NEHIMIYA 12:43 - Qullaawa Maxaafa

⁴³ Maganu lowo geeshsha tashshi assinonsahura, mannu hagiidhanni lowo kakkalo shiqishi. Meentunna oosono lowo geeshsha hagiidhitu. Ililleetteno Yerusaalametenni faffe macciishshantu.

NEHIMIYA 12:43 ပူးပေါင်းရင်းမြစ်များ

LAYINKI DUDUWO 20:13

Hatte yannara, Yihudu manni baalu meentinsa, oosonsanna qaaqquullinsa ledo Qullaawu Minira albaanni uurre hee'reenna,

LAYINKI DUDUWO 20:27

Kaaliiqi diinansa qeeltanno gede assinonsa daafira Yihudunna Yerusaalamete manni baalu Iyosaafiixi albaanni wodhe hagiidhanni Yerusaalame higi.

LAYINKI DUDUWO 7:10

Lamalki aganira lemiina sayikki barra Selemooni manna qae qaesi ha'ranno gede assi. Mannuno Kaaliiqi Israeelete, Daawitiranna Selemoonira assinohura danchu coyi baalunku daafira hagiidhanni ha'ri.

IZIRA 3:13

Cancu batinyinni kainohunni ililleettenna wi'la bande afate didandiinoonni. Luuluno xeertote hee'neenna macciishshami.

NEHIMIYA 12:27

Yerusaalamete huxxa maassi'ni barra, Leewaawootu noo noowiinni xinqisiisante daggu. Insano dagge tsenaatsiletenni, baganunninna maasinqotenni galatu faarso faarsitanni jila iibbishshu.

NEHIMIYA 12:42

Qolteno Maiseya, Shemaiya, Aliaazaari, Uuzi, Yihohanaani, Malkiya, Elaaminna Ezeeri hoodensa hadhanni no. Insano Yiziraiya albisannansa lowo geeshsha faarsitu.

IYYOOBI 34:29

Maganu konne baala afe mittoreno assa giwiro, busha assootto yee coyi'rannosihu ayeti? La'nannikki gede alba maaxi'riro, la"asira dandaannohu dino; isi gobba gosate aliidiho.

FAARSO 27:6

Kuneeti xa gaangaawi'yara noo baarigaarra aana gotti gotti assannoe. Dukkanisi giddo ilillisanni kakkaleemmo; Kaaliiqira geeweemmosi; faarseemmosi.

FAARSO 28:7

Kaaliiqi wolqa'yaatinna wonqo'yaati; wodani'yanni iso hexxeemmo. Kaa'lannoe daafira tashshi yaannae, galatu faarso faarseemmosi.

FAARSO 9:2

Atenni tashshi yaannae, hagiidheemmo; Wo'munkura Aliidi Magano, su'mikkira faarseemmo.

FAARSO 92:4

Kaaliiqa'ya! Loosikkinni hagiirsiisoottoena, loosootto loosira hagiirrunni faarseemmohe.

ISAYAASI 61:3

Tsiyooni wi'litanni noorira, buluulu darga seesu ba'latto worammonsara, hindiiddote darga hagiirru zayite, umoho dunammonsara, dadillu darga galata tuulachishammora soyinoe. Kuri ayirrinyesi xawissanno gede Kaaliiqi kaasinoreeti; insa, Keeraanchimmate Haqqeeti yinanninsa.

ERMIYAASI 31:13

Hatte yannara seenninsa hagiidhe kukkubbanno; labballi oosonsanna geerrinsa qeexaa'lanno. Wodana qoleemmonsa waro, wi'lansa hagiirreho, dadillensa hisanyooteho soorreemmo.

ERMIYAASI 33:11

ani Kaaliiqi tenne baatto albi gede jironnita asseenna mannu Mini'yara galatu fushshaate haa're abbanni, hagiirrunninna qeexaalunni, adhatenna adhamate hagiirrira faarsinanni garinni, ‹Isi shaqqadoho; bagamannokkihu baxillisi hegerehona, Olantote Mooticha Kaaliiqa galatte› yaanni naggi yitino qoonqonni faarsanno» yii.

KIIRO 10:10

Qoltineno hagiirri'ne barra: Aganu Leellannoteranna wole hirqinoonni ayyaannara, shilqote kakkalonna mittimmate kakkalo shiqishshinanni yannara xurumbuwa ufuuffe. Konne macciishsheemmo woyite qaageemmo'ne. Ani Kaaliiqi Magano'neeti» yii.

MAATEWOOSI 21:15

Qeesootu roorrootinna Seeru rosiisaano kayinni, Yesuusi assino dhagge la'inohuranna qaaqquulluno Qullaawa Mine, «Hosaina, Daawiti Beettira galatu ikko!» yite godo'litanna macciishshitino daafira hanqitu.

MAATEWOOSI 21:9

Albasiinninna badhesiinni ha'ranni noo manni, «Hosaina! Daawiti Beettira galata ikko; Mootichu su'minni daannohu maassaminoho! Hosaina! Galatu Gordoho hee'rannohura Maganoho ikko!» yaanni qeexaa'li.

YOHAANNISI 16:22

Ki'neno xa hatto dadillitinanni; ani kayinni galagale afeemmo'ne. Wodani'ne hagiidhanno; hagiirre'neno adhannohu dino.

EFESOONI SOKKA 5:19

Faarsotenni, guwishshunninna ayyaanaame geewonni ki'ne ki'neneewa hasaabbe. Mooticha wodani'nenni guwissinanni faarse.

YAIQOOBI 5:13

Ki'ne giddo qarru amadinosihu hee'riro huucci'ro. Hagiidhinohu hee'riro galatunni faarso.

UMI SAAMUEELI 4:5

Kaaliiqihu Gondooru Taabooti qacha ei yannara, Israeele hagiirrunni gobba milli assitu.