NEHIMIYA 13:25 - Qullaawa Maxaafa

²⁵ Konne mannano borooroommo; rumoommo. Gamisa gane dananchonsano ciroommo. Hakkunni gedensaanni, insanna oosonsa wole gobba manni ledo adhantannokki gede Maganu su'minni xaarsiisoommo.

NEHIMIYA 13:25 ပူးပေါင်းရင်းမြစ်များ

LAYINKI MOOTOOLLA 2:24

Elsaino caaqqi yee lae, ooso Kaaliiqi su'minni rumi; hakkiinni 2 meyari dibi yinanni moyichubba dubbunni fule hattenne ooso giddonni 42 beetto cancane tugi.

IZIRA 10:5

Izirano kae umo umo ikkitino qeesoota, Leewaawootanna Israeele baala tenne shiqqino hedo wonshitanno gede xaarsiisi. Insano xaartu.

IZIRA 7:26

Maganikki seeriranna mootekki seerira hajajamannokkiha shinanni; woy gobbatenni fushshine hunnanni; woy jajjisi adhamanno; woy isi usuramanno» yitannote.

NEHIMIYA 13:11

Anino, «Maganu Mine mayira lashshi assine agurri?» yee roorroota boroorummo. Leewaawootanna faarsaanono darga dargansa qole soqqantanno gede assummo.

NEHIMIYA 13:17

Anino Yihudu gashshaano, «Kuni assitinannihu bushu coyi maati? Fooliishshote Barra mayira batteessitinanni?

NEHIMIYA 13:24

Gamisa oosonsa, Ashidoodi gosahunninna wole gobba qaalinni coyidhanni no. Ninke qaaleno diegentino.

NEHIMIYA 5:13

Qodho'ya tire giddo noore baala giggishshe, «Ki'ne giddonni ayino tenne xaaro diigiro, Maganu togo assosi! Minesinna jajjasi haa're hoole mulla anganni gatisosi!» yoommonsa. Hakkiicho noo manni baalu mitto afoo ikke, «Eewanni hatto assosi» yee Kaaliiqa galati. Albisootuno e'ino xaaro wonshitu.

NEHIMIYA 5:6

Anino abbooshshansa macciishshe lowo geeshsha hanqummo.

FAARSO 119:53

Bushuullu seerakki huntanna afeemmo woyite, lowo geeshsha aarameemmo.

FAARSO 15:4

Cubbaataamma naadannokkiho; Kaaliiqa waajjitannore ayirrisannoho; qarramiro nafa coyi'rino qaale soorrannokkiho.

FULO 34:16

Ooso'nera insa seenne haadhiniro, kaphunnita magannansa magansidhanno gede asseenna, anera ammanantannokkire ikkitanno.

LAWISHSHA 28:4

Seera ayirrisannokki manchi busha manna galatanno; seera agadhannohu kayinni busha giwanno.

ISAYAASI 50:6

Gantannoerira badhe'ya oommo; ereeda'ya cirtannorira baqqaalla'ya qoloommo; xontannoerinna malxifattannoeriwiinni alba shawwu diyoommo.

MARRO 6:13

«Magano'ne Kaaliiqa ayirrisse; isi callaho soqqamme. Isi su'mi callunni xaarre.

MARRO 7:3

Insa ledo adhantinoonte. Ooso'ne seennensa adhitoonke; seenni'neno oosonsara assi'roonke.

IYYAASU 23:12

Ki'ne ammananitinannikkirenna giddo'ne noo daga ledo adhamatenni karsantinanniha ikkiro kayinni,