NEHIMIYA 2:12 - Qullaawa Maxaafa

¹² Yerusaalamete looseemmo looso baala, Maganu wodani'yara worino coye ayerano kulummokkinni keeshshoommo. Hakkunni gedensaanni, miilla'ya giddonni shiima manna hoode adhe hashshu mereero fuloommo. Ani gulufe noommo harricho agurranna, wole saada dinonke.

NEHIMIYA 2:12 ပူးပေါင်းရင်းမြစ်များ

IZIRA 7:27

Izira qole, «Yerusaalamete noohu Kaaliiqi Mini kunni garinni ayirranno gede, konne coye mootete wodanira worinohu annuwanke Magani Kaaliiqi galatamo.

NEHIMIYA 2:11

Ani Yerusaalame iille, hakkiicho 3 barra fooliishshi'roommo.

NEHIMIYA 2:13

Lagichu huxxi waalcho fule, «Dhudhuufu Buicho» yinannite widoonni hege, wodiidoonni ishine tunganniwa maroommo. Yannano hashshaati. Saeemmo woyite diigantinota katamu huxxuwanna giirante gooffinota huxxu waalchuwa laoommo.

FAARSO 122:6

Yerusaalamete Katamira keeru ikkanno gede, «Baxxannoheri baalu duroo'mito!

FAARSO 51:18

Tsiyoonira baxillikkinni dancha coye assisi; Yerusaalamete huxxano huxxi.

LAWISHSHA 12:23

Egennaamu manchi egennosi diku'lanno; hawanyu kayinni gowwimmasi leelliwa duduwanno.

ROSIISAANCHO 3:7

Darate yanna no; gowate yanna no. Sammi yaate yanna no; hasaawate yanna no.

ERMIYAASI 31:33

Insa ledo e"eemmohu haaru gondoori kunninni aane nooho: Seera'ya giddonsa woreemmo; wodaninsarano borreesseemmo. Ani Maganonsa ikkeemmo; insano manna'ya ikkitanno.

ERMIYAASI 32:40

Hegere gondoorono insa ledo e"eemmo; insara danchare assa diagureemmo. Anewiinni wolewa higgannokki gede wodaninsara ane waajja woreemmo.

AMOOTSI 5:13

Kunni baalu coyinni kainohunni, diru busha ikkinohura, egennaamu manchi sammi yaanno.

MIKIYAASI 7:5

Olliichokki woy jaalakki ammantooti. Hanqafidhe galattotera minaamakkira nafa layidhanni coyi'ri.

MAATEWOOSI 10:16

Yesuusi, «Kuneeti ani ge'reewu gede hiyyeeyyete giddora soyemmo'ne. Kunni daafira hamashshu gede busuloota, lembooli gede joogaadda ikke.

MAATEWOOSI 2:14

Yooseefino hashsha kae qaaqqonna ama haa're Gibitsete gobba ha'ri.

LAYINKI QORONTOOSI 8:16

Ani ki'ne daafira diinaggaawummonte gede, Tiito wodanirano hatte hedo worino Maganira galatu iillosi.

IYYAASU 10:9

Iyyaasunna olantosi hashsha wo'ma Galgalunni ka'e Gebaoonira hadhanni galte Amooraawootu aana hedeweelcho bala tuggu.

YOHAANNIS AJUUJA 17:17

Maganu hedinori wo'ma geeshsha, mitteenni sumuu yite gashshootunnita wolqansa moyichoho uyitanno gede tenne hedo wodaninsa giddo worinohu Maganoho.

EJJEETTO 6:27

Gedewooni soqqamaasinesi giddonni 10 anga adhe mare Kaaliiqi hajajinosi gede assi. Minisi mannanna katamu manna waajjino daafira, konne assinohu dibarraatina hashshaati.

EJJEETTO 9:32

Kunnira hashsha mannakki haadhe dagge xawoho gaa'lite agari.