NEHIMIYA 2:8 - Qullaawa Maxaafa

⁸ Hattono Asaafi yinannihu, mootete dubbo agarannohu, Qullaawu Mini huxxi waalchira katamu huxxiranna ani galeemmo minira ikkitanno haqqe kadhate borrote sokka uyinannie gedeno xa'mi'rummo. Dancha Maganu anga ledo'ya noo daafira, moote xa'mi'roommore baala uyie.

NEHIMIYA 2:8 ပူးပေါင်းရင်းမြစ်များ

KALAQAMA 32:28

Manchu qole, «Kunni ka'a su'makki Yaiqoobi diyinanni; Maganunna manchu ledo sharrante qeelootto daafira, su'makki ‹Israeeli› yinanni» yiisi.

IZIRA 5:5

Maganu Ayihudete roorroota towatanni noonsa daafira, Daariyoosira soqqitino sokka dawaro higga geeshsha Faarisi roorrooti mine mina dihooltinonsa.

IZIRA 6:22

Kaaliiqi hagiirsiisinonsa daafira, Timu Ayyaana 7 barra hagiirrunni ayirrissu. Hatto assitinohu Kaaliiqi Asoori moote wodana shaqqishe, Maganinsa Mine mina kaa'lannonsa gede assinohuraati.

IZIRA 6:8

«Qolteno Ayihudete sooreeyye konne Maganu Mine galagalchite mintanno woyite, ki'ne loosu uurrannokki gede Efiraaxisira galchimi awuraajjinni gamba assinoonni giwiri aaninni mineho hasiisanno woxe techonni kayissine uuyyensa.

IZIRA 7:6

Kuni Izira Baabilooninni kae Yerusaalame dayi. Isi Israeelete Magani Kaaliiqi Musera uyino seera seekke egennino rosiisaanchooti. Maganisi Kaaliiqi anga ledosi noo daafira, xa'mi'rinore baala moote fajjinosi.

IZIRA 7:9

Dancha Maganisi anga ledosi noo daafira, dirunni umi aganira mitikki barra Baabilooninni kae, ontikki aganira umi barra Yerusaalame iilli.

NEHIMIYA 7:2

Anino Yerusaalamete Katama gashshitannore 2 manna doorummo. Insano ane rodii Hanaaniitinna qiishote roorricha ikkinohu Hanaaniyaati. Hanaaniya halaalaanchohonna Magano waajjate taalamannosihu nookki manchooti.

LAWISHSHA 21:1

Mootete wodani Kaaliiqi anga no; isino lolahanno wayi gede hasi'riwa haa're ha'rannosi.

ROSIISAANCHO 2:5

Caalu haqqe kaasi'roommo. Tenne haqqe giddono addi addi laalo uyitanno haqqe no.

ROSIISAANCHO 2:6

Lophitanno haqqe dubbo asse kaasoommo. Tenne haqqera hayikkinsanni wayi eelanno kofammano umoommo.

ISAYAASI 66:14

Kuni coyi ikkanna affinanni yannara hagiidhitinanni; Kaaliiqi ki'ne latise jawaantenna fayyimma aanno'ne. Hakkunni gedensaanni hajajantannoere kaa'leemmotanna, baarigaarra'yara kayinni hanqeemmota affinanni» yii.

DAANIEELI 1:9

Maganuno Daanieeli kaa'lanno gede roorrichu wodana shaqqishi.

SOQQAMAASINETE LOOSO 26:22

Xaa geeshsha kayinni Maganu kaa'lanni nooe; kunnira aju akkalira farci'ranni konne uurre noommo. Himanaanonna Muse ikkanno yitinore agurranna wolere dicoyi'roommo.

SOQQAMAASINETE LOOSO 7:10

Qarru baalunkunnino fushshe, Gibitsete moote Feriooni albaanni ayirrinyenna egenno uyinosi. Mooteno Gibitsetenna minisira baalaho hajajaancho assinosi.

LAYINKI QORONTOOSI 8:16

Ani ki'ne daafira diinaggaawummonte gede, Tiito wodanirano hatte hedo worino Maganira galatu iillosi.