NEHIMIYA 2:19 - Qullaawa Maxaafa

¹⁹ Kayinnilla, Sanbalaaxinna Xobbiya hattono Geesaami yinannihu mittu Arabichi ninke fushshinoommota loosu qixxeesso macciishshitu yannara, qacifattanninna oso'litanni, «Ma"assitinanni heedhinoonniro affinoonni? Woy mootete aana ka'inara hasidhinoonnini?» yite xa'mitunke.

NEHIMIYA 2:19 ပူးပေါင်းရင်းမြစ်များ

NEHIMIYA 13:28

Qeesootu roorrichi Eeliyaashiibi beetti beetti Yoyadai ooso giddonni mittu, Beetihorooni Katamira hee'rannohunnita Sanbalaaxi beetto adhino. Yoyadai Yerusaalametenni shorroommo.

NEHIMIYA 2:10

Kayinnilla, Beetihorooni Katamira hee'rannohu Sanbalaaxinna Amooni gobba roorrichi Xobbiya, Israeelete mannira dancha coye assanno manchi dayinota affe lowo geeshsha hanqitu.

NEHIMIYA 4:1

Ninke Ayihude huxxu looso hananfoommota Sanbalaaxi macciishshe, lowo geeshsha aarami; hifatame xonankera kai.

NEHIMIYA 6:6

«Atinna fiixakki ikkitino Ayihudooti kinchu huxxa huxxitinannihu gibbo kayisate ikkinota, ollaanke ikkino manni hasaawinota Geesaami kulinonke. Kunni aanano ati umokki moohisate hedakinna,

NEHIMIYA 6:9

Kunni garinni looso uurrinseemmo gede assitara waajjishiishshinonke. Kunnira, «Kaaliiqa Magano'ya, eeggatena jawaachishie» yee huucci'roommo.

IYYOOBI 30:1

«Xa kayinni, ilama anewa dagginokkiri arrassitannoe; annuwansa, ge'reewo'ya agaranno woshsha kaa'late nafa diwodheemmoreeti.

FAARSO 123:4

Duuwaleeyyete xono duumboommo; boonaleeyyete minsheno batidhinonke.

FAARSO 79:4

Mulenke noo gosano xontinonke; gaangaawinkera heedhannori oso'litinonke; qacifattinonke.

FAARSO 80:6

Qooxeessinkera heedhanno gosa, hettissannonke gede assoottonke; diininkeno qacifatinonke.

FAARSO 80:7

Olantote Magano, haaroonsinke; ganteemmo gede maarokki leellishinke.

ISAYAASI 36:5

Mulla haafa olu busullenna wolqa nooe yaatto? Afummona, ati aye hexxiteeti anera gara giwattohu?

ERMIYAASI 20:8

Ani coyi'reemmo kiironni raare, haxawarrimmannirenna baonnire kuleemmo; Kaaliiqa'ya ate sokka kuloommo daafira, wo'manka woyite xonnoonnie; diqantoonnie.

ERMIYAASI 41:10

Hakkunni gedensaanni Ismaeeli Baabilooni mootera olu hajajaancho ikkinohu Nabuzardaani Gedaaliya towatanno gede worroonniha mootete seennenna gatino manna baala amade Mitsipha usuri. Hakkunni gedensaanni konne manna qafade, Amooni gobba widira qole haa're ha'ri.

MAATEWOOSI 9:24

Isino, «Baalunku kawiichinni fulle, qaaqqo goxxinota ikkinnina direyitino» yiinsa. Insa kayinni iso maaeelsite oso'litu.

MAARQOOSI 5:40

Mannu kayinni iso maaeelse oso'lisi. Ikkollana Yesuusi manna baala mininni fushshe, qaaqqote annanna ama ledosi dayino manni ledo haa're qaaqqo noowa ei.

LUQAASI 23:2

«Kuni manchi mannanke so'risiisanna anfoommo; Roomu Moote Qeesaarirano giwire baantannikki gede hoolanni no. Qoleno, ‹Ani moote Kiristoosaati› yee coyi'rino» yite bushiishshusi.

YOHAANNISI 19:12

Philaaxoosino Yesuusi coyi'rinore macciishshe tire agurara hasi'ri. Ayihudootu kayinni, «Konne mancho tirittoro qaru Roomu mootera jaala di"ikkootto. Umosi moote assannohu baalu qaru mootera diinaho!» yitanni cancitu.

SOQQAMAASINETE LOOSO 24:5

Kuni manchi ninkera dhibba ikkinonke. Gobba baalate noo Ayihudootira qarra kalaqino. Naaziraanote yinanni so'risiisaanora sooreessaho.

IBIRAAWOOTA 11:36

Mito qacifantanni gannoonninsa; woloota cagaagetenni usurre usuru mine tungoonninsa.