NEHIMIYA 13:22 - Qullaawa Maxaafa

²² Leewaawootu umonsa keereensidhanno gede, dagge waalchuwa agartanno gedenna Fooliishshote Barra ayirrissanno gede kulummonsa. Magano'ya tenneno habbootie; bagamannokkihu baxillikkinni laie.

NEHIMIYA 13:22 ပူးပေါင်းရင်းမြစ်များ

LAYINKI MOOTOOLLA 23:4

Iyosiyaasi qeesootu roorricha Hiliqiya, kaa'litannosi qeesootanna Qullaawu Mini agaraasine Ba"aalita, Asheeratanna beeddahe magansi'rate shiqinshoonni uduunne baala Qullaawu Mininni fushshite huntanno gede hajaji. Mooteno hakkonne uduunne baalanka Yerusaalamete gobbaanni masse Qedirooni Lagichira giire buluulo Beeteli haa're ha'ri.

LAYINKI DUDUWO 29:24

Moote hajajino garinni, shilqote kakkaloranna mittu mittunkuha Israeelete cubbo baala agursiisate qeesootu meu gocca gorrite mundee kakkalote darga duntu.

LAYINKI DUDUWO 29:27

Hiziqiyaasi shilqote kakkalo kakkaltanno gede hajaji. Insa kakkaltanna mannu galatu faarso faarsi. Faarsaanono xurumba ufuuffanninna Daawitiha muuziiqu uduunne gantanni dukkissunsa.

LAYINKI DUDUWO 29:30

Hiziqiyaasinna roorrootu Daawitinna himanaanchu Asaafi fushshitinota galatu faarso Leewaawootu faarsitanno gede assitu. Insano umo heeshshi yite lowo hagiirrinni faarsitu.

NEHIMIYA 12:10

Yaadua Yoonaataaniho, Yoonaataani Yoyadaiho, Yoyadai Eeliyaashiibiho, Eeliyaashiibi Yayaaqiimiho, Yoyaaqiimi Iyyaasuho.

NEHIMIYA 12:30

Qeesootunna Leewaawootu uminsara, mannaho, huxxu waalchuwaranna katamu huxxi daafira keereensate woga wonshitu.

NEHIMIYA 13:14

Magano'ya ballo, minikkiranna minikki soqqanshora assoommoha dancha coye habbootie.

NEHIMIYA 13:31

Yanna yannantenni kakkalote ikkitanno haqqe shiqinshanni garanna umi laalcho shiqinshanni gara biddi assoommo. Magano'ya ballo, assoommore qaagge maassi'rie.

NEHIMIYA 5:19

Magano'ya ballo, kunni mannira assoommo danchumma baala la'e qaagie.

FAARSO 130:7

Israeele! Isi bagamannokki baxillihanna, manna gatisateno wo'manka woyite qixxaawa ikkinohura, Kaaliiqa addaxxi.

FAARSO 5:7

Ani kayinni bati'ra maarokkinni kainohunni minikkira e"eemmo. Ate ayirrisatenni Qullaawu Minikkira e"e kumbuuleemmo.

FAARSO 51:1

Magano! Bagamannokkihu baxillikki deerrinni maarie; maarokki batinyi deerrinni cubbo'ya agurie.

ISAYAASI 49:23

Mootoolla annuwa ikkite lossitannonsa; mootete meentino amate gede awuutannonsa. Aterano borojju gede umo heeshshi yee kumbuule, lekkakki buko laaxanno; kunninni ani Kaaliiqa ikkoommota afatta; ane hexxitannori disaalfattanno» yii.

ISAYAASI 55:7

Bushu manchi bunshete doogonni higo; xagaraamuno xagarrosi aguro. Maarosi bati'ra ikkitino daafira cubbosi agurannosina, Maganinke Kaaliiqiwa higo.

LAYINKI QORONTOOSI 1:12

Ninke adawadhineemmo coyi konneeti: Kuni coyi halaale ikkinota tii"inke kulannonke. Wolu manninna roorsineno ki'ne ledo noonke xaadi, Maganuwiinni afi'noommo qullaambenna sumbete aana xintaminoho. Kuni ikkinohu, Maganu eltonniiti ikkinnina mannu egennonni di"ikkino.

MARRO 5:12

« ‹Ani Maganikki Kaaliiqi hajajoommohe garinni Fooliishshote Barra qullaawa assidhe ayirrisi.