NEHIMIYA 2:20 - Qullaawa Maxaafa

²⁰ Anino, «Gordu Magani loosonke qineessannonke; ninke isi soqqamaanooti; kunnira looso hananfeemmo. Ki'nera kayinni, Yerusaalamete gutu, doyichonna wogate karsi dino'ne» yee dawarummonsa.

NEHIMIYA 2:20 ပူးပေါင်းရင်းမြစ်များ

LAYINKI DUDUWO 26:5

Zakkaariyaasi lubbotenni noo geeshsha, Kaaliiqa waajjanno gede amaalinosi daafira ammaname hee'rino. Ammanamatenni soqqami deerrinni Maganuno maassi'rinosi.

IZIRA 4:3

Zerubaabeeli, Iyyaasunna wolootu Israeelete gosa sooreeyye kayinni, «Maganinke Mine mintinara ninke ledo xaadu dino'ne. Faarisi moote Qiroosi hajajinonke garinni Israeelete Maganira Kaaliiqira Qullaawa Mine minneemmori ninkeetilla» yite dawartunsa.

NEHIMIYA 1:4

Ani konne duuchanka coye macciishshummo woyite ofolle wi'loommo. Lowo barra itanna aga agure Gordu Magano huucci'ranni,

NEHIMIYA 2:4

Mooteno, «Xa ma"assinahera hasi'rattoyya?» yee xa'mie. Anino Gordu Magano huucci'rummohu gedensaanni,

ASTEERI 4:11

«Labbaahano ikko meyati, ayino woshshinikkinni mootete mini giddora eannoha ikkiro shinanni. Seeru konne ikkanna, mootete amaalaasinenni kayise wolu manni geeshsha konne coyeno afinokkihu mittuno dino. Seeru garinni hakkiira eanno woyite moote culku siqqicho isi widira qole akeekinohu callu reyotenni gatanno. Hakkunni aana, ani mootenniwa mare higummankunni sajjuu barri sainoe» yite dawarte Hataaki Merdookiyoosiwa sokku.

FAARSO 102:17

Hawaminohunnita mannisi ku'lo macciishshanno; huuccattonsano lashshi diassanno.

FAARSO 122:6

Yerusaalamete Katamira keeru ikkanno gede, «Baxxannoheri baalu duroo'mito!

FAARSO 20:5

Diinu anganni gatisoottonke daafira hagiirrunni qeexaa'lineemmo; Maganinke su'minni gotti gotti yineemmo; huuccattokki baala Kaaliiqi wonshohe.

FAARSO 35:27

Keeraanchimma'ya affara baxxannorira kayinni, tashshi yoonsa; wo'manka woyite hagiidhitanni, «Soqqamaanchisi keere baxannohu Kaaliiqi, ayirradoho» yito.

FAARSO 51:18

Tsiyoonira baxillikkinni dancha coye assisi; Yerusaalamete huxxano huxxi.

FULO 28:29

Aaroonino Qullaawu Minira eanno woyite, ane Kaaliiqi albaanni qaagantanni heedhanno gede tonaa lamente Israeelete ga're su'muwa borreessinoonnita tenne gagasu kiise wodanisi aana duhona.

ROSIISAANCHO 7:18

Magano waajjannohu wo'mankare qeele sa"anno daafira, bunshetennino ikko danchummatenni quwa sa'ooti.

ISAYAASI 56:5

Qullaawu Mini'ya giddo su'ma'ne ooso'ne kayissannohunni roore, qaanganna hee'ranno gede asseemmo; ki'neno hambi'nekkinni heedhinanni» yii.

LEEWAAWOOTA 2:2

Aarooni sircho ikkitino qeesootiwa haa're abbona. Qeesichuno zayitenna hixaanu aanaho noo bullee mitto hoowo wo'ma haa're, kakkallanni darga masse shilqishona; giirre shiqinshanni kakkalo shilqonnite fooli anera tashshi yaannoe gede, wo'munku aneha ikkinota egensiisate kakkallanni dargira haadhe massitona.

LEEWAAWOOTA 24:7

Dancha hixaana tenne timma aana wori; timma wo'manti aneta ikkitinota egensiisate hixaana giiri.

ZAKKAARIYAASI 6:14

Ayirrado ba'lattono Qullaawa Mine'ya heedhona. Mannuno ise la"anno woyite, Heldaya, Xobbiyanna Yidaiya qaaganno; qoleno, Soffooniyaasi beetti Iyosiyaasi mageeshshi geeshsha shaqqado ikkinoro qaaganno» yiie.

KIIRO 10:10

Qoltineno hagiirri'ne barra: Aganu Leellannoteranna wole hirqinoonni ayyaannara, shilqote kakkalonna mittimmate kakkalo shiqishshinanni yannara xurumbuwa ufuuffe. Konne macciishsheemmo woyite qaageemmo'ne. Ani Kaaliiqi Magano'neeti» yii.

SOQQAMAASINETE LOOSO 10:31

‹Qornelewoosi! Maganu huuccattokki macciishshinohe; buxanete ootto kaa'lono qaaginohe.

SOQQAMAASINETE LOOSO 10:4

Waajje sokkaasincho seekke lae, «Mooticha! Maati?» yii. Sokkaasinchuno, «Huuccattokkinna buxanete ootto kaa'lo dancha qaaggo ikkite Maganoho leeltino.

SOQQAMAASINETE LOOSO 8:21

Wodanikki Maganu albaanni suwashsho ikkinokki daafira, ati tenne kaayyo beeqqaasincho ikka didandaatto.