NEHIMIYA 2:4 - Qullaawa Maxaafa

⁴ Mooteno, «Xa ma"assinahera hasi'rattoyya?» yee xa'mie. Anino Gordu Magano huucci'rummohu gedensaanni,

NEHIMIYA 2:4 ပူးပေါင်းရင်းမြစ်များ

LAYINKI SAAMUEELI 15:31

Daawitira, gano ganate Akixoofeeli Abeseloomi ledo noota kulleennasi, «Eeggate Kaaliiqa'ya, Akixoofeeli mali mulla ikkanno gede assi» yee huucci'ri.

UMI MOOTOOLLA 3:5

Hakko hashsha Kaaliiqi Selemoonira haaqeete, «Ma aammohera hasi'ratto?» yee xa'misi.

NEHIMIYA 1:11

Kaaliiqa'ya ballo, kuneeti xaano ane soqqamaanchikkitanna ate ayirrisa baxxannorita wolootu huuccattono macciishshi. Techo loosate hedoommo coyi qinaannoe gede mootete wodana shaqqishatenni kaa'lie» yaanni huucci'roommo. Hatte yannara ani mootete woyinete xajje xorsheemmo.

NEHIMIYA 1:4

Ani konne duuchanka coye macciishshummo woyite ofolle wi'loommo. Lowo barra itanna aga agure Gordu Magano huucci'ranni,

NEHIMIYA 1:5

«Gordu Magano Kaaliiqa, ati jawahonna waajjinanniho. Ati baxxannoheriranna hajajokki ayirrissannorira baalaho gondoorokki seekkite agaratto.

NEHIMIYA 2:20

Anino, «Gordu Magani loosonke qineessannonke; ninke isi soqqamaanooti; kunnira looso hananfeemmo. Ki'nera kayinni, Yerusaalamete gutu, doyichonna wogate karsi dino'ne» yee dawarummonsa.

NEHIMIYA 2:5

mootete, «Moote, ati maahoyye yiittoeronna baxattoeha ikkiro, akaakka'ya madaarantinowa Yihudaho noo katama Yerusaalame ha'reemmo gedenna, isono galagalche mineemmo gede fajjie» yee huucci'rummo.

ASTEERI 5:3

Mooteno, «Asteeri, mayira dayitta? Maricho hasi'roottaro kulie; gashshooti'ya darate ikkiro nafa eemmohe» yiise.

ASTEERI 5:6

Woyinete xajje agganni heedheenna moote Asteeri, «Hasi'roottare xa'mie, eemmohena; gashshooti'ya darate ikkiro nafa aammohera qixxaawaho?» yiise.

FAARSO 136:26

Gordu Maganira galata uuyyesi; bagamannokkihu baxillisino hegerehona.

LAWISHSHA 3:6

Assattorira baalaho Magano albaanni qo'li; isino halaalaancho doogo kulannohe.

MAARQOOSI 10:51

Yesuusi, «Ma assammohera hasi'ratto?» yee xa'misi. Illiweeluno, «Rosiisaancho'ya, la"ammora hasi'reemmo» yii.

SOQQAMAASINETE LOOSO 23:19

Olantote hajajaanchino beetto anga amade qacce fushshe callichosi, «Ma kulattoeraati?» yee xa'mi.

FILIPHISIYUSI SOKKA 4:6

Baalunku coyira galaxxitinanninna huuccidhinanni hasidhinoonni coye Maganoho ku'le ikkinnina, mittu coyirano yaaddinoonte.