NEHIMIYA 2:5 - Qullaawa Maxaafa

⁵ mootete, «Moote, ati maahoyye yiittoeronna baxattoeha ikkiro, akaakka'ya madaarantinowa Yihudaho noo katama Yerusaalame ha'reemmo gedenna, isono galagalche mineemmo gede fajjie» yee huucci'rummo.

NEHIMIYA 2:5 ပူးပေါင်းရင်းမြစ်များ

LAYINKI SAAMUEELI 14:22

Iyoaabino baattote aana heeshshi yee, moote galaxxe, «Coye'ya haaroottoe daafira, ane soqqamaanchokki baxoottoeta afoommo» yii.

IZIRA 5:17

«Xaano ati maahoyye yiittonkeronna, kuni Maganu Mini Yerusaalamete minamanno gede moote Qiroosi hajajinota buuxate, Baabilooni mootete mine worroonni taje fanne la'nanni gede assi. Hakkunni gedensaanni, ikkona yootto coye soyinke» yitannote.

NEHIMIYA 2:4

Mooteno, «Xa ma"assinahera hasi'rattoyya?» yee xa'mie. Anino Gordu Magano huucci'rummohu gedensaanni,

NEHIMIYA 2:6

Hattenne yannara, mootitte mootete mule ofolte heedheenna, mooteno xa'mo'ya haa're, «Doogokki mageeshshi yanna adhitannohe? Mamoote higatto?» yee xa'mie. Anino mageeshshi yanna adhitannoeronna mamaro higeemmoro kulummosi.

ASTEERI 1:19

Moote, maahoyye yiittonkero, mootitte Asxiini kunni ka'a atewa daggara fajjinannisekkita egensiisanno lallawa fushshi. Konne coyeno Faarisinna Medooni seeri garinni soorramannokki gede assine berreessinona hajaji. Asxiini mootimma hoolte isewiinni woyyitannotera uyi.

ASTEERI 5:8

«Baxattoehanna hasi'roommare aattoeha ikkiro, ga'a jileemma jilirano atinna Haama layinkimeeshsho dagginannie gede ayirrinyunni huucci'reemma. Hasi'roomma coye hakkawoyite kuleemmahe» yitu.

ASTEERI 7:3

Asteerino, «Moote'ya, baxattoehanna hasi'roommare assattoeha ikkiro, anenna gosa'ya lubbo gatisie.

ASTEERI 8:5

«Baxattoehanna kaa'lattoeha ikkiro, qoleno yeemma coyi gara ikkironna maahoyye yaattoeha ikkiro gashshootikki giddo noo Ayihude baala co'o assine gundanni gede Agaagi sircho ikkinohu Hamadaata beetti Haama hajajino hajajo shaaranno lallawa fushshatto gede huucci'reemmahe.

LAWISHSHA 3:4

Hatto assittoro, Maganunna mannu albaanni ayirrinyenna baxille afi'ratto.

DAANIEELI 9:25

Konne coye wodana assi. Yerusaalame gatamarrara hajajo fultuhunni kayise, Buuraminohu daa geeshsha 7 hige 7 dirinna 7 hige 62 diri sa"anno. Yerusaalameno gatamarranni; doogganna qiishose baala seekkinanni. Ikkollana kuni baalu qarru diro ikkanno.

MAATEWOOSI 23:27

«Kine lawisiisaano, Seeru rosiisaanonna Farisootu, ki'nera aanne'e! Giddo reyino manni miqqanna bowanye wo'mite heedheenna, gobbayido kayinni sorsa buurre biifinsoonni moogga labbinanni.

RUUTI 2:13

Ruutino, «Mooticha'ya, ati anera lowore assoottoe. Soqqamaanokkinni mittichote gede assite kiirattoera nafa ikkoommakkita shaqqillu hasaawikkinni hagiirsiisoottoe» yitusi.