halaalaancho doogo kulannohe.

LAWISHSHA 3:9

Jirokki aaninninna baattokkiha umi laalcho baala fushshaate assite aatenni Kaaliiqa ayirrisi.

ERMIYAASI 31:38

«Hanaanieeli Shaenni kayise galchimaanni Huxxu Waalchi geeshsha Yerusaalame katama'ya ikkite gatamarantanno barri daanno.

DAANIEELI 9:25

Konne coye wodana assi. Yerusaalame gatamarrara hajajo fultuhunni kayise, Buuraminohu daa geeshsha 7 hige 7 dirinna 7 hige 62 diri sa"anno. Yerusaalameno gatamarranni; doogganna qiishose baala seekkinanni. Ikkollana kuni baalu qarru diro ikkanno.

ZAKKAARIYAASI 14:10

Aliyye Geeba Kataminni kayise, Yerusaalamete wodiidi widoonni hige Remooni Katami geeshsha noo gobba taalo ikkitanno. Yerusaalame gaangaawisera noo gobbara iimaanni higge leeltanno; katamuno Biiniyaami xullichinni kayise, bashsho albi xullichi, xa maddete xullichooti yinannihu geeshsha, hattono Hanaanieeli shae huxxunnitenni kayise, mootete mini woyine huuncinanni dargi geeshsha iillitanno.

YOHAANNISI 5:2

Yerusaalamete Ge'reewu Waalchi mule, Ibiraawootu afiinni Beetesayida yinanni kofo no. Hatte kofora ontu daasi noose.

MARRO 20:5

«Olantote hajajaano, ‹Haaro mine mi'ne imaansiisi'rinokkihu hee'riro, minisira galagale higo. Hatto ikka hoogiro, olu giddo reenna minesi wolu manchi imaansiisanno.